ലണ്ടൻ: മുൻ മുഖ്യമന്ത്രി ഉമ്മൻ ചാണ്ടിയുടെ ഒന്നാം ചരമ വാർഷികവും അനുസ്മരണവും ഒഐസിസി യുകെയുടെ നേതൃത്വത്തിൽ ഞായറാഴ്ച (ജൂലൈ 28) ക്രോയ്ടോണിൽ നടത്തുന്നു.
കെപിസിസി പ്രസിഡന്‍റ് കെ. സുധാകരൻ, ഉമ്മൻ ചാണ്ടിയുടെ മകനും എംഎൽഎയുമായ ചാണ്ടി ഉമ്മൻ, ഒഐസിസി ഗ്ലോബൽ പ്രസിഡന്‍റ് ജെയിംസ് കൂടൽ, യുകെ എംപിയും മലയാളിയുമായ സോജൻ ജോസഫ്, കേംബ്രിഡ്ജ്‌ മേയറും മലയാളിയുമായ ബൈജു തിട്ടാല,
ക്രോയ്ടോൻ മുൻ മേയർ മഞ്ജു ഷാഹുൽ ഹമീദ്, ഓർത്തഡോക്സ് സഭ വൈദീക സെക്രട്ടറി ഫാ. ഡോ. നൈനാൻ വി. ജോർജ്, കെഎംസിസി യുകെ നേതാവ് സഫീർ, കേരളത്തിലെയും യുകെയിലെയും പ്രമുഖരായ രാഷ്ട്രീയ, സാമുദായിക നേതാക്കൾ തുടങ്ങിയവർ പങ്കെടുക്കും.
പ്രശസ്തനായ ഗായകൻ ചാൾസ് ആന്‍റണിയുടെ സംഗീത വിരുന്നും ചടങ്ങിനെ മോടിപിടിപ്പിക്കും. ഞായറാഴ്ച വെെകുന്നേരം അഞ്ചിന് ചടങ്ങുകൾ ആരംഭിക്കും. സമ്മേളനത്തിൽ പങ്കെടുക്കുന്നവർക്കുള്ള റിഫ്രഷ്മെന്‍റ് സംഘടിപ്പിച്ചിട്ടുണ്ടെന്ന് സംഘാടകർ അറിയിച്ചു.
ഒഐസിസി യുകെ നാഷണൽ കമ്മിറ്റി പ്രസിഡന്‍റ് കെ.കെ. മോഹൻദാസ്, പരിപാടിയുടെ ജനറൽ കൺവീനറും ഒഐസിസി യുകെയുടെ ജനറൽ സെക്രട്ടറിയുമായ ബേബികുട്ടി ജോർജ്, സ്വാഗത കമ്മിറ്റി കൺവീനറും ഒഐസിസി യുകെ വർക്കിംഗ് പ്രസിഡന്‍റുമായ സുജു ഡാനിയേൽ എന്നിവരുടെ നേതൃത്വത്തിലാണ് പരിപാടി നടക്കുന്നത്.
യുകെയുടെ പല ഭാഗത്തു നിന്നും നിരവധി കോൺഗ്രസ് പ്രവർത്തകരും പൊതുജനങ്ങളും ഈ അനുസ്മരണ ചടങ്ങിൽ പങ്കെടുക്കും. ക്രോയ്ടോൺ മലയാളി നഴ്സുമാരും എൻഎച്ച്എസ് വർക്കേഴ്സും അടങ്ങുന്ന പ്രത്യേക സംഘം പങ്കെടുത്ത് ഉമ്മൻ ചാണ്ടിയെ അനുസ്‌മരിക്കുമെന്ന് മലയാളി നഴ്സസ് ലീഡറും ഒഐസിസി ക്രോയ്ടോൻ യൂണിറ്റ് പ്രസിഡന്‍റുമായ ലിലിയ പോൾ അറിയിച്ചു.
കേരളത്തിൽ നിന്നും യുകെയുടെ പല ഭാഗങ്ങളിൽ നിന്നും മറ്റു രാജ്യങ്ങളിൽ നിന്നും ക്രോയിഡോണിൽ എത്തിച്ചേരുന്ന നേതാക്കന്മാരെയും പ്രവർത്തകരെയും സ്വാഗതം ചെയ്യാൻ വേണ്ട എല്ലാ പദ്ധതികളും തയാറായി കഴിഞ്ഞെന്ന് ഒഐസിസി യുകെ സറേ റീജൺ പ്രസിഡന്‍റ് വിൽ‌സൺ ജോർജും ജനറൽ സെക്കട്ടറി സാബു ജോർജും അറിയിച്ചു.
അഡ്രസ്: St Jude With St Aidan Hall, Thornton Heath, CR7 6BA.
കൂടുതൽ വിവരങ്ങൾക്ക്: ബേബികുട്ടി ജോർജ് (ജനറൽ കൺവീനർ) 07961 390907, ജോയിന്‍റ കൺവീനർമാരായ അപ്പാ ഗഫുർ 07534 499844, വിൽ‌സൺ ജോർജ് 07725737105, ഷൈനു മാത്യു 07872514619.
|