Sports News
റഷ്യൻ ലോ​ക​ക​പ്പി​ലേ​ക്ക് ഇനി 360 ദിനങ്ങൾ!
റഷ്യൻ ലോ​ക​ക​പ്പി​ലേ​ക്ക് ഇനി 360 ദിനങ്ങൾ!
Sunday, June 18, 2017 11:01 AM IST
360 ദി​വ​സ​ങ്ങ​ള്‍ക്ക​പ്പു​റം ലോ​ക​ക​പ്പ്. ഒ​രു വ​ര്‍ഷ​ത്തി​നു​ശേ​ഷം 2018 ജൂ​ണ്‍ 14ന് ​റ​ഷ്യ ആ​തി​ഥേ​യ​ത്വം വ​ഹി​ക്കു​ന്ന ലോ​ക​ക​പ്പ് ഫു​ട്‌​ബോ​ളി​നു കി​ക്കോ​ഫ്. മോ​സ്‌​കോ​യി​ലെ ലു​സ്‌​നി​കി സ്‌​റ്റേ​ഡി​യ​ത്തി​ലാ​ണ് ഉ​ദ്ഘാ​ട​ന മ​ത്സ​രം. ഗ്രൂ​പ്പ് എ​യി​ല്‍ ആ​തി​ഥേ​യ​രാ​യ റ​ഷ്യ എ​തി​രാ​ളി​ക​ളെ കാ​ത്തി​രി​ക്കു​ക​യാ​ണ്. ലോ​ക​ക​പ്പി​നു കാ​ഹ​ള​മോ​തി​ക്കൊ​ണ്ട് റ​ഷ്യ​യി​ല്‍ ഇ​പ്പോ​ള്‍ കോ​ണ്‍ഫെ​ഡ​റേ​ഷ​ന്‍സ് ക​പ്പ് ന​ട​ക്കു​ക​യാ​ണ്.

2014 ബ്ര​സീ​ല്‍ ലോ​ക​ക​പ്പ് മ​ധു​ര​ത​ര​വും വേ​ദ​നാ​ജ​ന​ക​വു​മാ​യ നി​ര​വ​ധി മു​ഹൂ​ര്‍ത്ത​ങ്ങ​ള്‍ സ​മ്മാ​നി​ച്ചു. സെ​മി​ഫൈ​ന​ലി​ല്‍ ആ​തി​ഥേ​യ​ര്‍ നാ​ണം​കെ​ട്ട് തോ​റ്റു പു​റ​ത്താ​യി. ജ​ര്‍മ​നി​യോ​ടേ​റ്റ പരാജയം ബ്ര​സീ​ലി​ന്‍റെ ഫുട്‌​ബോ​ള്‍ ച​രി​ത്ര​ത്തി​ലെ ത​ന്നെ ഏ​റ്റ​വും വ​ലി​യ തോ​ല്‍വി​യാ​യി. മാ​റ​ക്കാ​ന ദു​ര​ന്ത​ത്തി​നു​ശേ​ഷം ബ്ര​സീ​ല്‍ മ​റ​ക്കാ​നാ​ഗ്ര​ഹി​ക്കു​ന്ന​തും അ​വ​രെ എ​ന്നും വി​ടാ​തെ പി​ന്തു​ട​രു​ന്ന തോ​ല്‍വി​യു​മാ​യി അ​ത്. എ​ന്നാ​ല്‍, 2018 ലോ​ക​ക​പ്പി​ലേ​ക്ക് യോ​ഗ്യ​ത നേ​ടി​യ ആ​ദ്യ ടീം ​ബ്ര​സീ​ലാ​ണ്.

അ​മേ​രി​ക്ക​ന്‍ ഗോ​ള്‍ കീ​പ്പ​ര്‍ ടിം ​ഹെ​വാ​ര്‍ഡ് ബെ​ല്‍ജി​യ​ത്തി​നെ​തി​രേ 16 സേ​വിം​ഗ്‌​സ് ന​ട​ത്തി ക​ഴി​ഞ്ഞ ലോ​ക​ക​പ്പി​ല്‍ പു​തി​യ റി​ക്കാ​ര്‍ഡി​ട്ട സം​ഭ​വം ശ്ര​ദ്ധി​ക്ക​പ്പെ​ട്ടു. ക്വാ​ര്‍ട്ട​ര്‍ ഫൈ​ന​ലി​ല്‍ ബ്ര​സീ​ലി​നോ​ടു പൊ​രു​തിത്തോ​റ്റ കൊ​ളം​ബി​യ​യു​ടെ ഹാ​മി​ഷ് റോ​ഡ്രി​ഗ​സി​നെ​യും സം​ഘ​ത്തെ​യും ഫു​ട്‌​ബോ​ള്‍ ലോ​കം ഒ​ന്ന​ട​ങ്കം പ്ര​ശം​സി​ച്ചു. തോ​ല്‍വി​യേ​ല്‍പ്പി​ച്ച ദുഃ​ഖ​ത്തി​ല്‍ ക​ര​ഞ്ഞ റോ​ഡ്രി​ഗ​സി​നെ ബ്ര​സീ​ല്‍ ടീം ​ഒ​ന്ന​ട​ങ്കം ആ​ശ്വ​സി​പ്പി​ക്കു​ന്ന​തും ലോ​കം ക​ണ്ടു.
റ​ഷ്യ എ​വി​ടെ ‍‍?

എ​പ്പോ​ഴ​ത്തെ​യും പോ​ലെ ലോ​ക​ക​പ്പി​ന്‍റെ ഒ​രു​ക്ക​ങ്ങ​ള്‍ എ​വി​ടെ വ​രെ​യാ​യി എ​ന്ന ചോ​ദ്യം ഉ​യ​രു​ന്നു​ണ്ട്. ന​ട​ന്നു​കൊ​ണ്ടി​രി​ക്കു​ന്ന കോ​ണ്‍ഫെ​ഡ​റേ​ഷ​ന്‍സ് ക​പ്പി​ലൂ​ടെ റ​ഷ്യ​യു​ടെ ഒ​രു​ങ്ങ​ള്‍ എ​വി​ടെ വ​രെ​യാ​യെ​ന്ന് ഏ​ക​ദേ​ശം വെ​ളി​പ്പെ​ടും. കോ​ണ്‍ഫെ​ഡ​റേ​ഷ​ന്‍സ് ക​പ്പി​ലൂ​ടെ ലോ​ക​ക​പ്പി​ന് യോ​ഗ്യ​ത നേ​ടു​ക​യൊ​ന്നു​മി​ല്ലെ​ങ്കി​ലും ടീ​മി​നു ത​ങ്ങ​ളു​ടെ ശ​ക്തി ദൗ​ര്‍ബ​ല്യ​ങ്ങ​ള്‍ അ​റി​യാ​നാ​കും. റ​ഷ്യ​യി​ലെ സാ​ഹ​ച​ര്യ​ങ്ങ​ള്‍ മ​ന​സി​ലാ​ക്കാ​നും അ​ത​നു​സ​രി​ച്ച് ലോ​ക​ക​പ്പി​നു ടീ​മു​ക​ളെ ത​യാ​റാ​ക്കാ​നും സാ​ധി​ക്കും. ആ​തി​ഥേ​യ​രാ​യ റ​ഷ്യ​ക്ക് അ​ടി​സ്ഥാ​ന സൗ​ക​ര്യ​ങ്ങ​ളി​ല്‍ എ​ന്തൊ​ക്കെ മെ​ച്ച​പ്പെ​ടു​ത്ത​ണ​മെ​ന്നും അ​റി​യാ​ന്‍ സാ​ധി​ക്കും. റ​ഷ്യ​യെ ഏ​റ്റ​വും വി​ഷ​മി​പ്പി​ക്കു​ന്ന​ത് ആ​രാ​ധ​ക​രു​ടെ ആ​ക്ര​മ​സ്വ​ഭാ​വ​മാ​ണ്. യൂ​റോ​ക​പ്പി​നി​ടെ ഇം​ഗ്ല​ണ്ടി​ന്‍റെ ആ​രാ​ധ​ക​രും റ​ഷ്യ​ന്‍ ആ​രാ​ധ​ക​രും ത​മ്മി​ലു​ള്ള ഏ​റ്റു​മു​ട്ട​ല്‍ ആ​രാ​ധ​ക​രു​ടെ സ്വ​ഭാ​വം വെ​ളി​പ്പെ​ടു​ത്തു​ന്ന​താ​യി​രു​ന്നു. ആ​രാ​ധ​ക​രു​ടെ പെ​രു​മാ​റ്റം മോ​ശ​മാ​യാ​ല്‍ ലോ​ക​ക​പ്പി​നെ ത​ന്നെ ബാ​ധി​ക്കും. ആ​രാ​ധ​ക​രു​ടെ പ്ര​തി​ക​ര​ണം മോ​ശ​മാ​കു​മോ എ​ന്ന ആ​ശ​ങ്ക സം​ഘാ​ട​ക​രെ വി​ഷ​മി​പ്പി​ക്കു​ന്നു​ണ്ട്.

ടീ​മു​ക​ള്‍

ലോ​ക​ക​പ്പി​നു​ള്ള 32 ടീ​മു​ക​ളി​ല്‍ മൂ​ന്നു ടീ​മു​ക​ള്‍ നി​ല​വി​ല്‍ യോ​ഗ്യ​ത നേ​ടി. ആ​തി​ഥേ​യ​രാ​യ റ​ഷ്യ, ആ ​നി​ല​യി​ല്‍ത്ത​ന്നെ യോ​ഗ്യ​ത നേ​ടി. യോ​ഗ്യ​താ മ​ത്സ​ര​ങ്ങ​ള്‍ ക​ളി​ച്ച് ലോ​ക​ക​പ്പി​നു യോ​ഗ്യ​ത നേ​ടു​ന്ന ആ​ദ്യം ടീം ​ബ്ര​സീ​ലാ​യി​രു​ന്നു. അ​തി​നു​ശേ​ഷം ഇ​റാ​നും റ​ഷ്യ​യി​ലേ​ക്കു ടി​ക്ക​റ്റ് നേ​ടി. അ​ടു​ത്ത ആ​റു മാ​സ​ത്തി​നു​ള്ളി​ല്‍ അ​ടു​ത്ത 29 ടീ​മു​ക​ള്‍ ആ​രെ​ല്ലാ​മാ​ണെ​ന്ന് അ​റി​യാ​നാ​കും.


യൂ​റോ​പ്പ്

യൂ​റോ​പ്യ​ന്‍ യോ​ഗ്യ​ത​യി​ല്‍ പ​ര​മ്പ​രാ​ഗ​ത ശ​ക്തി​ക​ള്‍ ഗ്രൂ​പ്പു​ക​ളി​ല്‍ ഒ​ന്നാ​മ​താ​ണ്. ഇം​ഗ്ല​ണ്ട്, ജ​ര്‍മ​നി, ബെ​ല്‍ജി​യം അ​വ​ര​വ​രു​ടെ ഗ്രൂ​പ്പു​ക​ളി​ല്‍ ഒ​ന്നാ​മ​താ​യി തു​ട​രു​ന്നു. സ്‌​പെ​യി​നും ഇ​റ്റ​ലി​യും ഒ​രേ ഗ്രൂ​പ്പി​ല്‍ ഒ​രേ പോ​യി​ന്‍റു​മാ​യി നി​ല്‍ക്കു​ന്നു. എ​ന്നാ​ല്‍ ഗോ​ള്‍ ശ​രാ​ശ​രി​യി​ല്‍ സ്‌​പെ​യി​നാ​ണ് മു​ന്നി​ല്‍. ഫ്രാ​ന്‍സി​ന് സ്വീ​ഡ​നി​ല്‍നി​ന്നേ​റ്റ 2-1ന്‍റെ ​തോ​ല്‍വി ഫ്ര​ഞ്ച് ടീ​മി​നെ ര​ണ്ടാം സ്ഥാ​ന​ത്തേ​ക്കു വീ​ഴ്ത്തി. പോ​ര്‍ച്ചു​ഗ​ല്‍ മൂ​ന്നു പോ​യി​ന്‍റ് കു​റ​വു​മാ​യി സ്വി​റ്റ്‌​സ​ര്‍ല​ന്‍ഡി​നു പി​ന്നി​ലാ​ണ്. നെ​ത​ര്‍ല​ന്‍ഡ്‌​സി​ന്‍റെ കാ​ര്യം ഇ​ത്ത​വ​ണ സം​ശ​യ​മാ​ണ് സ്വീ​ഡ​നും ഫ്രാ​ന്‍സി​നും പി​ന്നി​ല്‍ മൂ​ന്നാ​മ​താ​ണ് നെ​ത​ര്‍ല​ന്‍ഡ്‌​സ്. 2016 യൂ​റോ ക​പ്പി​ല്‍ സെ​മി ഫൈ​ന​ലി​ലെ​ത്തി​യ വെയ്‌ൽസി​ന്‍റെ കാ​ര്യ​വും ബു​ദ്ധി​മു​ട്ടാ​ണ്. 1986നു​ശേ​ഷം വ​ട​ക്ക​ന്‍ അ​യ​ര്‍ല​ന്‍ഡ് യോ​ഗ്യ​ത നേ​ടു​മെ​ന്നാ​ണ് തോ​ന്നു​ന്ന​ത്.

ലാ​റ്റി​ന​മേ​രി​ക്ക

ടി​റ്റെ​യു​ടെ കീ​ഴി​ല്‍ ക​ളി​ച്ചു തു​ട​ങ്ങി​യ ബ്ര​സീ​ല്‍ യോ​ഗ്യ​താ മ​ത്സ​ര​ങ്ങ​ളി​ല്‍ തു​ട​ര്‍ച്ച​യാ​യ എ​ട്ട് ജ​യം നേ​ടി റ​ഷ്യ​യി​ലേ​ക്കു​ള്ള ടി​ക്ക​റ്റ് സ്വ​ന്ത​മാ​ക്കി. നാ​ലു റൗ​ണ്ട് മ​ത്സ​രം കൂ​ടി ശേ​ഷി​ക്കേ കൊ​ളം​ബി​യ ര​ണ്ടാ​മ​തും ഉ​റു​ഗ്വെ മൂ​ന്നാ​മ​തും ചി​ലി നാ​ലാ​മ​തു​മാ​ണ്. ഇ​നി അ​ര്‍ജ​ന്‍റീ​ന യോ​ഗ്യ​ത നേ​ടു​മോ എ​ന്ന​റി​യ​ണം. നി​ല​വി​ല്‍ അ​ഞ്ചാം സ്ഥാ​ന​ത്താ​ണ് അ​വ​ര്‍. അ​ഞ്ചാ​മ​ത് വ​രു​ന്ന​വ​ര്‍ക്ക് ഓ​ഷ്യാ​ന ചാ​മ്പ്യ​ന്മാ​രോ​ട് പ്ലേ ​ഓ​ഫ് ക​ളി​ക്ക​ണം.

കോ​ണ്‍കാ​കാ​ഫ്

കോ​ണ്‍കാ​കാ​ഫ് യോ​ഗ്യ​താ മ​ത്സ​ര​ങ്ങ​ളി​ല്‍ മെ​ക്‌​സി​ക്കോ​യാ​ണ് ഒ​ന്നാം സ്ഥാ​ന​ത്ത്. കോ​സ്റ്റാ​റി​ക്ക, അ​മേ​രി​ക്ക എ​ന്നി​വ​യാ​ണ് ര​ണ്ടും മൂ​ന്നു സ്ഥാ​ന​ങ്ങ​ളി​ല്‍. ആ​ദ്യ മൂ​ന്നു സ്ഥാ​ന​ക്കാ​ര്‍ നേ​രി​ട്ട് യോ​ഗ്യ​ത നേ​ടും. നാ​ലാ​മ​തു​ള്ള​വ​ര്‍ ഇ​ന്‍റ​ര്‍ കോ​ണ്‍ഫെ​ഡ​റേ​ഷ​ന്‍ പ്ലേ ​ഓ​ഫ് ക​ളി​ക്ക​ണം. പാ​ന​മ​യാ​ണ് നി​ല​വി​ല്‍ നാ​ലാ​മ​ത്.

ആ​ഫ്രി​ക്ക

ര​ണ്ടു ജ​യം കൂ​ടി നേ​ടി​ക്ക​ഴി​ഞ്ഞാ​ല്‍ ആ​ഫ്രി​ക്ക​യി​ല്‍നി​ന്ന് നൈ​ജീ​രി​യ യോ​ഗ്യ​ത നേ​ടും. തു​ട​ര്‍ ജ​യ​ങ്ങ​ളു​മാ​യി റി​പ്പ​ബ്ലി​ക് ഓ​ഫ് കോം​ഗോ, ഈ​ജി​പ്ത് ടീ​മു​ക​ള്‍ ഗ്രൂ​പ്പി​ല്‍ ഒ​ന്നാ​മ​താ​ണ്.

ഏ​ഷ്യ

ലോ​ക​ക​പ്പി​ന് ഏ​ഷ്യ​ക്കു​ള്ള നാ​ലു സ്ഥാ​ന​ങ്ങ​ളി​ല്‍നി​ന്ന് ഇ​റാ​ന്‍ യോ​ഗ്യ​ത നേ​ടി. എ​ട്ട് ക​ളി​യി​ല്‍ ഒ​രു ഗോ​ള്‍പോ​ലും വ​ഴ​ങ്ങി​യി​ട്ടി​ല്ല. ജ​പ്പാ​ന്‍, ദ​ക്ഷി​ണ കൊ​റി​യ, ഓ​സ്‌​ട്രേ​ലി​യ ടീ​മു​ക​ള്‍ യോ​ഗ്യ​ത​യ്ക്കാ​യി പോ​രാ​ട്ട​ത്തി​ലാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.