ന്യൂയോര്‍ക്ക്‌: വൈറ്റ് പ്ലെയിന്‍സ്‌ സെന്‍റ് മേരീസ്‌ യാക്കോബായ സുറിയാനി പള്ളിയില്‍ വിശുദ്ധ ദൈവമാതാവിന്‍റെ ജനന പെരുന്നാളിനോടനുബന്ധിച്ച് നടത്തുന്ന എട്ടു നോമ്പാചരണവും ബസേലിയോസ് പൗലോസ് ദ്വിതീയൻ കാതോലിക്കാ ബാവയുടെ 28ാമത് ദുക്റാന പെരുന്നാളും ഇടവകയുടെ വലിയ പെരുന്നാളും ഓഗസ്റ്റ് 31 മുതല്‍ സെപ്റ്റംബർ ഏഴ് വരെ എട്ടു ദിവസങ്ങളിലായി നടത്തപ്പെടുന്നു.
30ന് വൈകുന്നേരം 6.30ന് സന്ധ്യാ പ്രാർഥനയ്ക്കു(ഇംഗ്ലീഷ്) ശേഷം സൺഡേ സ്കൂൾ കുട്ടികൾക്കും യുവജനങ്ങൾക്കുമായി റവ.ഫാ. ജേക്കബ് ജോസഫ് (സെന്‍റ് തോമസ് യാക്കോബായ സിറിയന്‍ ഓർത്തഡോക്സ് പള്ളി, മെല്‍ബണ്‍, ഓസ്ട്രേലിയ) നയിക്കുന്ന പ്രത്യേക റിട്രീറ്റും ഉണ്ടായിരുന്നു.
31ന് രാവിലെ 9.30ന് പ്രഭാത പ്രാർഥന, 10.15ന് വിശുദ്ധ കുർബാനയും സെന്‍റ് ജോൺ ദി ബാപ്റ്റിസ്റ്റ് പെരുന്നാളും (റവ.ഫാ. ജേക്കബ് ജോസഫ്) ശേഷം വികാരി റവ. ഫാ. ബെൽസൺ പൗലോസ് കുര്യാക്കോസ് ഈ വർഷത്തെ പെരുന്നാളിന് തുടക്കം കുറിച്ചുകൊണ്ട് കൊടിയേറ്റം നടത്തി.
അന്നേ ദിവസം വൈകുന്നേരം ആറിന് സന്ധ്യാപ്രാർഥനയും റവ. ഫാ. മത്തായി വർക്കി പുതുക്കുന്നത്ത്‌ നയിക്കുന്ന സുവിശേഷ പ്രസംഗവും നടന്നു.
സെപ്റ്റംബർ ഒന്നിന് രാവിലെ 9.30ന് കുർബാനയും (റവ.ഫാ.വര്‍ഗീസ് പോൾ) കാലം ചെയ്‌ത അബൂന്‍ മോര്‍ ബസേലിയോസ് പൗലൂസ്‌ ദ്വിദീയന്‍ കാതോലിക്കാ ബാവയുടെ ഇരുപത്തി ഏട്ടാമത്‌ ദുക്റാന പെരുന്നാളും പ്രത്യേക പ്രാഥനകളോടും നേർച്ച വിളമ്പോടും കൂടെ നടത്തി. വൈകുന്നേരം ആറിന് സന്ധ്യാ പ്രാർഥനയും റവ.ഫാ. സി.എ.തോമസ് നയിക്കുന്ന സുവിശേഷ പ്രസംഗവും നടന്നു.
സെപ്റ്റംബർ രണ്ടിന് രാവിലെ 9.30ന് പ്രഭാത പ്രാർഥന, 10.15ന് കുർബാന (റവ. ഫാ. കെ.പി. എൽദോസ്), ഉച്ചയ്ക്ക് ഒന്നിന് ധ്യാനയോഗം, ഉച്ചകഴിഞ്ഞ് മൂന്നിന് വിശുദ്ധ കുമ്പസാരം, വൈകുന്നേരം ആറിന് സന്ധ്യാപ്രാർഥന എന്നിവ നടക്കും.
സെപ്റ്റംബർ മൂന്നിന് രാവിലെ 6.30ന് പ്രഭാത പ്രാർഥന, ഏഴിന് വിശുദ്ധ കുർബാന (റവ.ഫാ. മോവിൻ വര്‍ഗീസ്), വൈകുന്നേരം ആറിന് സന്ധ്യാപ്രാർഥനയും റവ. ഫാ. കെ.സി. ഏബ്രഹാം നയിക്കുന്ന സുവിശേഷ പ്രസംഗവും ഉണ്ടായിരിക്കും.
സെപ്റ്റംബർ നാലിന് രാവിലെ 6.30ന് പ്രഭാതപ്രാർഥന, ഏഴിന് വിശുദ്ധ കുർബാന (റവ.ഫാ. വിവേക് അലക്സ്), വൈകുന്നേരം ആറിന് സന്ധ്യാ പ്രാർഥന, റവ. ഫാ. ജേക്കബ് ജോസഫ് നയിക്കുന്ന സുവിശേഷ പ്രസംഗവും ഉണ്ടായിരിക്കും.
സെപ്റ്റംബർ അഞ്ചിന് രാവിലെ 6.30ന് പ്രഭാത പ്രാർഥന, ഏഴിന് വിശുദ്ധ കുർബാന (റവ.ഫാ. ജെറി ജേക്കബ്), വൈകുന്നേരം ആറിന് സന്ധ്യാ പ്രാർഥന, റവ. ഫാ. ജേക്കബ് ജോസഫ് നയിക്കുന്ന സുവിശേഷ പ്രസംഗവും ഉണ്ടായിരിക്കും.
സെപ്റ്റംബർ ആറിന് രാവിലെ 6.30ന് പ്രഭാത പ്രാർഥന, ഏഴിന് വിശുദ്ധ കുർബാന (റവ.ഫാ. ജോയൽ ജേക്കബ്), വൈകുന്നേരം ആറിന് സന്ധ്യാ പ്രാർഥന, റവ. ഫാ. ജേക്കബ് ജോസഫ് നയിക്കുന്ന സുവിശേഷ പ്രസംഗവും ഉണ്ടായിരിക്കും.
സെപ്റ്റംബർ ഏഴിന് പെരുന്നാൾ ദിവസം രാവിലെ 9.15ന് ഇടവക മെത്രാപ്പോലീത്തയും അമേരിക്കന്‍ അതിഭദ്രാസനത്തിന്‍റെ ആര്‍ച്ചുബിഷപ്പും പാത്രിയാര്‍ക്കല്‍ വികാരിയുമായ യല്‍ദോ മോര്‍ തീത്തോസിനെ വൈദീകരുടെയും മാനേജിംഗ് കമ്മിറ്റിയുടെയും നേതൃത്വത്തിലും ഇടവക ജനങ്ങളുടെ സഹകരണത്തിലും ഭക്തിയാദരവോടു കൂടി ദേവാലയത്തിലേക്ക് സ്വീകരിക്കും.
ശേഷം 9.30ന് പ്രഭാത പ്രാർഥനയും 10.15ന് പിതാവിന്‍റെ മുഖ്യ കാര്‍മികത്വത്തിലും റവ.ഫാ. രാജൻ പീറ്റർ, റവ.ഫാ. സിബി എബ്രഹാം എന്നിവരുടെ സഹ കാര്‍മികത്വത്തിലും വിശുദ്ധ മൂന്നിന്മേല്‍ കുര്‍ബാന നടക്കും.
തുടർന്ന് പ്രദിക്ഷണവും നേർച്ച വിളമ്പോടും ആശിർവാദത്തോടും ഉച്ച ഭക്ഷണത്തോടും കൂടി ഈ വർഷത്തെ പെരുന്നാൾ സമാപിക്കും. ശേഷം കുട്ടികൾക്കായി വിദ്യാരംഭവും ഉണ്ടായിരിക്കും.
തിങ്കൾ മുതൽ വെള്ളി വരെ എല്ലാ ദിവസവും രാവിലെ ഒന്പത് മുതൽ വൈകുന്നേരം ആറു വരെ ദേവാലയത്തിൽ പ്രാർഥനയോടെ കഴിയുവാനുള്ള സൗകര്യം വിശ്വാസികൾക്കായി ഒരിക്കിയിയിട്ടുണ്ട്.
ഉച്ചയ്ക്ക് 12ന് ഉച്ച നമസ്കാരവും പരിശുദ്ധ മാതാവിനോടുള്ള മധ്യസ്ഥ പ്രാർഥനയും ഒന്നിന് ധ്യാനവും ഉണ്ടായിരിക്കും. പെരുന്നാളിനു വേണ്ട എല്ലാ ക്രമീകരണങ്ങളും മാനേജിംഗ് കമ്മിറ്റിയുടെ നേതൃത്വത്തിൽ ഇടവക ചെയ്തു കഴിഞ്ഞു.
പരിശുദ്ധ ദൈവമാതാവിന്‍റെ മധ്യസ്ഥതയിൽ അഭയപ്പെട്ടു ഉപവാസത്തോടും പ്രാർഥനയോടും കൂടി നോമ്പാചരണത്തിലും പെരുന്നാളിലും പങ്കെടുത്തു അനുഗ്രഹം പ്രാപിക്കുവാൻ എല്ലാവരെയും വൈറ്റ് പ്ലെയിൻസ്‌ സെന്‍റ് മേരീസ്‌ യാക്കോബായ സുറിയാനിപ്പള്ളിയിലേക്ക്‌ ക്ഷണിക്കുന്നതായി സംഘാടകർ അറിയിച്ചു.
കൂടുതൽ വിവരങ്ങൾക്ക്: Rev.Fr. Belson Poulose Kuriakose 516 639 9791, Vice President Abraham Azhanthara 845 570 3311, Secretary Wison Mathai 914 282 5901, Treasurer Joy Ittan 914 564 1702.
പള്ളിയുടെ വിലാസം: 99 Park Ave, White Plains, NY 10603: www.stmaryswhiteplains.com, www.facebook.com/StMarysChurchWP.
|