ബ്ലാസ്റ്റേഴ്സിന്‍റെ പരിശീലകനായി റെനി മ്യൂലൻസ്റ്റീൻ : Deepika.com Sports News |

Click here for detailed news of all items

ബ്ലാസ്റ്റേഴ്സിന്‍റെ പരിശീലകനായി റെനി മ്യൂലൻസ്റ്റീൻ

Saturday, July 15, 2017 12:19 PM IST

കൊച്ചി: അഭ്യൂഹങ്ങൾക്കു വിട. ഐഎസ്എൽ നാലാം പതിപ്പിൽ കേരള ബ്ലാസ്റ്റേഴ്സിന്‍റെ പരിശീലകനായി മുൻ മാഞ്ചസ്റ്റർ യുണൈറ്റഡ് സഹപരിശീലകൻ റെനി മ്യൂലൻസ്റ്റീൻ എത്തും.

മൂന്നരക്കോടി രൂപയ്ക്കാണു വെള്ളിയാഴ്ച രാത്രി മ്യൂലൻസ്റ്റീൻ ബ്ലാസ്റ്റേഴ്സ് മാനേജ്മെന്‍റുമായി കരാർ ഒപ്പിട്ടത്. സ്റ്റീവ് കോപ്പലിന്‍റെ പിൻഗാമിയായാണ് അദ്ദേഹം മഞ്ഞപ്പടയ്ക്കൊപ്പം ചേരുന്നത്. ഇേ സ്രലി പ്രീമിയർ ലീഗിൽ മക്കാബി ഹൈഫയുടെ പരിശീലക സ്ഥാനം ഒഴിഞ്ഞാണു റെനി മ്യൂലൻസ്റ്റീൻ ബ്ലാസ്റ്റേഴ്സിന്‍റെ പരിശീലകനായി സ്ഥാനമേൽക്കുന്നത്. നെതർലൻഡുകാരനായ മ്യൂലൻസ്റ്റീൻ 2001ലാണു മാഞ്ചസ്റ്റർ യുണൈറ്റഡ് യൂത്ത് ടീമിന്‍റെ പരിശീലകനായി എത്തുന്നത്. 2007 മുതൽ ആറ് വർഷം സീനിയർ ടീമിൽ സർ അലക്സ് ഫെർഗൂസന്‍റെ വലംകൈയായിരുന്നു. ക്രിസ്റ്റാനോ റൊണാൾഡോ, വെയ്ൻ റൂണി, മൈക്കൽ ഓവൻ തുടങ്ങിയ സൂപ്പർ താരങ്ങളെ പരിശീലിപ്പിച്ച പരിചയവുമായാണു റെനി മ്യൂലൻസ്റ്റീൻ കേരളത്തിലെത്തുന്നത്.

മുൻ ഇംഗ്ലീഷ് താരം സ്റ്റുവർട്ട് പിയേഴ്സ് കോച്ചാകുമെന്നു നേരത്തെ അഭ്യൂഹങ്ങൾ ഉയർന്നിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.