ന്യൂയോർക്ക്: അമേരിക്കയിലെ മലയാളികളുടെ സംഘടനയായ ഫൊക്കാന പ്രമുഖ കഥാകൃത്ത് സതീഷ് ബാബു പയ്യന്നൂരിന്റെ സ്മരണക്കായി ഏർപ്പെടുത്തിയ പ്രവാസി സാഹിത്യ അവാർഡ് എഴുത്തുകാരൻ മൻസൂർ പള്ളൂരിന് സമ്മാനിക്കും .
ഏപ്രിൽ ഒന്നിന് തിരുവനന്തപുരം ഹയാത്ത് റീജൻസി ഹോട്ടലിൽ നടക്കുന്ന ചടങ്ങിൽ വച്ച് ഗോവ ഗവർണർ അഡ്വ .പി എസ് ശ്രീധരൻ പിള്ള അവാർഡ് നൽകും . മാർച്ച് 31 , ഏപ്രിൽ 1 ദിവസങ്ങളിലായാണ് തിരുവനന്തപുരത്ത് ഫൊക്കാന കേരള കൺവൻഷൻ നടക്കുന്നത്.
കൺവെൻഷനിലെ വിവിധ പരിപാടികളിലായി ഗോവ ഗവർണ്ണർ പി .എസ് . ശ്രീധരൻ പിള്ള , സ്പീക്കർ എ എൻ ഷംസീർ, മന്ത്രിമാരായ പി .എ. മുഹമ്മദ് റിയാസ് , വി .ശിവൻ കുട്ടി , ഡോ.ആർ ബിന്ദു ,ജി ആർ അനിൽ , അഡ്വ .ആന്റണി രാജു , എംപി മാരായ ഡോ.ശശി തരൂർ , പി വി അബ്ദുൽ വഹാബ് , ജോൺ ബ്രിട്ടാസ് , മുൻ അംബാസിഡർ ഡോ .ടി .പി ശ്രീനിവാസൻ ,വനിതാ കമ്മീഷൻ ചെയർ പേഴ്സൻ അഡ്വ.പി സതീ ദേവി , എം എ ബേബി , നോർക്ക ഡയറക്ടർ ജെ .കെ മേനോൻ എന്നിവരടക്കം വിശിഷ്ടാതിഥികൾ പങ്കെടുക്കും.