ന്യൂയോർക്ക്: റാന്നി കല്ലുമണ്ണിൽ വാലിപ്ലാക്കൽ പരേതരായ സി.വി. ചെറിയാന്റെയും മറിയാമ്മയുടെയും പുത്രൻ ചെറിയാൻ വർഗീസ് (78) നിര്യാതനായി.
സിവിൽ എഞ്ചിനീയറിംഗിൽ പഠനം പൂർത്തിയാക്കിയ അദ്ദേഹം ന്യൂഡൽഹിയിലും ബോംബെയിലും ജോലി ചെയ്തു. 1975 ൽ തിരുവല്ല തോട്ടുങ്കൽ വീട്ടിൽ ഓമന എബ്രഹാമിനെ വിവാഹം കഴിച്ചു. ഇരുവരും 1976 ൽ അമേരിക്കയിലേക്ക് കുടിയേറി. 20 വർഷത്തിലേറെ നീണ്ട സേവനത്തിനുശേഷം ന്യൂയോർക്കിലെ കോളർ-ഗോൾഡ് വാട്ടർ ഹോസ്പിറ്റലിൽ നിന്ന് വിരമിച്ചു.
ഭാര്യ: ഓമന. മക്കൾ: ജസ്റ്റിൻ, ജെയ്ൻ. മരുമക്കൾ: സെബി, ജെയ്സണ്.
കൊച്ചുമക്കൾ: ടോമി, സറീന, ഇശയ്യ, നവീൻ, ക്രിസ്ത്യൻ.
സഹോദരങ്ങൾ: വത്സമ്മ ജേക്കബ് (ന്യൂയോർക്ക്), ഡാലമ്മ ഫിലിപ്പ് (റാന്നി) സഹോദരങ്ങളാണ്.
പൊതുദർശനം: മാർച്ച് 2 ചൊവ്വാഴ്ച വൈകുന്നേരം 5 മുതൽ രാത്രി 8 വരെ (പാർക്ക് ഫ്യൂണറൽ ഹോം, 2175 ജെറിക്കോ ടേണ്പൈക്ക്, ന്യൂ ഹൈഡ് പാർക്ക്, ന്യൂയോർക്ക് 11040).
സംസ്കാര ശുശ്രൂഷ: മാർച്ച് 3 ബുധനാഴ്ച രാവിലെ 9ന് (സെന്റ് സ്റ്റീഫൻസ് ഓർത്തഡോക്സ് ചർച്ച്, 858 റൂസ്വെൽറ്റ് സ്ട്രീറ്റ്, ഫ്രാങ്ക്ലിൻ സ്ക്വയർ, ന്യൂയോർക്ക് 11010). തുടർന്ന് 11:00 മണിക്ക് സെന്റ് ചാൾസ് സെമിത്തേരിയിൽ (2015 വെൽവുഡ് അവന്യൂ, ഫാർമിംഗ്ഡേൽ, ന്യൂയോർക്ക് 11735) സംസ്കാരം.
റിപ്പോർട്ട്: സജി എബ്രഹാം