Sports News
നെഹ്റയ്ക്കു പരിക്ക്
നെഹ്റയ്ക്കു പരിക്ക്
Thursday, May 19, 2016 11:50 AM IST
മൊഹാലി: ഇന്ത്യയിലെ ഏറ്റവും മികച്ച ടി20 ബൗളർ ആശിഷ് നെഹ്റയുടെ ക്രിക്കറ്റ് കരിയറിന് അവസാനമാകുമോ എന്ന് ആശങ്ക. 15നു കിംഗ്സ് ഇലവൻ പഞ്ചാബിനെതിരേ നടന്ന മത്സരത്തിൽ പിൻതുടഞരമ്പിനു പരിക്കേറ്റ സൺ റൈസേഴ്സ് താരം നെഹ്റയുടെ പരിക്ക് ഗുരുതരമാണെന്നാണ് വിവരം. ഇതോടെ നെഹ്്റയുടെ ക്രിക്കറ്റ് തന്നെ ചോദ്യചിഹ്നമാവുകയാണ്. നെഹ്റയ്ക്ക് ഐപിഎലിലെ തുടർന്നുള്ള മത്സരങ്ങളിൽ കളിക്കാനാവില്ലെന്ന് വ്യക്‌തമാക്കിക്കഴിഞ്ഞു.

നെഹ്റ ഇപ്പോൾ പ്രത്യേക നിരീക്ഷണത്തിലാണെന്നു ഫ്രാഞ്ചൈസി അധികൃതർ വ്യക്‌തമാക്കി. ഗ്രേഡ് ഒന്നിൽ വരുന്ന പരിക്ക് ഭേദമാകാൻ സാധാരണഗതിയിൽ മൂന്നുമുതൽ ആറുമാസം വരെ സമയം വേണ്ടിവരുമെന്നാണ് നിഗമനം. അതുകൊണ്ടുതന്നെ 37കാരനായ നെഹ്റയ്ക്ക് ഇനിയൊരു മടങ്ങിവരവു സാധ്യമാണോ എന്നതാണു പ്രശ്നം.


എട്ടു മത്സരങ്ങൾ കളിച്ച നെഹ്റ ഒമ്പതു വിക്കറ്റ് സ്വന്തമാക്കി. 15 റൺസ് വഴങ്ങി മൂന്നു വിക്കറ്റ് നേടിയ പ്രകടനമാണ് മികച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.