ന്യൂയോർക്കിൽ കെസ്റ്റർ ലൈവ് ഇൻ കൺസേർട്ട് ഡിവോഷണൽ മ്യൂസിക് ഇവന്‍റ് ശനിയാഴ്ച : Deepika.com Nri News Americas

ന്യൂയോർക്ക്: യുണൈറ്റഡ് ക്രിസ്ത്യൻ ചാരിറ്റബിൾ ഓർഗനൈസേഷന്‍റെയും ഗ്ലോബൽ കൊളിഷൻ ആൻഡ് ബോഡി വർക്‌സിന്‍റെയും നേതൃത്വത്തിൽ ഒരുക്കുന്ന കെസ്റ്റർ ലൈവ് ഇൻ കൺസേർട്ട് ഡിവോഷണൽ മ്യൂസിക് ഇവന്‍റ് ശനിയാഴ്ച വൈകുന്നേരം 5.30ന് ന്യൂയോർക്ക് വാലി സ്ട്രിമിലുള്ള ഗേറ്റ് വേ ക്രിസ്ത്യൻ സെന്‍ററിൽ വച്ച് (502 N Central Ave, Valleystream, NY 11580) നടത്തപ്പെടുന്നു.

ക്രിസ്തീയ സംഗീത ലോകത്തെ പ്രമുഖ ഗായകൻ കെസ്റ്ററും മലയാളത്തിന്‍റെ കൊച്ചു വാനമ്പാടി ശ്രേയ ജയ്ദീപും ഒരുമിക്കുന്ന ഈ ക്രിസ്തീയ സംഗീത വിരുന്ന് അവതരിപ്പിച്ച ഒട്ടുമിക്ക അമേരിക്കയിലെ വിവിധ സംസ്ഥാനങ്ങളിലും ഇതിനോടകം തന്നെ വൻ ജനപ്രീതി നേടിയിരിക്കുകയാണ്.

ന്യൂയോർക്കിലെ എല്ലാ സഭാ വിഭാഗത്തിൽപ്പെട്ട വൈദീകരും പാസ്റ്ററുന്മാരും ആത്മായ നേതാക്കളും പങ്കെടുക്കുന്ന ഈ ക്രിസ്തിയ സംഗീത വിരുന്നിന്‍റെ ഒരുക്കങ്ങൾ എല്ലാം പൂർത്തീകരിച്ചതാ‌‌യും പരിപാടിയുടെ ഏതാനും ടിക്കറ്റുകൾ കൂടി ഇനിയും ലഭ്യമാണെന്നും സംഘാടകർ അറിയിച്ചു.

പരിപാ‌ടി‌‌‌യുടെ പ്ലാറ്റി‍നം സ്പോൺസർ ടോം ജോർജ് കോലത്ത് (കെൽട്രോൺ ടാക്സ് കോർപ്), ഗോൾഡ് സ്പോൺസർന്മാർ ഷെറിൻ എബ്രഹാം, മെൽഫി സിജു, സൂസൻ തോമസ് (വേൾഡ് ഫിനാൻഷ്യൽ ഗ്രൂപ്പ്), ജോർജ് മത്തായി (ക്രിയേറ്റീവ് ബിൽഡിംഗ് മാനേജ്മെന്‍റ് ഐഎൻസി), സിൽവർ സ്പോൺസർന്മാർ മാത്യു തോമസ് (ക്രോസ് ഐലൻഡ് റിയാലിറ്റി), ഡോൺ തോമസ് (സോളാർ കൺസൾട്ടന്‍റ്), കൂടാതെ സജിമോൻ ആന്‍റ്ണി (എംഎസ്ബി ബിൽഡേഴ്‌സ് & എലൈറ്റ് റിയൽറ്റർ) എന്നിവരാണ്.

സംഗീത വിരുന്ന് ഓർഗനൈസ് ചെയ്യുന്നത് ഡിവൈൻ മ്യൂസിക് പ്രൊഡക്ഷൻസും ജനസിസ് ക്രീയേഷൻസും ക്രിസ്ത്യൻ ഡിവോഷണൽ മിനിസ്ട്രിയും ചേർന്നാണ്. എല്ലാ ക്രിസ്തിയ സംഗീത ആസ്വാദകരെയും ശനിയാഴ്ച വൈകുന്നേരം 5.30ന് നടത്തപ്പെടുന്ന പരിപാടിയിലേക്ക് സ്വാഗതം ചെയ്യുന്നതായി ചുമതലക്കാർ അറിയിച്ചു.

കൂടുതൽ വിവരങ്ങൾക്ക്: ലാജി തോമസ് 516 849 0368, ബിജു ജോൺ 516 445 1873.