പിജി ഏകജാലകം: ട്രയൽ അലോട്ട്മെന്റ് പ്രസിദ്ധീകരിച്ചു
സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ബിരുദാനന്തര ബിരുദ പ്രോഗ്രാമുകളിലേക്കുള്ള ട്രയൽ അലോട്ട്മെന്റ് പ്രസിദ്ധീകരിച്ചു. ഓപ്ഷനുകൾ പുതുക്കുന്നതിനും ഓണ്ലൈൻ അപേക്ഷയിലെ തെറ്റുകൾ തിരുത്തുന്നതിനും ഇന്നു വൈകുന്നേരം അഞ്ചു വരെ അവസരമുണ്ടാകും. ഓപ്ഷനുകൾ തെരഞ്ഞെടുക്കുന്നതിനായി അപേക്ഷകർ ഓപ്ഷനായി നൽകിയിട്ടുള്ള വിവിധ പ്രോഗ്രാമുകളിലെ ഇൻഡക്സ് മാർക്കും, ട്രയൽ അലോട്ട്മെന്റിലെ വിവിധ പ്രോഗ്രാമുകളിലെ ലാസ്റ്റ് റാങ്ക് വിശദാംശങ്ങളും പ്രൊവിഷണൽ റാങ്ക് ലിസ്റ്റും വെബ്സൈറ്റിൽ ലഭ്യമാണ്. അപേക്ഷകർക്ക് തങ്ങൾ ഓപ്ഷനായി നൽകിയിട്ടുള്ള വിവിധ പ്രോഗ്രാമുകളിലെ ഇൻഡക്സ് മാർക്ക്, വെബ്സൈറ്റിൽ നൽകിയിട്ടുള്ള വിവിധ പ്രോഗ്രാമുകളുടെ സീറ്റ് വിശദാംശങ്ങൾ, ലാസ്റ്റ് റാങ്ക് വിശദാംശങ്ങൾ, പ്രൊവിഷണൽ റാങ്ക് ലിസ്റ്റ് എന്നിവ പരിശോധിച്ച് ഉചിതമായ ഓപ്ഷനുകൾ ആവശ്യമെങ്കിൽ പുതുതായി നൽകുകയോ പുനഃക്രമീകരിക്കുകയോ ഒഴിവാക്കുകയോ ചെയ്യാവുന്നതാണ്. അപേക്ഷയിലെ കൃത്യത ഉറപ്പുവരുത്തുന്നതിനും ഓപ്ഷനുകൾ നൽകുന്നതിനുമുള്ള വിശദവിവരങ്ങൾ ംംം.രമു.ാഴൗ.മര.ശി എന്ന വെബ്സൈറ്റിൽ ലഭ്യമാണ്. ഒന്നാം അലോട്ട്മെന്റ് 17ന് പ്രസിദ്ധീകരിക്കും.
പിഎച്ച്ഡി കോഴ്സ് വർക്ക് പരീക്ഷ
സ്കൂൾ ഓഫ് ഇന്ത്യൻ ലീഗൽ സ്റ്റഡീസ് നടത്തുന്ന പിഎച്ച്ഡി കോഴ്സ് വർക്ക് പരീക്ഷകൾ (ജുഡീഷ്യൽ പ്രോസസ്, റിസർച്ച് മെതഡോളജി) യഥാക്രമം ഒന്പത്, 14 തീയതികളിൽ നടക്കും. അപേക്ഷകൾ 16 വരെയും 50 രൂപ പിഴയോടെ 23 വരെയും സമർപ്പിക്കാം.
പ്രാക്്ടിക്കൽ
2018 ജൂണിൽ തൃപ്പൂണിത്തുറ ആർഎൽവി. കോളജിൽ നടത്തിയ നാലാം സെമസ്റ്റർ എംഎ മ്യൂസിക് വീണ, വയലിൻ (സിഎസ്എസ് റഗുലർ, സപ്ലിമെന്ററി) പരീക്ഷകളുടെ പ്രാക്്ടിക്കൽ 20 മുതൽ 26 വരെ തൃപ്പൂണിത്തുറ ആർഎൽവി കോളജി് നടത്തും. വിശദമായ ടൈംടേബിൾ വെബ്സൈറ്റിൽ.
പരീക്ഷാഫലം
2017 ജൂലൈ മാസത്തിൽ നടത്തിയ രണ്ടാം സെമസ്റ്റർ എംഎസ്സി സ്പെയ്സ് സയൻസ് ആൻഡ് ടെക്നോളജി (സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം.