Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health
| Back To Cinema |


നന്മ പകരുന്ന സുവിശേഷങ്ങൾ...
പാഠങ്ങൾ പകർന്നാണ് ഓരോ സുവിശേഷങ്ങളും നമുക്കു മുന്നിലെത്തുന്നത്. ജീവിതവും പ്രതീക്ഷയും അതിജീവനവും ഗുണപാഠവുമൊക്കെയായി മന്നോട്ടുള്ള പാതയിൽ കരുത്തു പകരാൻ ഈ സുവിശേഷങ്ങൾക്കു കഴിയുന്നു. മലയാളികൾക്കു പുതിയ സുവിശേഷം പകർന്നുകൊണ്ട് സത്യൻ അന്തിക്കാട് ചിത്രം ജോമോന്റെ സുവിശേഷങ്ങൾ എത്തിയിരിക്കുന്നു. ഈ സുവിശേഷവും പ്രേക്ഷക മനസിനു നന്മ പകർന്നുകൊണ്ടാണ് മികച്ച വിജയം നേടുന്നത്.

സിനിമാ സമരം കഴിഞ്ഞു തിയറ്ററുകളെ സജീവമാക്കിക്കൊണ്ടാണ് ചിത്രം തിയറ്ററുകളിലെത്തിയത്. കുടുംബ ചിത്രങ്ങളുടെ സംവിധായകനും യൂത്ത് ഐക്കൺ ദുൽഖർ സൽമാനും ഒന്നിക്കുന്ന ചിത്രത്തെ പ്രേക്ഷകർ ഏറെ പ്രതീക്ഷയോടെയാണ് കാത്തിരുന്നതും. തിരക്കഥാകൃത്തായി ഇക്ബാൽ കുറ്റിപ്പുറവും ഒപ്പം ചേരുന്നതോടെ ചിത്രം പ്രേക്ഷകരുടെ മനസ് നിറയ്ക്കും എന്നത് ഉറപ്പായിരുന്നു. പതിവു പാതയിൽ തികച്ചും കുടുംബ പശ്ചാത്തലത്തിൽ അച്ഛൻ– മകൻ വൈകാരികതയിലൂന്നിയാണ് ജോമോൻ തന്റെ സുവിശേഷങ്ങൾ പ്രേക്ഷകരോട് പറയുന്നത്. ചിത്രത്തിൽ കഥാംശത്തിൽ ഏറെ പുതുമ അവകാശപ്പെടാനില്ല എന്നത് സത്യമാണെങ്കിലും അതിനെ പുതിയ മേച്ചിൽ പുറത്തിൽ നർമ്മം, പ്രണയം, വിരഹം, അതിജീവനം തുടങ്ങിയ വികാരവ്യാപാരങ്ങളെ തത്തുല്യമായി സന്നിവേശിപ്പിച്ചിരിക്കുന്നതാണ് ചിത്രം വ്യത്യസ്തമാക്കുന്നത്.

തൃശൂരിന്റെ ഭൂമികയിലാണ് കഥ തുടങ്ങുന്നത്. വിൻസെന്റ് എന്ന പ്രതാപിയായാണ് മുകേഷ് ചിത്രത്തിലെത്തുന്നത്. അടുത്ത കാലത്ത് മുകേഷിൽ നിന്നും മലയാളികൾ കണ്ട ശക്‌തമായ വേഷമാണ് ഇതിലെ വിൻസെന്റ്. വിൻസെന്റിന്റെ ആൺമക്കളിൽ ഏറ്റവും ഇളയ ആളാണ് ദുൽഖറിന്റെ ജോമോൻ. ഉത്തരവാദിത്വമില്ലാത്ത മകന്റെയും അവൻ സൃഷ്ടിക്കുന്ന സംഭവങ്ങളിലൂടെയും മുന്നേറുന്ന ആദ്യ പകുതിക്കു ശേഷം കഥ സങ്കീർണമാകുന്നു. പിന്നീട് തിരുപ്പൂരിലാണ് കഥ അരങ്ങേറുന്നത്. മകൻ–അച്ഛൻ ബന്ധത്തിന്റെ എല്ലാ ഭാവതലങ്ങളും ചിത്രം പ്രേക്ഷകനു പകരുന്നുണ്ട്. ഒപ്പം ക്ലീഷെ ആയിപ്പോകാതെ വൈകാരികതയുടെ മർമ്മത്തിൽ നർമ്മത്തിന്റെ മേലങ്കിയെ ചിത്രം വിദഗ്ദമായി ഇഴ ചേർത്തിരിക്കുന്നു.

മുകേഷിന്റെ വിൻസെന്റും ദുൽഖറിന്റെ ജോമോനും മലയാളികളുടെ മനസിലാണ് ഇടം പിടിച്ചിരിക്കുന്നത്. സിനിമകളുടെ തെരഞ്ഞെടുപ്പിൽ ഏറെ വൈവിധ്യം പുലർത്തുന്ന ദുൽഖറിലെ അഭിനേതാവിന് എത്രത്തോളം വളർച്ച നേടാനായി എന്നത് ജോമോന്റെ കഥാപാത്രം കാണിച്ചു തരുന്നുണ്ട്. സമകാലികരായ മറ്റു നടന്മാർ സുരക്ഷിതമായ സ്‌ഥിരം പാറ്റേണിൽ മാത്രം കുരുങ്ങിക്കിടക്കുമ്പോൾ നർമ്മരസത്തിലും വൈകാരികതയിലും ഈ നടൻ പ്രകടിപ്പിക്കുന്ന മികവ് പ്രശംസനീയമാണ്.

രണ്ടു നായികമാരാണ് ദുൽഖറിനൊപ്പം ചിത്രത്തിലെത്തുന്നത്. പ്രേമം ഫെയിം അനുപമ പരമേശ്വരൻ ആദ്യ പകുതിയിൽ മാത്രം ഒതുങ്ങിപ്പോകുന്ന പ്രണയിനിയാകുന്നു. തമിഴ് ചിത്രം കാക്കമുട്ടൈ ഫെയിം ഐശ്വര്യ രാജേഷിന്റെ തമിഴ് പെൺകുട്ടി ജോമോന്റെ മാത്രമല്ല മലയാളികളുടെ മുഴുവൻ മനസാണ് കീഴടക്കിയിരിക്കുന്നത്.

തമിഴ് സിനിമ സംവിധായകനും നടനുമായ മനോബാലയുടെ പെരുമാൾ എന്ന കഥാപാത്രം ചിത്രത്തിൽ ഏറെ ശ്രദ്ധേയമായിരുന്നു. ഒപ്പം സത്യൻ ചിത്രങ്ങളിലെ നിറസാന്നിധ്യമായ ഇന്നസെന്റും തന്റെ കഥാപാത്രം മികച്ചതാക്കി. ഇവർക്കൊപ്പം വിനു മോഹൻ, മുത്തുമണി, ജേക്കബ് ഗ്രിഗറി, ശിവജ് ഗുരുവായൂർ, ഇർഷാദ്, രസ്ന പവിത്രൻ എന്നിവരും ചിത്രത്തിലെത്തുന്നുണ്ട്. മക്കളും മരുമക്കളുമടങ്ങുന്ന കുടുംബത്തിന്റെ സന്തോഷം പകർത്തുമ്പോൾ ചിത്രത്തിൽ സഹസംവിധായകനും സത്യൻ അന്തിക്കാടിന്റെ മകനുമായ അഖിൽ സത്യൻ കാസ്റ്റിംഗിൽ കാണിച്ച വൈഭവം ചിത്രത്തിനു മുതൽക്കൂട്ടാവുകയായിരുന്നു.

ഇളയരാജ സംഗീതത്തിനു ശേഷം ഇപ്പോൾ സ്‌ഥിരമായി സത്യൻ ചിത്രങ്ങൾക്കു സംഗീതം ഒരുക്കുന്നത് വിദ്യാസാഗറാണ്. ചിത്രം തിയറ്ററിലെത്തുന്നതിനു മുന്നേ തന്നെ ഗാനങ്ങളോരോന്നും ഹിറ്റ് ചാർട്ടിൽ ഇടം പിടിച്ചിരുന്നു. മധ്യപ്രദേശുകാരനായിരുന്ന അഭയ് ജോധ് പുർകറും മെറിൻ ഗ്രിഗറിയും ചേർന്നു പാടിയ ‘നോക്കി നോക്കി നിന്നു’, നജിം അർഷാദും സുജാതയും ചേർന്നു പാടിയ ‘നീലാകാശം നീരണിഞ്ഞ’ എന്നീ ഗാനങ്ങൾ ഇപ്പോൾ മലയാളികളുടെ ചുണ്ടിൽ നിറഞ്ഞു നിൽക്കുകയാണ്.

മലയാള സിനിമയിൽ പ്രൊഡക്ഷൻ കൺഡ്രോളറായിരുന്ന സേതു മണ്ണാർക്കാട് ആദ്യമായി നിർമാതാവിന്റെ വേഷം കൂടി അണിയുകയാണ് ഈ ചിത്രത്തിലൂടെ. കൂടാതെ വിനോദയാത്രയ്ക്കു ശേഷം കാമറാമാൻ എസ്. കുമാറാണ് ഈ സത്യൻ ഈ ചിത്രത്തിനും കാമറ ഒരുക്കിയിരിക്കുന്നത്. തിരുപ്പൂരിന്റെ ഗ്രാമീണ ഭംഗിയും നാഗരികത വേരുകളാഴ്ത്താത്ത ജീവിത സംസ്കാരവും തന്റെ കാമറക്കണ്ണുകൾ കൊണ്ട് മനോഹരമായി ചിത്രത്തിൽ വരച്ചിടുന്നുണ്ട് എസ്. കുമാർ. നെയ്ത്തു ഗ്രാമത്തിന്റെ ദൃശ്യവിരുന്നൊരുക്കുന്നതിൽ കലാസംവിധായകന്റെ കൈ യൊപ്പും അഭിനന്ദനീയമാണ്.

ക്രിസ്മസ് കാലയളവിൽ സംഭവിച്ച ഇടവേളയ്ക്കു ശേഷം തിയറ്ററുകളെ വീണ്ടും സജീവമാക്കുകയാണ് ജോമോനും വിൻസെന്റും ഒപ്പം അവർ പകരുന്ന സുവിശേഷങ്ങളും. മൂല്യച്ചുതി സംഭവിച്ചു പോകുന്ന കുടുംബബന്ധങ്ങളുടെ ഇക്കാലയളവിൽ നന്മയുടെ വെളിച്ചങ്ങൾ ഇനിയും നമ്മുടെയുള്ളിൽ കെട്ടുപോയിട്ടില്ലെന്നു ചിത്രം ഓർമപ്പെടുത്തുന്നു. സന്ദേശം പകർന്നു പ്രേക്ഷകരെ മുഷിപ്പിക്കാതെ ജീവിതങ്ങളെ കാണിച്ച് പ്രേക്ഷകരുടെ മനസ് നിറയ്ക്കുകയാണ് ജോമോന്റെ സുവിശേഷങ്ങൾ.

പുതിയ സിനിമാ ലോകത്തിൽ പഴയ സംവിധായകരുടെ കാലം കഴിഞ്ഞെന്നുള്ള പുതിയ താരങ്ങൾക്ക് സത്യൻ അന്തിക്കാടിന്റെ മറുപടിയാണ് ഈ ചിത്രം. ഇതു സത്യൻ അന്തിക്കാട് എന്ന സംവിധായകന്റെ വിജയമാണ്... ഒപ്പം ദുൽഖർ സൽമാൻ– മുകേഷ് കൂട്ടുകെട്ടിന്റെ നാട്യമികവും...

സ്റ്റാഫ് പ്രതിനിധി

പ്രഭാസ് അഥവാ ബാഹുബലി
ബ്രഹ്മാണ്ഡ ചിത്രം ബാഹുബലി കളക്ഷൻ റിക്കാർഡുകൾ തിരുത്തിക്കുറിച്ച് മുന്നേറുന്പോൾ അതു ലോക ജനതയ്ക്കു
സുഖമാണോ ദാവീദേ....
അച്ഛന്‍റെ മരണത്തോടെ കുടുംബത്തിന്‍റെ ചുമലതകളെല്ലാം ദാവീദ് എന്ന ചെറുപ്പക്കാരന്‍റെ ചുമലിലായി.
ഹൃദയത്തിൽ കൂടുകൂട്ടുന്ന ഏദൻതോട്ടം
പ്രണയത്തിന്‍റെയും സൗഹൃദത്തിന്‍റെയും കൂടിച്ചേരലുകളുടേയും പറുദീസയായിരുന്നു ആദ്യ പ്രേമമിഥുനങ്ങളായ
ചങ്ക്സ്
ഒമർ ലുലു സംവിധാനംചെയ്യുന്ന ചങ്ക്സ് എന്ന ചിത്രം യുവപ്രേക്ഷകരുടെ ഇടയിൽ ഏറെ ശ്രദ്ധ നേടിക്കഴിഞ്ഞിരിക്കുന്നു.
രക്ഷാധികാരി നായിക ഹന്നയുടെ വിശേഷങ്ങൾ
പുത്തൻ സിനിമാരുചിക്കൂട്ടുകൾക്കിടയിൽ മറഞ്ഞുപോയ ചില കാഴ്ചകൾക്കു ഗൃഹാതുരത്വം തുളുന്പുന്ന
പെണ്‍സിനിമകൾ പ്രിയങ്കരമാകുന്പോൾ
സിനിമയിൽ പലപ്പോഴും നായികമാരും സ്ത്രീകഥാപാത്രങ്ങളും അലങ്കാരത്തിനായി സൃഷ്ടിക്കപ്പെടുന്നവരാണ്.
വിജയ് 61: സാമന്ത സിലന്പാട്ടം പഠിക്കുന്നു
വിജയ് നായകനായി എത്തുന്ന പുതിയ ചിത്രത്തിനായി സാമന്ത സിലന്പാട്ടം പഠിക്കുന്നു. കഥാപാത്രത്തിന്‍റെ പൂർണതയ്ക്കായി
രക്ഷാധികാരി ബിജു മേനോൻ
സൂപ്പർതാര പദവിയുടെ ഘനവും വിഷ്വൽ ഇംപാക്ടിന്‍റെ മാന്ത്രികതയും ചടുലതാളവുമില്ലാതെ
ഗോദ
കുഞ്ഞിരാമായണം എന്ന സൂപ്പർഹിറ്റ് ചിത്രത്തിനുശേഷം ബേസിൽ ജോസഫ് സംവിധാനംചെയ്യുന്ന
താരനിരയിലേക്ക് ദീപക്കും
വിനീത് ശ്രീനിവാസൻ മലയാള സിനിമയിൽ സമ്മാനിച്ച യുവതാരനിര ഏറെയാണ്. അവരിൽ ശ്രദ്ധേയമായ മുഖമായിരുന്നു
ഹേമചന്ദ്രൻ (കാമറ സ്ലോട്ട്)
മലയാള ചലച്ചിത്രമേഖലയ്ക്ക് സുവർണശോഭ പകർന്ന എണ്‍പതുകളിൽ ഒട്ടേറെ ചിത്രങ്ങൾക്ക് ഛായാഗ്രഹണം
ഇടവേളയ്ക്കുശേഷം നമിത
രണ്ടുവർഷത്തോളമാകുന്നു നമിതയെ മലയാളസിനിമയിൽ കണ്ടിട്ട്. ട്രാഫിക്കിലൂടെ എത്തി ഒരുപിടി ഹിറ്റ്
അലമാരയിലെ അതിഥി
ആൻ മരിയ കലിപ്പിലാണ് എന്ന ചിത്രത്തിനു ശേഷം മിഥുൻ മാനുവൽ തോമസ് സംവിധാനം ചെയ്ത അലമാര
ഗ്രേറ്റ് ഫാദറിലൂടെ അഭിലാഷ് ഹുസൈൻ
ഇപ്പോൾ തിയറ്ററുകളിൽ നിറഞ്ഞോടുന്ന മമ്മൂട്ടി ചിത്രം ദി ഗ്രേറ്റ് ഫാദറിലെ എസ്ഐ ശ്രീകുമാറിനെ പെട്ടെന്നാരും മറക്കില്ല.
റാണയുടെ സ്വപ്നങ്ങൾ
ബ്രഹ്മാണ്ഡ ചിത്രം ബാഹുബലി മലയാളികൾക്കു പരിചയപ്പെടുത്തിയ താരമാണ് റാണാ ദഗുപതി.
പോക്കിരി സൈമണ്‍
തമിഴ് സൂപ്പർസ്റ്റാർ വിജയ്യുടെ കടുത്ത ആരാധകനായ യുവാവിന്‍റെ കഥ പറയുന്ന ചിത്രമാണ് പോക്കിരി സൈമണ്‍
പൂനം ബജ്വയുടെ കുപാത്ത രാജ
തമിഴകത്തിനും മലയാളികൾക്കും ഒരുപോലെ പ്രിയതാരമായ പൂനം ബജ്വ നായികയാകുന്ന പുതിയ തമിഴ് ചിത്രമാണ് കുപാത്ത രാജ.
വിഷ്ണു നാരായണ്‍ (കാമറ സ്ലോട്ട്)
മികച്ച ലോകസിനിമകളുടെ ഭൂപടത്തിൽ ഇടംനേടിയ മലയാള സിനിമകൾ നിരവധിയാണ്. ഇത്തരം സിനിമകളുടെ
ശിവപുരത്തെ ദിഗംബരൻ (സൂപ്പർ ക്യാരക്ടർ)
ദിക്കുകളെ അംബരമാക്കുന്നവനാണ് ദിഗംബരൻ. നിത്യ ബ്രഹ്മചാരിയായ അവൻ വിവസ്ത്രനാണ്. കൈലാസ നാഥനായ ശിവനെയും ദിഗംബരനായാണ് അവതരിപ്പിച്ചിട്ടുള്ളത്.
ക്യാപ്റ്റൻ: ജയസൂര്യ പുത്തൻ ഭാവരൂപത്തിൽ
ഇന്ത്യൻ ഫുട്ബോൾ കളിക്കളത്തിൽ സമാനതകളില്ലാത്ത ഇതിഹാസതാരമായ വി.പി. സത്യന്‍റെ ജീവിതം
ത്രസിപ്പിക്കാൻ വീണ്ടും തമന്ന
മുഖ ശ്രീയാലും ആകാര മികവിനാലും സൗത്ത് ഇന്ത്യൻ സിനിമ പ്രേക്ഷകരുടെ ഹരമായി മാറിയ നായികയാണ്
തെന്നിന്ത്യന്‍ സൗന്ദര്യം
ഓ​ല​ഞ്ഞാ​ലി​ക്കു​രു​വി​യാ​യി മ​ല​യാ​ളി മ​ന​സി​ലേ​ക്ക് പ​റ​ന്നെ​ത്തി​യ തെ​ന്നി​ന്ത്യ​ൻ സു​ന്ദ​രി നി​ക്കി ഗ​ൽ​റാ​ണി
പ്രൊഫസർ ഡിങ്കൻ
ഒരു സൂപ്പർസ്റ്റാർ പ്രധാന കഥാപാത്രമാകുന്ന ആദ്യത്തെ ത്രിഡി മലയാള ചിത്രം തിരുവനന്തപുരത്ത് ആരംഭിച്ചു
ഏതു വേഷവും ചെയ്യും: ഇനിയ
ബിജുമേനോന്‍റെ സ്വർണക്കടുവയാണ് ഇനിയയെ മലയാളത്തിൽ ശ്രദ്ധേയയാക്കിയത്. അതിനു മുന്പ് ലാൽ
ആകാശമിഠായി
പ്രശസ്ത തമിഴ്നടൻ സമുദ്രക്കനി സംവിധാനംചെയ്യുന്ന ചിത്രമാണ് ആകാശമിഠായി.
നാടകം, സിനിമ, ജീവിതം
സന്തോഷ് കീഴാറ്റൂർ എന്ന പേരിനേക്കാൾ സിനിമകളിലെ കഥാപാത്രങ്ങളിലൂടെയാണ് ഈ കലാകാരൻ മലയാളികളുടെ
അന്നും ഇന്നും സെറീന
എണ്‍പതുകളിലെ കാൽപനികതയായിരുന്നു സറീനവഹാബ്. മദനോൽസവവും ചാമരവും പാളങ്ങളുമെല്ലാം
ആമി
മലയാള സിനിമയിൽ ആദ്യമായി ഒരു എഴുത്തുകാരിയുടെ കഥ പറയുന്ന ചിത്രമൊരുങ്ങുന്നു. ആമി എന്ന ഈ ചിത്രം സംവിധാനം ചെയ്യുന്നത് കമൽ ആണ്.
ഹരി നായർ (കാമറ സ്ലോട്ട്)
ഷാജി എൻ. കരുണിന്‍റെ പിറവി എന്ന ചിത്രത്തിൽ കാമറാ സഹായിയായി പ്രവർത്തിച്ച് സിനിമയിലെത്തിയ ഹരി നായർ
സഖാവ്
നടനും സംവിധായകനുമായ സിദ്ധാർഥ് ശിവ തിരക്കഥ രചിച്ച് സംവിധാനംചെയ്ത സഖാവ് തീയേറ്ററുകളിലെത്തി.
Deepika Daily dpathram
Rashtra Deepika
Cinema
Sthreedhanam
Sunday Deepika
Business Deepika
Karshakan
Kuttikalude Deepika
Childrens Digest
Chocolate
Career Deepika
Youth Special
[email protected]
4Wheel
Samskarikam
Rashtra Deepika LTD
Copyright @ 2017 , Rashtra Deepika Ltd.