റ്റാന്പാ: എംഎസിഎഫ് ഓണാഘോഷത്തിന് മികവ് കൂട്ടാൻ മെഗാ ഒപ്പനയ്ക്കുള്ള ഒരുക്കങ്ങൾ പൂർത്തിയായി കൊണ്ടിരിക്കുന്നു. ഒപ്പന കേരളത്തിലെ വിശേഷിച്ചും മലബാറിലെ മുസ്ലീം സമൂഹത്തിൽ നിലനിൽക്കുന്ന ജനകീയ കലാരൂപമാണ്. വിവാഹാഘോഷങ്ങളുടെ ഭാഗമായുള്ള സംഘനൃത്തമാണിത്. ജീവിതത്തിന്‍റെ ഭാഗമാകാൻ പോകുന്ന മണവാളന്‍റെ ഗുണഗണങ്ങൾ മണവാട്ടിക്കു മുന്നിലവതരിപ്പിക്കുന്ന വിധത്തിലാണ് ഒപ്പനപ്പാട്ടുകൾ തയാറാക്കുന്നത്.
തുടർച്ചയായി രണ്ടു വർഷങ്ങളിലും എംഎസിഎഫ് ഓണാഘോഷം നോർത്ത് അമേരിക്ക കണ്ട ഏറ്റവും വലിയ നൃത്ത സംഗമ വേദിയാണ്. 2017 മെഗാ തിരുവാതിരയും, 2018 മോഹിനിയാട്ടം, തിരുവാതിര മെഗാ നൃത്തവും വളരെയധികം പ്രശംസ നേടിയിരുന്നു. 2019 ഇൽ ക്ലാസിക്കൽ ഫ്യൂഷൻ, മാർഗംകളി, നാടോടി നൃത്തം, തിരുവാതിര എന്നിവയോടു കൂടെ ഒപ്പനയും വേദി മനോഹരമാക്കും. എംഎസിഎഫ് വിമൻസ് ഫോറമാണ് ഈ മനോഹര നൃത്ത ശിൽപ്പങ്ങൾ അണിയിച്ചൊരുക്കുന്നത്.
ഈ വർഷം ഒപ്പനയ്ക്കു നൃത്ത ചുവടുകൾ ഒരുക്കിയിരിക്കുന്നത് ഷിജി തോമസ്, ആൽഫി ചെന്പരത്തി എന്നിവർ ചേർന്നാണ്. മെഗാ ഒപ്പന കോർഡിനേറ്റ് ചെയ്യുന്നത് ഷീല ഷാജുവാണ്. മലബാറിന്‍റെ തനത് ഈണങ്ങൾക്കു നൃത്ത ചുവടു വയ്ക്കുന്നത് 40 ഓളം നർത്തകിമാരാണ് .
കഴിഞ്ഞ മൂന്നു വർഷമായി ഓണത്തിന്‍റെ ഏറ്റവും ആകർഷകമായ ഘടകമായ മെഗാനൃത്തത്തിനു ചുക്കാൻ പിടിക്കുന്നവർ അഞ്ജന കൃഷ്ണൻ, സാലി മച്ചാനിക്കൽ, അനീന ലിജു, ഷീല ഷാജു, ഡോണ ഉതുപ്പാൻ, ജെസ്സി കുളങ്ങര തുടങ്ങിയവരാണ്.
ഓഗസ്റ്റ് 24നു റ്റാന്പായിലുള്ള ക്നാനായ കമ്മ്യൂണിറ്റി സെന്‍ററിൽ നടക്കുന്ന പരിപാടിയിലേക്ക് റ്റാന്പായിലും പരിസര പ്രദേശങ്ങളിലുമുള്ള എല്ലാ നല്ലവരായ നാട്ടുകാരെയും സ്നേഹാദരുവുകളോടെ സ്വാഗതം ചെയ്യുന്നതായി ഭാരവാഹികൾ അറിയിച്ചു.
ഓണാഘോഷത്തെപ്പറ്റിയുമുള്ള കൂടുതൽ വിവരങ്ങൾക്ക് സുനിൽ വർഗീസ് (പ്രസിഡന്‍റ്) 727 793 4627 , ടി.ഉണ്ണികൃഷ്ണൻ (ട്രസ്റ്റീ ബോർഡ് ചെയർമാൻ) 813 334 0123 , പ്രദീപ് മരുത്തുപറന്പിൽ (ഓണാഘോഷ കമ്മിറ്റി ചെയർമാൻ), ജയേഷ് നായർ, ഷിബു തണ്ടാശേരിൽ, സണ്ണി ജേക്കബ് തുടങ്ങിയവരെ സമീപിക്കുക.
റിപ്പോർട്ട്: ടി. ഉണ്ണികൃഷ്ണൻ