വാഷിംഗ്ടൺ ഡിസി: നോര്‍ത്ത് അമേരിക്കയിലെ മലയാളി സംഘടനകളുടെ സംഘടനയായ ഫൊക്കാനയുടെ വാഷിംഗ്ടൺ ഡിസി റീജിയണിന്‍റെ പ്രവർത്തന ഉദ്ഘടനം ഞായറാഴ്ച വൈകുന്നേരം അഞ്ച് മുതൽ 600 പെലിക്കൺ അവന്യുവിലുള്ള ഓഡിറ്റോറിയത്തിൽ (600 Pelican Avenue ,Gaithersburg, MD 20877) വച്ച് വിപുലമായ പരിപാടികളോട് നടത്തുന്നതാണ് എന്ന് റീജിയണൽ വൈസ് പ്രസിഡന്‍റ് ബെൻ പോൾ അറിയിച്ചു.
ഫൊക്കാന പ്രസിഡന്‍റ് സജിമോൻ ആന്‍റണി ഉദ്ഘാടനം നിർവഹിക്കും. സെക്രട്ടറി ശ്രീകുമാർ ഉണ്ണിത്താൻ, ട്രെഷർ ജോയി ചാക്കപ്പൻ, വൈസ് പ്രസിഡന്‍റ് വിപിൻ രാജ്, നാഷണൽ കമ്മിറ്റി അംഗങ്ങളായ മനോജ് മാത്യു, ഷിബു ശാമുവേൽ, ഓഡിറ്റർ സ്റ്റാൻലി എത്തുണിക്കൽ വിവിധ തലങ്ങളിൽ ഉള്ള കമ്മിറ്റിയോട് ഒപ്പം ഫൊക്കാനയുടെ നേതാക്കളും പങ്കെടുക്കും.
മാറ്റങ്ങള്‍ ഉള്‍ക്കൊണ്ട് ഫൊക്കാനാ ഇന്ന് അമേരിക്കന്‍ മലയാളികള്‍ക്ക് പ്രിയപ്പെട്ട സംഘടനയായി മാറിയിരിക്കുകയാണ്. ഫൊക്കാനയുടെ പ്രവര്‍ത്തനങ്ങള്‍ കൂടുതല്‍ജനകീയമാക്കുന്നതിന്‍റെ ഭാഗമായിട്ടാണ് ഓരോ റീജിയണിലും ഉള്ള പ്രവർത്തനം കുടുതൽ ശക്തമാക്കുന്നത്. അതിവിപുലമായ പരിപാടികളോട് ആണ് ഓരോ റീജിയണൽ കൺവൻഷനും നടത്തുന്നത്. വാഷിംഗ്ടൺ ഡിസി റീജിയൺ എന്നും ഫൊക്കാനയുടെ ഒരു കരുത്താണ്.
ഞായറാഴ്ച നടക്കുന്ന റീജിയണൽ കൺവൻഷനിലേക്ക് ഏവരെയും സ്വാഗതം ചെയ്യുന്നതായി റീജിയണൽ വൈസ് പ്രസിഡന്‍റ് ബെൻ പോൾ, റീജിയണൽ ഭാരവാഹികൾ ആയ ജോബി സെബാസ്റ്റ്യൻ, ജോൺസൺ കോണ്ടംകുളത്തിൽ, വർഗീസ് സ്കറിയ, ജെയിംസ് ജോസഫ്, ബിജോ വിതയത്തിൽ, ജോബി ജോസഫ്, ബോസ് വർഗീസ്, ഫിനോ അഗസ്റ്റിൻ, നബീൽ മറ്റര, ആന്‍റണി കാണപ്പള്ളി, നിജോ പുത്തൻപുരക്കൽ അജയ് ചാക്കോ, വിമൻസ് ഫോറം ഭാരവാഹികൾ ആയ സരൂപ അനിൽ, അബ്ജ അരുൺ തുടങ്ങിയവർ അറിയിച്ചു.
|