ഒഐസിസി യുഎസ്എ പ്രവർത്തനോദ്ഘാടനം മേയ് 21 ന്
Wednesday, May 18, 2022 3:32 PM IST
പി.പി. ചെറിയാൻ
ഹൂസ്റ്റൺ :വിവിധ രാജ്യങ്ങളിലുള്ള മലയാളി പ്രവാസി കോൺഗ്രസ് പ്രവർത്തകരെ ഒരു കുടക്കീഴിൽ അണിനിരത്തി കോൺഗ്രസ് പ്രസ്ഥാനത്തിനു ശക്തി പകരുന്ന ഒഐസിസിയുടെ പ്രവർത്തനങ്ങളുടെ ഭാഗമായി അമേരിക്കയിലെ നോർത്തേൺ, സതേൺ,വെസ്റ്റേൺ, റീജണുകളിൽ ശക്തമായ പ്രവർത്തനം നടത്തിവരുന്ന ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി) യുഎസ്എയുടെ പ്രവർത്തനോദ്ഘാടനവും തൃക്കാക്കര ഉപതിരഞ്ഞെടുപ്പു സമ്മേളനവും മേയ് 21 നു (ശനി) രാവിലെ 11.30 ന് (ന്യൂയോർക്ക് സമയം) (ഇന്ത്യൻ സമയം ശനി രാത്രി 9 നു) സൂം പ്ലാറ്റ് ഫോമിലൂടെ സംഘടിപ്പിക്കുന്നു.

തൃക്കാക്കര ഉപതെരഞ്ഞെടുപ്പിന്‍റെ തിരക്കിനിടയിലും കെപിസിസി പ്രസിഡന്‍റ് കെ. സുധാകരനും പ്രതിപക്ഷ നേതാവ് വി.ഡി. സതീശനും ഒഐസിസി ഗ്ലോബൽ ചെയർമാൻ കുമ്പളത്ത് ശങ്കരപിള്ളയും തൃക്കാക്കര ഉപതെരഞ്ഞെടുപ്പിലെ യുഡിഎഫ് സ്ഥാനാർഥി ഉമാ തോമസും സമ്മേളനത്തിൽ പങ്കെടുക്കുന്നുവെന്നത് ഇതിന്‍റെ പ്രാധാന്യം വർധിപ്പിക്കുന്നു .


സൂം ഐഡി : 889 9810 8930
പാസ്സ്‌കോഡ് : 1234

അമേരിക്കയിലെ പ്രമുഖരായ കോൺഗ്രസ് നേതാക്കൾ ഉൾപ്പെടുന്ന ഒഐസിസി യു എസ്എ നാഷണൽ കമ്മിറ്റിയാണ് സമ്മേളനത്തിന്‍റെ വിജയത്തിനായി പ്രവർത്തിക്കുന്നത്. സമ്മേളത്തിൽ എല്ലാ കോൺഗ്രസ് പ്രവർത്തകരും അനുഭാവികളും പങ്കെടുക്കണമെന്ന് സംഘാടകർ അഭ്യർഥിച്ചു.

വിവരങ്ങൾക്ക് : ജെയിംസ് കൂടൽ (ചെയർമാൻ) 346 456 2225, ബേബി മണക്കുന്നേൽ (പ്രസിഡന്‍റ്) 713 291 9721, ജീമോൻ റാന്നി (ജനറൽ സെക്രട്ടറി) 407 718 4805, സന്തോഷ് എബ്രഹാം (ട്രഷറർ) 215 605 6914.