ഷിക്കാഗോ: ഇല്ലിനോയി സ്റ്റേറ്റ് അസംബ്ലിയിലേക്ക് സ്നോക്കി, മോർട്ടണ് ഗ്രോവ് & ലിങ്കണ്‍വുഡ് എന്നീ സിറ്റികൾ ഉൾപ്പെടുന്ന 16ാം ഡിസ്ട്രിക്റ്റിൽ നിന്നും മത്സരിക്കുന്ന കെവിൻ ഓലിക്കലിന് ഷിക്കാഗോ മലയാളി സമൂഹത്തിന്‍റെ എല്ലാവിധ പിന്തുണയും വാഗ്ദാനം ചെയ്തു.
ഷിക്കാഗോ മലയാളി അസോസിയേഷൻ എന്ന സാമൂഹ്യ സംഘടനയിലെ ഒരു സ്ഥിരാഗംകൂടിയാണ് കെവിൻ ഓലിക്കൽ. അമേരിക്കൻ രാഷ്ട്രീയത്തിൽ രണ്ടാം തലമുറ എത്തണമെന്ന മലയാളി സമൂഹത്തിന്‍റെ നിരന്തരമായ ആഹ്വാനവും പ്രേരണയും ഒരു പ്രചോദനമാണ്. സാമൂഹിക ഉന്നമനത്തിനായി മലയാളി സമൂഹത്തിലെ അംഗങ്ങൾ ഉന്നത സ്ഥാനങ്ങളിൽ എത്തേണ്ടതിന്‍റെ ആവശ്യകത ഷിക്കാഗോ മലയാളി അസോസിയേഷൻ ചൂണ്ടിക്കാട്ടാറുണ്ട്.
മാർച്ച് 17ന് നടക്കുന്ന പ്രൈമറി തിരഞ്ഞെടുപ്പിൽ വിവിധ തുറകളിൽ പ്രവർത്തിക്കുന്ന ജോണ്സണ് കണ്ണൂക്കാടൻ, ജോഷി വള്ളിക്കളം, ജിതേഷ് ചുങ്കത്ത്, ബാബു മാത്യു, സാബു കട്ടപ്പുറം, ഷാബു മാത്യു, ജോസ് സൈമണ്‍ മുണ്ടപ്ലാക്കിൽ, ലീല ജോസഫ്, മേഴ്സി കുര്യാക്കോസ്, കാൽവിൻ കവലയ്ക്കൽ, ആഗ്നസ് തെങ്ങുംമൂട്ടിൽ, ആൽവിൻ ഷിക്കോർ, ചാക്കോ മറ്റത്തിൽപറന്പിൽ, ജോർജ് പ്ലാമൂട്ടിൽ, ജെസ്സി റിൽസി, കൊച്ചുമോൻ ചിറയിൽ, മനോജ് അച്ചേട്ട്, ഫിലിപ്പ് പുത്തൻപുരയിൽ, സജി മണ്ണംചേരി, സന്തോഷ് കാട്ടുക്കാരൻ, സന്തോഷ് കുര്യൻ, ഷൈനി ഹരിദാസ്, റ്റോബിൻ തോമസ്, രജ്ജൻ എബ്രഹാം & ജിമ്മി കണിയാലി എന്നിവർ എല്ലാവിധ സഹായവും വാഗ്ദാനം ചെയ്തു.
റിപ്പോർട്ട്: ജോഷി വള്ളിക്കളം