നായക്കുനേരെ ഉതിർത്ത വെടിയേറ്റു ഉറങ്ങിക്കിടന്ന യുവതി മരിച്ചു; പോലീസുകാരനെതിരേ കൊ​ല​കു​റ്റ​ത്തി​ന് കേ​സ്
Thursday, September 17, 2020 11:27 PM IST
ആ​ർ​ലിം​ഗ്ട​ൻ (ടെ​ക്സ​സ്): നാ​യയെ ഉതിർത്ത തോക്കിൽ നിന്നും അബദ്ധത്തിൽ വെടിയേറ്റു ഉ​റ​ങ്ങി​ക്കി​ട​ന്ന യു​വ​തി മ​രി​ച്ച കേ​സി​ൽ പോ​ലീ​സ് ഓ​ഫീ​സ​ർ​ക്കെ​തി​രെ കൊ​ല​കു​റ്റ​ത്തി​ന് കേ​സെ​ടു​ത്തു.

പ​രി​ശോ​ധ​ന​യ്ക്കെ​ത്തി​യ ആ​ർ​ലിം​ഗ്ട​ൻ പോ​ലീ​സ് ഓ​ഫീ​സ​ർ​ക്കു നേ​രെ വ​ന്ന നാ​യ​യെ ഉ​ന്നം വ​ച്ച വെ​ടി​യു​ണ്ട ഉ​റ​ങ്ങി കി​ട​ന്നി​രു​ന്ന യു​വ​തി​യു​ടെ ദേ​ഹ​ത്തു​കൊ​ണ്ടാ​ണു മ​ര​ണം സം​ഭ​വി​ച്ച​ത്. കേ​സി​ൽ ഇ​ന്ത്യ​ൻ അ​മേ​രി​ക്ക​ൻ വം​ശ​ജ​നും, ആ​ർ​ലിം​ഗ്ട​ൻ പോ​ലീ​സ് ഓ​ഫീ​സ​റു​മാ​യി​രു​ന്ന ര​വി​സിം​ഗി​നെ​തി​രെ​യാ​ണു കൊ​ല​കു​റ്റ​ത്തി​ന് കേ​സെ​ടു​ത്ത​ത്.

ക​ഴി​ഞ്ഞ ഡി​സം​ബ​റി​ലാ​യി​രു​ന്നു സം​ഭ​വം. മു​റ്റ​ത്തെ പു​ൽ​ത​കി​ടി​യി​ൽ ആ​രോ വീ​ണു കി​ട​ക്കു​ന്നു എ​ന്ന സ​ന്ദേ​ശം ല​ഭി​ച്ച​തി​നെ തു​ട​ർ​ന്നാ​ണ് ര​വി​സിം​ഗ് പ​രി​ശോ​ധി​ന​യ്ക്കാ​യി എ​ത്തി​യ​ത്. ഇ​തേ സ​മ​യം അ​ഴി​ച്ചു​വി​ട്ടി​രു​ന്ന നാ​യ ര​വി​സിം​ഗി​നെ​തി​രെ കു​ര​ച്ചു​കൊ​ണ്ട് ചാ​ടി​വീ​ണു. നാ​യ​ക്കു നേ​രെ നി​ര​വ​ധി ത​വ​ണ വെ​ടി​യു​തി​ർ​ക്കു​ന്ന​തി​നി​ട​യി​ൽ ആ​രു​ടേ​യോ നി​ല​വി​ളി കേ​ട്ടു. വെ​ടി​യേ​റ്റ​ത് പു​ൽ​ത​കി​ടി​യി​ൽ ഉ​റ​ങ്ങി​കി​ട​ന്നി​രു​ന്ന മേ​ഗി ബ്രൂ​ക്ക​റു​ടെ ദേ​ഹ​ത്താ​യി​രു​ന്നു.

അ​വ​ർ സം​ഭ​വ സ്ഥ​ല​ത്തു​വ​ച്ചു ത​ന്നെ മ​രി​ച്ചു. മൂ​ന്നു കു​ട്ടി​ക​ളു​ടെ മാ​താ​വാ​യി​രു​ന്നു മേ​ഗി. നാ​യ നി​സാ​ര പ​രു​ക്കു​ക​ളോ​ടെ ര​ക്ഷ​പ്പെ​ട്ടു. സം​ഭ​വ​ത്തി​നു​ശേ​ഷം ര​വി​സിംഗ് ജോ​ലി രാ​ജി​വ​ച്ചു.

മ​രി​ച്ച മ​ക​ൾ​ക്കു നീ​തി കി​ട്ടു​ന്ന​തി​നു​ള്ള ആ​ദ്യ പ​ടി​യാ​ണി​തെ​ന്നു മേ​ഗി​യു​ടെ പി​താ​വ് പ​റ​ഞ്ഞു. സ്വ​യ​ര​ക്ഷ​ക്കു വെ​ടി​യു​തി​ർ​ക്കു​ന്ന​തി​നു​ള്ള അ​വ​കാ​ശം ഓ​ഫീ​സ​ർ​ക്കു​ണ്ടെ​ന്നും യു​വ​തി കി​ട​ന്നി​രു​ന്ന​ത് പു​റ​ത്താ​യി​രു​ന്നു​വെ​ന്നും ര​വി​യു​ടെ അ​റ്റോ​ർ​ണി വ്യ​ക്ത​മാ​ക്കി.

റി​പ്പോ​ർ​ട്ട്: പി.​പി. ചെ​റി​യാ​ൻ
Copyright @ 2022 , Rashtra Deepika Ltd.