ഡാളസ്: മലയാളി ദേശീയ സംഘടനയായ ഫോമയുടെ നേതൃത്വത്തിൽ കേരളത്തിൽ നടത്തപ്പെടുന്ന ഏഴു സൗജന്യ മെഡിക്കൽ സർജിക്കൾ ക്യാന്പുകൾ മുന്നേറുന്നു. ജനുവരി 12നു ആരംഭംകുറിച്ച മെഡിക്കൽ ക്യാന്പ് 18നു അവസാനിക്കും. ആദ്യ ദിവസം തന്നെ ഏകദേശം 300 പേർ സൗജന്യ ചികിത്സ തേടിയെത്തി. മൂന്നു ദിവസങ്ങൾ കൊണ്ട് വിവിധ സ്ഥലങ്ങളിലായി 23 ശസ്ത്രക്രിയകളും എഴുനൂറോളം പേർക്ക് കണ്‍സൾട്ടേഷനും മരുന്നുമുൾപ്പടെ സൗജന്യമായി നൽകുവാൻ സാധിച്ചു എന്നുള്ളത് ഫോമാ ചാരിറ്റി കമ്മിറ്റി ചെയർമാൻ ജിജു കുളങ്ങരയുടെയും, ലെറ്റ് ദം സ്മൈൽ സ്ഥാപകൻ ജോണ് ഡബ്ല്യൂ വർഗീസിന്‍റെയും സേവന പാതയിലെ നാഴികക്കല്ലുകളാണ്.
ജനുവരി 12 ശനിയാഴ്ച തിരുവല്ല വളഞ്ഞവട്ടത്താണ് മെഡിക്കൽ ക്യാന്പുകൾക്ക് തുടക്കം കുറിച്ചത്. 13 ഞായറാഴ്ച്ച ആലപ്പുഴ, കറ്റൂരിലും, തുടർന്ന് ജനുവരി 14 തിങ്കളാഴ്ച കുന്പനാട്ടുള്ള ഫെലോഷിപ്പ് മിഷൻ ഹോസ്പിറ്റലുമായി ചേർന്ന് സർജിക്കൽ ക്യാന്പിനു തുടക്കം കുറിച്ചു. ജനുവരി 15 ചൊവ്വാഴ്ച പാലക്കാട്ട് വടക്കഞ്ചേരിയിൽ ത്രീ സ്റ്റാർ ഓഡിറ്റോറിയത്തിൽ വച്ചു മെഡിക്കൽ ക്യാന്പ് നടത്തപ്പെട്ടു. ഫോമായുടെ ചാരിറ്റി ടീമിനൊപ്പം സമൂഹത്തിലെ വിവിധ മേഖലകളിലുള്ള പ്രമുഖർ ഒത്തു ചേർന്നു പ്രവർത്തിച്ചു, അർഹതപ്പെട്ടവർക്ക് സൗജന്യ ചികിത്സ ലഭ്യമാക്കാൻ സൗകര്യമൊരുക്കി.
ഫോമായുടെ എക്സിക്യൂട്ടീവ് അംഗങ്ങളായ പ്രസിഡന്‍റ് ഫിലിപ്പ് ചാമത്തിൽ, ജനറൽ സെക്രട്ടറി ജോസ് എബ്രഹാം, ട്രഷറാർ ഷിനു ജോസഫ്, ജോയിന്റ് ട്രഷറാർ ജയിൻ കണ്ണച്ചാൻപറന്പിൽ, അവിഭക്ത ഫൊക്കാന മുൻ ട്രഷററും, മലയാളികൾക്ക് പ്രിയങ്കരനായ ഫാ: ഡേവിസ് ചിറമേൽ, ഫോമാ മുൻ കണ്‍വൻഷൻ കമ്മറ്റി ചെയർമാൻ, പി.ആർ.ഒ., ഇന്ത്യാ പ്രസ് ക്ലബ് ഓഫ് നോർത്ത് അമേരിക്ക മുൻ പ്രസിഡന്‍റ് എന്നീ നിലകളിൽ പ്രവർത്തിച്ച മാത്യൂ വർഗ്ഗീസ് (ജോസ്), ഇന്ത്യാ പ്രസ് ക്ലബ്, ജനറൽ സെക്രട്ടറി സുനിൽ തൈമറ്റം എന്നിവർ പരിപാടികൾക്ക് പൂർണ പിന്തുണ നൽകി.
ഫോമായുടെ എക്സിക്യൂട്ടീവ് അംഗങ്ങളായ പ്രസിഡന്‍റ് ഫിലിപ്പ് ചാമത്തിൽ, ജനറൽ സെക്രട്ടറി ജോസ് എബ്രഹാം, ട്രഷറാർ ഷിനു ജോസഫ്, ജോയിന്റ് ട്രഷറാർ ജയിൻ കണ്ണച്ചാൻപറന്പിൽ, അവിഭക്ത ഫൊക്കാന മുൻ ട്രഷററും, ഫോമാ മുൻ കണ്‍വൻഷൻ കമ്മറ്റി ചെയർമാൻ, പിആർഒ., ഇന്ത്യാ പ്രസ് ക്ലബ് ഓഫ് നോർത്ത് അമേരിക്ക മുൻ പ്രസിഡന്‍റ് എന്നീ നിലകളിൽ പ്രവർത്തിച്ച മാത്യൂ വർഗീസ് (ജോസ്), ഇന്ത്യാ പ്രസ് ക്ലബ്, ജനറൽ സെക്രട്ടറി സുനിൽ തൈമറ്റം എന്നിവർ പരിപാടികൾക്ക് പൂർണ പിന്തുണ നൽകി. കിഡ്നി ഫെഡറേഷൻ ഓഫ് ഇന്ത്യയുടെ സ്ഥാപകൻ ഫാ. ഡേവിസ് ചിറമേൽ, ആലത്തൂൽ ഡിവൈഎസ്പി. വി.എ. കൃഷ്ണദാസ്, കോണ്ഗ്രസ് ഒബിസി വിഭാഗം പ്രസിഡന്‍റ് സുമേഷ് അച്ചുതൻ തുടങ്ങിയ പ്രമുഖരും പരിപാടികളിൽ പങ്കെടുത്തിരുന്നു.
റിപ്പോർട്ട്: പന്തളം ബിജു തോമസ്