ആ​ന​ക്ക​ല്ല് ത​ട​യ​ണ​യും വ​റ്റി
Thursday, May 9, 2024 1:29 AM IST
ഒറ്റ​പ്പാ​ലം:​ മ​ണ്ണൂ​ർ പ​ഞ്ചാ​യ​ത്തി​ലെ കുടി​വെ​ള്ള പ​ദ്ധ​തി​യാ​യ ആ​ന​ക്ക​ല്ല് കു​ടി​വെ​ള്ള​ പ​ദ്ധ​തി​യു​ടെ താ​ത്‌​കാ​ലി​ക ത​ട​യ​ണയും വറ്റി. അ​നേ​കം കു​ടും​ബ​ങ്ങ​ൾ​ക്ക് ദാ​ഹ​ജ​ലം ന​ൽ​കി​വ​രു​ന്ന പ​ദ്ധ​തി​യാ​ണ് ഇ​ല്ലാ​താ​യ​ത്. മ​ണ​ൽ​ചാക്ക് നി​ര​ത്തി പ​ടു​ത്തു​യ​ർ​ത്തി​യ താ​ത്‌​കാ​ലി​ക ത​ട​യ​ണ​യാ​യി​രു​ന്നു ഇ​ത്. മ​ണ്ണൂ​ർ പ​ഞ്ചാ​യ​ത്തി​ലെ ഒ​ന്നാം​വാ​ർ​ഡി​ലെ 250 ഓ​ളം കു​ടും​ബ​ങ്ങ​ൾ ആ​ശ്ര​യി​ച്ചി​രു​ന്ന കു​ടി​വെ​ള്ള സ്രോ​ത​സാ​ണ് ഇ​ല്ലാ​താ​യ​ത്. ത​ട​യ​ണ പൂ​ർ​ണ​മാ​യി വ​റ്റി​യ​തോ​ടെ പ്ര​ദേ​ശ​ത്ത് കു​ടി​വെ​ള്ള​ക്ഷാ​മം രൂ​ക്ഷ​മാ​യി. കൊ​ട്ട​ക്കു​ന്ന്, പ​ടി​പ്പു​ര​ക്കാ​ട്, ആ​ന​ക്ക​ല്ല്, ചെ​വി​ക്ക​ൽ​കു​ണ്ട്, മ​രു​തൂ​ർ​കു​ണ്ട്, നെ​ല്ലി​ക്കു​ന്ന് പ്ര​ദേ​ശ​ങ്ങ​ളി​ലെ കു​ടും​ബ​ങ്ങ​ളാ​ണ് ദു​രി​ത​മ​നു​ഭ​വി​ക്കു​ന്ന​ത്. പ​ല കു​ടും​ബ​ങ്ങ​ളും കു​ടി​വെ​ള്ളം വി​ല​യ്ക്ക് വാ​ങ്ങു​ന്നു​ണ്ട്. കാ​ഞ്ഞി​ര​പ്പു​ഴ​ ഡാ​മി​ൽ നി​ന്ന് വെ​ള്ളം ല​ഭി​ച്ചി​രു​ന്നെ​ങ്കി​ലും ഡാ​മി​ൽ വെ​ള്ളം കു​റ​ഞ്ഞ​തോ​ടെ ആ ​വ​ഴി​യും അ​ട​ഞ്ഞു.

ത​ട​യ​ണ​യി​ൽ വെ​ള്ള​മെ​ത്തി​ക്കാ​ൻ ന​ട​പ​ടി​ വേ​ണ​മെ​ന്നാ​വ​ശ്യ​പ്പെ​ട്ട് കു​ടി​വെ​ള്ള​പ​ദ്ധ​തി ഭാ​ര​വാ​ഹി​ക​ൾ ക​ഴി​ഞ്ഞ​ദി​വ​സം ക​ള​ക്ട​റെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ല. പ്ര​ദേ​ശ​ത്ത് അ​ടി​യ​ന്ത​ര​മാ​യി ടാ​ങ്ക​ർ​ലോ​റി​യി​ൽ കു​ടി​വെ​ള്ള​മെ​ത്തി​ക്ക​ണ​മെ​ന്ന് പ​ഞ്ചാ​യ​ത്ത​ധി​കൃ​ത​രോ​ട് ആ​വ​ശ്യ​പ്പെ​ട്ടി​രു​ന്നു. നി​ല​വി​ലെ കു​ടി​വെ​ള്ള​പ്ര​ശ്‌​ന​ത്തി​ന് കാ​ര​ണം മ​ണ​ൽ​ചാക്ക് നി​ര​ത്തി​യ ത​ട​യ​ണ​യി​ലൂ​ടെ വെ​ള്ളം ഒ​ഴു​കി​പ്പോ​യ​താ​ണെ​ന്നും പ്ര​ശ്‌​ന​ത്തി​ന് ശാ​ശ്വ​ത പ​രി​ഹാ​ര​മാ​യി സ്ഥി​രം​ത​ട​യ​ണ നി​ർ​മി​ക്ക​ണ​മെ​ന്നു​മാ​ണ് പൊ​തു​ജ​നാ​വ​ശ്യ​മെ​ന്ന് കു​ടി​വെ​ള്ള​പ​ദ്ധ​തി​യു​ടെ ന​ട​ത്തി​പ്പു​ വ​ഹി​ക്കു​ന്ന സി​ദ്ദി​ഖ്, കെ.​പി. ശി​വ​ദാ​സ്, കെ. ​ഷൗ​ക്ക​ത്ത​ലി എ​ന്നി​വ​ർ പ​റ​ഞ്ഞു.

Copyright @ 2022 , Rashtra Deepika Ltd.