അഞ്ചല്‍ : തഴമേല്‍ സെന്‍റ് ജോര്‍ജ് മലങ്കര കത്തോലിക്കാ പള്ളിയില്‍ വിശുദ്ധ ഗീവര്‍ഗീസ് സഹദായുടെ പെരുന്നാള്‍ അഞ്ചുമുതല്‍ 12 വരെ നടക്കും.
അഞ്ചിന് വൈകുന്നേരം അഞ്ചിന് വികാരി ഫാ. ബോവസ് മാത്യു കുര്‍ബാന അര്‍പ്പിക്കും. തുടര്‍ന്ന് കൊടിയേറ്റ്, ദൈവാലയ കവാടത്തില്‍ ചെമ്പ് സ്ഥാപിക്കും. ആറ് മുതല്‍ തിരുവനന്തപുരം മേജര്‍ അതിരൂപത വികാരി ജനറല്‍ ഫാ. തോമസ് കയ്യാലയ്ക്കല്‍, സെന്‍റ് അലോഷ്യസ് മൈനര്‍ സെമിനാരി റക്ടര്‍ ഫാ. ഷീന്‍ പാലക്കുഴി, കുളത്തൂപ്പുഴ ഇടവക വികാരി ഫാ. റോണി മുരുപ്പേല്‍, കരവാളൂര്‍ ഇടവക വികാരി ഫാ. ഗീവര്‍ഗീസ് മണിപ്പറമ്പില്‍, ആനക്കുളം ഇടവക വികാരി ഫാ. ക്രിസ്റ്റി പാലവിള കിഴക്കേതില്‍, പിരപ്പന്‍കോട് ഇടവക വികാരി ഫാ. അലോഷ്യസ് തെക്കേടത്ത്, മേജര്‍ ആര്‍ച്ചുബിഷപ്സ് ഹൗസ് സെക്രട്ടറി ഫാ. ടോണി മൈലമൂട്ടില്‍, കറവൂര്‍ ഇടവക അസിസ്റ്റന്‍റ് വികാരി ഫാ. ടോം തേക്കുംവിള എന്നിവര്‍ കുര്‍ബാന അര്‍പ്പിക്കും.
എല്ലാ ദിവസവും കുരിശടിയിലേക്ക് പ്രദക്ഷിണവും ധൂപ പ്രാര്‍ഥനയും നേര്‍ച്ചയും നടക്കും. ആറിന് രാത്രി 7.30 ന് ഭക്തസംഘടനകളുടെ വാര്‍ഷികം നടക്കും.
ആഘോഷമായ തഴമേല്‍ പെരുനാള്‍ റാസയും ചെമ്പെടുപ്പും 10 ന് വൈകുന്നേരം ആറിന് നടക്കും. പള്ളിയില്‍ നിന്നും പുറപ്പെടുന്ന റാസ ഞാറയ്ക്കാട്, വക്കംമുക്ക്, ചൂരക്കുളം, ഓര്‍ത്തഡോക്‌സ് കുരിശടി വഴി ദൈവാലയത്തില്‍ തിരിച്ചെത്തും. തുടര്‍ന്ന് നേര്‍ച്ച.
സമാപന ദിവസമായ 12 ന് രാവിലെ ഒന്പതിന് പ്രഭാത നമസ്‌കാരം, മലങ്കര സുറിയാനി കത്തോലിക്കാ സഭയുടെ കൂരിയാ മെത്രാന്‍ ബിഷപ് ആന്‍റണി മാര്‍ സില്‍വാനോസിന്‍റെ മുഖ്യ കാര്‍മികത്വത്തില്‍ പെരുന്നാള്‍ കുര്‍ബാന തുടര്‍ന്ന് ഊട്ടുനേര്‍ച്ച. പെരുനാളിന്‍റെ ക്രമീകരണങ്ങള്‍ക്ക് വികാരി ഫാ. ബോവസ് മാത്യു, ട്രസ്റ്റി ഷിബു ബേബി, സെക്രട്ടറി ജോസ് ഉമ്മന്‍ എന്നിവര്‍ നേതൃത്വം നല്‍കും.