മഞ്ചേരി: ലോക്സഭാ തെരഞ്ഞെടുപ്പിന്‍റെ മുന്നോടിയായി മലപ്പുറം, മഞ്ചേരി, ഏറനാട് മണ്ഡലങ്ങളിലെ 526 ബൂത്തുകളിലേക്കും 55 സെക്ടര്‍ ഓഫീസര്‍മാര്‍ക്കുമായി 581 തെരഞ്ഞെടുപ്പ് കിറ്റുകള്‍ തയാറായി. 24ന് വിതരണകേന്ദ്രമായ മലപ്പുറം ഗവണ്‍മെന്‍റ് കോളജ്, മഞ്ചേരി ബോയ്സ് ഹയര്‍ സെക്കന്‍ഡറി സ്കൂള്‍ പ്ലസ്ടു സെക്ഷന്‍, ചുള്ളക്കാട് ജിയുപിഎസ് എന്നിവിടങ്ങളില്‍ എത്തിക്കും.
25 ന് രാവിലെ ഏഴിനു വിതരണ കേന്ദ്രങ്ങള്‍ 2104 പോളിംഗ് ജീവനക്കാരെ സ്വീകരിക്കാന്‍ സജ്ജമാക്കും. ഇന്നു രാവിലെ ഒമ്പതിനു മഞ്ചേരി, ഏറനാട്, മലപ്പുറം മണ്ഡലങ്ങളുടെ 55 സെക്ടര്‍ ഓഫീസര്‍മാരുടെ പരിശീലനം ചുള്ളക്കാട് സ്കൂളില്‍ നടക്കും.
ഏറനാട് തഹസില്‍ദാര്‍ എം.കെ. കിഷോര്‍, ഭൂരേഖ തഹസില്‍ദാര്‍ കെ.എസ്. അഷ്റഫ്, ഹെഡ്ക്വാര്‍ട്ടേഴ്സ് ഡെപ്യൂട്ടി തഹസില്‍ദാര്‍ എം. മുകുന്ദന്‍, ഇലക്ഷന്‍ ഡെപ്യൂട്ടി തഹസില്‍ദാര്‍ പി. ഹരിദാസന്‍, മണ്ഡലങ്ങളുടെ ചാര്‍ജ് ഓഫീസര്‍മാരായ എം. അബ്ദുള്‍ അസീസ്, ബിനു നെല്‍സണ്‍, എന്‍.വി. മറിയുമ്മ, അജയകുമാര്‍, കെ.എം. നാസിര്‍, കെ. ബിന്ദു. അഹമ്മദ് മുസ്തഫ എന്നിവര്‍ നേതൃത്വം നല്‍കി.