ന്യൂയോർക്ക്: പ്രകൃതിദത്ത മാർഗത്തിലൂടെ ആരോഗ്യ സുരക്ഷാ ഉറപ്പാക്കണമെന്ന് റവന്യൂവകുപ്പ് മന്ത്രി കെ. രാജൻ. പ്രവാസി മലയാളി ഫെഡറേഷൻ എൻആർകെ ഓൾ ഇന്ത്യ കമ്മിറ്റി ജൂലൈ 24നു സംഘടിപ്പിച്ച വെബിനാർ ഉദ്ഘാടനം ചെയ്തു പ്രസംഗിക്കുകയായിരുന്നു കേരള റവന്യൂ വകുപ്പ് മന്ത്രി. എൻആർകെ കോർഡിനേറ്റർ അഡ്വ. പ്രേമ മേനോൻ എല്ലാവരെയും യോഗത്തിലേക്ക് സ്വാഗതം ചെയ്തു.
വൈറസുകൾ പല രൂപത്തിൽ ഭാവത്തിൽ ഇനിയും പ്രത്യക്ഷപ്പെടാം. ഓരോ തരം വൈറസിനോടും പൊരുതേണ്ടത് നമ്മുടെ ശരീരം തന്നെയാണ്. അപ്പോൾ ആ ശരീരത്തിന്റെ സ്വാഭാവിക പ്രതിരോധ ശക്തി സ്ഥിരപ്പെടുത്തുക എന്നത് മാത്രമാണ്. തുടർന്ന് നടന്ന ചർച്ചയിൽ ചടങ്ങിലെ മുഖ്യാതിഥി മുൻ ആരോഗ്യ വകുപ്പുമന്ത്രിയും എംഎൽഎയുമായ ഷൈലജ ടീച്ചർ പറഞ്ഞു. കഴിഞ്ഞ സർക്കാരിന്റെ കോവിഡ് പ്രവർത്തനങ്ങളെക്കുറിച്ച് ഷൈലജ ടീച്ചർ വിശദീകരിച്ചു.
വെബിനാറിന്റെ മുഖ്യ പ്രഭാഷകനായ തിരൂർ പ്രകൃതി ഗ്രാമം ചീഫ് നാച്ചുറൽ ഹൈജീനിസ്റ്റ് ഡോ. പി.എ. രാധാകൃഷ്ണൻ സ്വാഭാവിക പ്രതിരോധം എങ്ങനെ ആർജിക്കുക എങ്ങനെ ആരോഗ്യവാനായി ഇരിക്കാം അതിനായി നമ്മുടെ പല ധാരണകളും, മിഥ്യാധാരണകളും തിരുത്തിക്കുറിക്കേണ്ടതുണ്ട്. അറിയുക, എന്താണ് സ്വാഭാവിക പ്രതിരോധത്തിനുള്ള പ്രകൃതിജീവന മാർഗങ്ങൾ?. വ്യായാമം, ഭക്ഷണം, വിശ്രമം എന്നിങ്ങനെ മനുഷ്യ ശരീരത്തിനാവശ്യമായ രീതികളിലൂടെ മരുന്നില്ലാ ജീവിതത്തിലേക്ക് നമ്മെ എങ്ങിനെ മാറ്റിയെടുക്കാം. ഈ വിഷയത്തിൽ അദ്ദേഹം വിശദമായ ക്ലാസെടുത്തു.
വനിതാ കമ്മീഷൻ അംഗം ഷാഹിദ കമാൽ സെമിനാറിന് ആശംസകൾ അറിയിക്കുകയും പ്രവാസി മലയാളി ഫെഡറേഷന്റെ പ്രവർത്തനങ്ങൾക്കു എല്ലാ പിന്തുണയും വാഗ്ദാനം ചെയുകയും ചെയ്തു
എസ്. സുരേന്ദ്രൻ ഐപിഎസ്, പ്രവാസി മലയാളി ഫെഡറേഷൻ മുഖ്യരക്ഷാധികാരി മോണ്സൻ മാവുങ്കൽ, ഗ്ലോബൽ ചെയർമാൻ ഡോ. ജോസ് കാനാട്ട്, ഗ്ലോബൽ കോ-ഓർഡിനേറ്റർ ജോസ് മാത്യു പനച്ചിക്കൽ, ഡയറക്ടർ ബോർഡ് മെന്പർ ജോർജ് പഠിക്കക്കുടി, എൻആർകെ കോർഡിനേറ്റർ അഡ്വ. പ്രേമ മേനോൻ, പ്രസിഡൻറ് ബിനു തോമസ്, ജനറൽ സെക്രട്ടറി അജികുമാർ മേടയിൽ, വൈസ് പ്രസിഡന്റ് കെ.ആർ. മനോജ്, ജോയിൻ സെക്രട്ടറി അനിൽകുമാർ, ട്രഷറർ ടിഒ. തോമസ്, കേരള സ്റ്റേറ്റ് കോർഡിനേറ്റർ ബിജു കെ. തോമസ്, ബേബി മാത്യു, ജാഷിൻ പാലത്തിങ്കൽ, മീഡിയ കോർഡിനേറ്റർ പി പി ചെറിയാൻ, ഉദയകുമാർ, അനിതാ പുല്ലയിൽ, തുടങ്ങിയവർ സംസാരിച്ചു.
റിപ്പോർട്ട്: പി.പി. ചെറിയാൻ