പ​ടി​യൂ​രി​ല്‍ വി​ദ​ഗ്ധ സം​ഘ​മെ​ത്തി; നെ​ല്ലി​നു പോ​ള​ക​രി​ച്ചി​ല്‍
Tuesday, May 7, 2024 1:55 AM IST
പ​ടി​യൂ​ര്‍: 42 ഏ​ക്ക​റോ​ളം വ​രു​ന്ന പാ​ട​ശേ​ഖ​ര​ത്തി​ലെ കൃ​ഷി​നാ​ശ​ത്തി​നുപി​ന്നി​ല്‍ പോ​ള​ക​രി​ച്ചി​ല്‍ രോ​ഗ​മാ​ണെ​ന്നു തൃ​ശൂ​ര്‍ കാ​ര്‍​ഷി​കസ​ര്‍​വ​ക​ലാ​ശാ​ല​യി​ലെ വി​ദ​ഗ്ധ​ര്‍ പ​റ​ഞ്ഞു. ഇ​ത്ര​യും വ​ലി​യ​രീ​തി​യി​ല്‍ ആ​ദ്യ​മാ​യി​ട്ടാ​ണ് പോ​ള​ക​രി​ച്ചി​ല്‍ രോ​ഗം ക​ണ്ടെ​ത്തു​ന്ന​ത്. കാ​ലാ​വ​സ്ഥാവ്യ​തി​യാ​നം പോ​ള​ക​രി​ച്ചി​ല്‍ രോ​ഗ​കാ​രി​ക്ക് അ​നു​കൂ​ല​മാ​യി വ​ന്ന​താ​ണ് ഇ​ത്ര​യും ഗു​രു​ത​ര​മാ​കാ​ന്‍ കാ​ര​ണ​മെ​ന്നും അ​വ​ര്‍ പ​റ​ഞ്ഞു.

പ​ടി​യൂ​ര്‍ തെ​ക്ക് വ​ലി​യമേ​നോ​ന്‍ കോ​ള്‍​പ്പാ​ട​ശേ​ഖ​ര​ത്തി​ല്‍ ക​രി​ഞ്ഞു​ണ​ങ്ങി​യ നെ​ല്‍​ക്ക​തി​രു​ക​ള്‍ പ​രി​ശോ​ധി​ച്ച​ശേ​ഷ​മാ​ണ് ക​ണ്ടെ​ത്ത​ല്‍. കാ​ര്‍​ഷി​ക കോ​ള​ജി​ലെ അ​ധ്യാ​പ​ക​രാ​യ ഡോ. ​സ്മി​ത ര​വി, ഡോ. ​വി.​എം. ഹി​മ എ​ന്നി​വ​രാ​ണ് പാ​ട​ശേ​ഖ​ര​ങ്ങ​ളി​ലെ​ത്തി പ​രി​ശോ​ധ​ന ന​ട​ത്തി​യ​ത്. നെ​ല്‍​ച്ചെ​ടി​യു​ടെ ക​ട​യ്ക്ക​ല്‍വ​രെ രോ​ഗം വ്യാ​പി​ച്ചി​ട്ടു​ണ്ട്. ത​ണ്ടു​തു​ര​പ്പ​ന്‍ കീ​ട​ശ​ല്യ​വും ഉ​ണ്ട്.

പോ​ള​ക​രി​ച്ചി​ല്‍ കാ​ര​ണ​മാ​ണ് ക​തി​രു​ക​ള്‍ ശ​രി​യാ​യി വ​രാ​തി​രു​ന്ന​ത്. വ​ന്ന ക​തി​രെ​ല്ലാം പ​തി​രാ​യി. ര​ണ്ടു​മൂ​ന്നു​ത​വ​ണ കീ​ട​നാ​ശി​നി​ക​ള്‍ ത​ളി​ച്ച​താ​യി ക​ര്‍​ഷ​ക​ര്‍ പ​റ​യു​ന്നു​ണ്ടെ​ങ്കി​ലും രോ​ഗം ആ​ദ്യം ക​ര്‍​ഷ​ക​രു​ടെ ശ്ര​ദ്ധ​യി​ല്‍​പ്പെ​ട്ടി​രി​ക്കി​ല്ലെ​ന്നും അ​തു​കൊ​ണ്ടാ​ണ് ഇ​ത്ര​യും വ്യാ​പ​ക​മാ​കാ​ന്‍ കാ​ര​ണ​മെ​ന്നും വി​ദ​ഗ്ധ​ർ പ​റ​ഞ്ഞു. പ​ത്തേ​ക്ക​റി​നു പു​റ​മേ 28 വ​ര്‍​ഷ​മാ​യി ത​രി​ശാ​യി കി​ട​ന്നി​രു​ന്ന 32 ഏ​ക്ക​ര്‍ പാ​ട​ശേ​ഖ​ര​ത്തി​ല്‍ ക​ര്‍​ഷ​ക​രെ വീ​ണ്ടും തി​രി​ച്ചു​കൊ​ണ്ടു​വ​ന്ന് കൃ​ഷി​യി​റ​ക്കി​യ​താ​ണ്. നെ​ല്ല് ക​രി​ഞ്ഞു​ണ​ങ്ങി​യ​തോ​ടെ ക​ര്‍​ഷ​ക​ര്‍ വ​ലി​യ പ്ര​തി​സ​ന്ധി​യി​ലാ​ണ്.

കാ​ലാ​വ​സ്ഥാവ്യ​തി​യാ​ന ഇ​ന്‍​ഷ്വ​റ​ന്‍​സ് ന​ല്‍​ക​ണം

പ​ടി​യൂ​ര്‍: പ​ടി​യൂ​രി​ലെ ക​ര്‍​ഷ​ക​ര്‍​ക്ക് കാ​ലാ​വ​സ്ഥാ​വ്യ​തി​യാ​ന ഇ​ന്‍​ഷ്വ​റ​ന്‍​സ് ആ​നു​കൂ​ല്യം ഉ​ട​ന്‍ ന​ല്‍​ക​ണ​മെ​ന്ന് നെ​ല്‍​വ​യ​ല്‍ ത​ണ്ണീ​ര്‍​ത്ത​ട സം​ര​ക്ഷ​ണ​സ​മി​തി ആ​വ​ശ്യ​പ്പെ​ട്ടു. നെ​ല്ല് ക​രി​ഞ്ഞു​ണ​ങ്ങി​യ പ​ടി​യൂ​ര്‍ തെ​ക്ക്‌ വ​ലി​യ മേ​നോ​ന്‍ കോ​ള്‍​പ്പാ​ട​ശേ​ഖ​രം നെ​ല്‍​വ​യ​ല്‍ ത​ണ്ണീ​ര്‍​ത്ത​ട സം​ര​ക്ഷ​ണ​സ​മി​തി ചെ​യ​ര്‍​മാ​ന്‍ ഡോ. ​കെ. വി​ദ്യാ​സാ​ഗ​റി​ന്‍റെ നേ​തൃ​ത്വ​ത്തി​ല്‍ ടി.​വി. വി​ശ്വം​ഭ​ര​ന്‍, സി. ​പ്ര​സാ​ദ്, കെ.​കെ. അ​നീ​ഷ്‌​കു​മാ​ര്‍ എ​ന്നി​വ​ര്‍ സ​ന്ദ​ര്‍​ശി​ച്ച് വി​ല​യി​രു​ത്തി.

സ​മ്പൂ​ര്‍​ണ വി​ള​നാ​ശ​മു​ണ്ടാ​യാ​ലേ ഇ​ന്‍​ഷ്വ​റ​ന്‍​സ് തു​ക അ​നു​വ​ദി​ക്കൂ​വെ​ന്ന നി​ല​പാ​ട് ഇ​ന്‍​ഷ്വ​റ​ന്‍​സ് ക​മ്പ​നി​ക​ള്‍ ഒ​ഴി​വാ​ക്ക​ണം. ഏ​ക്ക​റി​ന് 50,000 രൂ​പ​യി​ല​ധി​കം ചെ​ല​വ​ഴി​ച്ചാ​ണ് 42 ഏ​ക്ക​റ​ല്‍ കൃ​ഷി​യി​റ​ക്കി​യി​രി​ക്കു​ന്ന​ത്. ഇ​തി​ല്‍ 32 ഏ​ക്ക​റും 28 വ​ര്‍​ഷ​ങ്ങ​ള്‍​ക്കു ശേ​ഷം ഈ ​വ​ര്‍​ഷം ത​രി​ശ്കൃ​ഷി​യി​റ​ക്കി​യ​താ​ണ്. ത​രി​ശ്കൃ​ഷി​യി​റ​ക്കാ​ന്‍ മു​ന്‍​കൈ​യെ​ടു​ത്ത​വ​രു​ടെ 20 ല​ക്ഷ​ത്തി​ല​ധി​കം രൂ​പ​യാ​ണ് ഇ​തി​ലൂ​ടെ ന​ഷ്ട​ത്തി​ലാ​യി​രി​ക്കു​ന്ന​ത്. കൊ​യ്ത്തു​കാ​ശു​പോ​ലും കി​ട്ടാ​തെ കൊ​യ്‌​തെ​ടു​ക്കു​ന്ന​തി​നാ​ല്‍ സം​സ്ഥാ​ന​സ​ര്‍​ക്കാ​രി​ന്‍റെ ഇ​ന്‍​ഷ്വ​റ​ന്‍​സ് പ​രി​ര​ക്ഷ ക​ര്‍​ഷ​ക​ര്‍​ക്ക് ല​ഭ്യ​മാ​ക്ക​ണ​മെ​ന്നും സം​ഘം ആ​വ​ശ്യ​പ്പെ​ട്ടു.

കൃ​ഷി​യി​റ​ക്കു​ന്ന​തി​നും വ​ള​പ്ര​യോ​ഗ​ങ്ങ​ള്‍​ക്കും മു​ന്പ് മ​ണ്ണി​ന്‍റെ​യും വെ​ള്ള​ത്തി​ന്‍റെ​യും പ​രി​ശോ​ധ​ന ന​ട​ത്തി ക​ര്‍​ഷ​ക​ര്‍​ക്കു​വേ​ണ്ട മാ​ര്‍​ഗ​നി​ര്‍​ദേ​ശ​ങ്ങ​ള്‍ ന​ല്‍​കാ​ന്‍ കൃ​ഷി​ഭ​വ​നു​ക​ള്‍ ത​യ്യാ​റാ​ക​ണ​മെ​ന്നും സ​മി​തി ആ​വ​ശ്യ​പ്പെ​ട്ടു. പാ​ട​ശേ​ഖ​ര സ​മി​തി സെ​ക്ര​ട്ട​റി പി. ​രാ​ധാ​കൃ​ഷ്ണ​ന്‍, പ്ര​സി​ഡ​ന്‍റ് പി.​കെ. ന​ന്ദി​കേ​ശ​ന്‍, സെ​റാ​ഫി​ന്‍ തു​ട​ങ്ങി പ​ത്തി​ല​ധി​കം ക​ര്‍​ഷ​ക​രും സം​ഘ​ത്തി​ലു​ണ്ടാ​യി​രു​ന്നു.

Copyright @ 2022 , Rashtra Deepika Ltd.