സാ​ന്ത്വ​ന​ത്തി​ന്‍റെ പ​ര്യാ​യം ഷീ​ബ അ​മീ​ർ അ​മേ​രി​ക്ക​യി​ൽ
Friday, November 16, 2018 11:06 PM IST
ഡാ​ള​സ്: സൊ​ല​സ് എ​ന്ന സ​ന്ന​ദ്ധ സം​ഘ​ട​ന​യു​ടെ മു​ഖ്യ കാ​ര്യ​ദ​ർ​ശി​യും 2017ലെ ​കേ​ര​ള സം​സ്ഥാ​ന സ​ർ​ക്കാ​രി​ന്‍റെ വ​നി​താ​ര​ത്നം അ​വാ​ർ​ഡ് ജേ​താ​വു​മാ​യ ഷീ​ബ അ​മീ​റി​ന് അ​മേ​രി​ക്ക​യി​ലെ വി​വി​ധ പ​ട്ട​ണ​ങ്ങ​ളി​ൽ വ​ൻ വ​ര​വേ​ൽ​പ്പു ന​ൽ​കി.

അ​ർ​ബു​ദം പോ​ലു​ള്ള അ​തി​ഭ​യ​ങ്ക​ര രോ​ഗ​ത്താ​ൽ ചി​കി​ൽ​സി​ക്കാ​ൻ ഭാ​ര​പ്പെ​ടു​ന്ന കു​ഞ്ഞു​ങ്ങ​ൾ​ക്കും അ​വ​രു​ടെ കു​ടും​ബ​ങ്ങ​ൾ​ക്കും ഒ​രു അ​ത്താ​ണി ആ​കു​ക എ​ന്ന ല​ക്ഷ​ത്തോ​ടെ 2007ൽ ​തൃ​ശൂ​ർ കേ​ന്ദ്ര​മാ​ക്കി സാ​ന്ത്വ​നം എ​ന്ന​ർ​ത്ഥം വ​രു​ന്ന സൊ​ല​സ് എ​ന്ന സം​ഘ​ട​ന രൂ​പം​കൊ​ണ്ടു. കു​റ​ഞ്ഞ​ത് 15 പേ​രെ എ​ങ്കി​ലും സ​ഹാ​യി​ക്കാം എ​ന്ന ആ​ശ​യ​ത്തോ​ടെ ആ​രം​ഭി​ച്ച പ്ര​സ്ഥാ​നം ഇ​ന്ന് 1600 കു​ട്ടി​ക​ളു​ടെ സാ​ന്ത്വ​ന​മാ​യി വ​ള​ർ​ന്നു.

ഖ​ത്ത​റി​ൽ ഭ​ർ​ത്താ​വ് അ​മീ​റും മ​ക​ൻ നി​ഖി​ലും മ​ക​ൾ നീ​ലോ​ഫ​റും ഒ​ന്നി​ച്ച് സാ​മാ​ന്യം ഭേ​ദ​പ്പെ​ട്ട നി​ല​യി​ൽ ക​ഴി​യു​ക​യാ​യി​രു​ന്നു ഷീ​ബ അ​മീ​ർ. തി​ക​ച്ചും അ​പ്ര​തീ​ക്ഷി​ത​മാ​യി മ​ക​ൾ നീ​ലു​വി​നു ലു​ക്കി​മി​യ ആ​ണെ​ന്ന് അ​റി​ഞ്ഞ​പ്പോ​ൾ അ​വ​ർ ആ​കെ ത​ക​ർ​ന്നു പോ​യി. മും​ബൈ ടാ​റ്റാ മെ​മ്മോ​റി​യ​ൽ ഹോ​സ്പി​റ്റ​ലി​ൽ മൂ​ന്നു വ​ർ​ഷ​ത്തോ​ളം മ​ക​ളു​ടെ ചി​കി​ത്സ​യു​മാ​യി ക​ഴി​ഞ്ഞു. ഇ​തി​നി​ട​യി​ൽ മ​ക​ന്‍റെ മ​ജ്ജ മ​ക​ളി​ലേ​ക്ക് പ​റി​ച്ചു വെ​യ്ക്ക​പ്പെ​ട്ടു. അ​ർ​ബു​ദ​ത്തെ അ​തി​ജീ​വി​ച്ച നി​ലോ​ഫ​ർ 28 മ​ത്തെ വ​യ​സി​ൽ ഷീ​ബ​യെ വി​ട്ടു പോ​യി.

15 വ​ർ​ഷ​ക്കാ​ല​ത്തെ മ​ക​ളു​ടെ ചി​കി​ത്സ​യു​മാ​യി ബ​ന്ധ​പ്പെ​ട്ട അ​നു​ഭ​വ​ങ്ങ​ൾ, ആ​ശു​പ​ത്രി​യി​ൽ തൊ​ട്ട​ടു​ത്ത ബെ​ഡു​ക​ളി​ലെ കു​ഞ്ഞു​ങ്ങ​ൾ രോ​ഗ പീ​ഡ​യാ​ൽ പു​ള​യു​ന്ന​തും, കൈ​യി​ൽ കാ​ശി​ല്ലാ​ത്ത​തി​നാ​ൽ മാ​ത്രം കൂ​ട്ടി​രു​പ്പു​കാ​ർ ഭ​ക്ഷ​ണ​മി​ല്ലാ​തെ നെ​ടു​വീ​ർ​പ്പി​ടു​ന്ന​തും, കാ​ൻ​സ​ർ ബാ​ധി​ച്ച കു​ട്ടി​യെ വാ​ർ​ഡി​ൽ ത​നി​ച്ചാ​ക്കി വൈ​കു​ന്നേ​ര​ത്തെ അ​ന്ന​ത്തി​ന് പ​ണി തേ​ടി​പ്പോ​കു​ന്ന മാ​താ​പി​താ​ക്ക​ൾ ഇ​വ ഷീ​ബ​യു​ടെ മ​ന​സി​നെ വ​ല്ലാ​തെ നൊ​ന്പ​ര​പ്പെ​ടു​ത്തി​യെ​ങ്കി​ലും പ​ത​റി​യി​ല്ല.

തൃ​ശൂ​ർ പെ​യി​ൻ ആ​ന്‍റ് പാ​ലി​യേ​റ്റി​വ് കെ​യ​റി​ലെ​ത്തി സാ​ന്ത്വ​ന​പ​രി​ച​ര​ണ​ത്തി​ന്‍റെ ബാ​ല​പാ​ഠ​ങ്ങ​ൾ ഹൃ​ദ്യ​സ്ഥ​മാ​ക്കി. കാ​ൻ​സ​ർ, ഓ​ട്ടി​സം, സെ​റി​ബ്ര​ൽ പാ​ൾ​സി, വൃ​ക്ക​രോ​ഗ​ങ്ങ​ൾ തു​ട​ങ്ങി ജീ​വി​തം പ​രി​മി​ത​പെ​ടു​ത്തു​ന്ന രോ​ഗ​ങ്ങ​ൾ ബാ​ധി​ച്ച​വ​രു​ടെ സാ​ന്ത്വ​ന​ത്തി​നു എ​ന്തൊ​ക്കെ ചെ​യ്യാ​നാ​കു​മെ​ന്ന് പ​ഠി​ച്ചു.

പ്ര​തി​ഫ​ലേ​ച്ഛ​യി​ല്ലാ​ത്ത ക​ർ​മ്മോ​ൽ​സു​കാ​രാ​യ വോ​ള​ന്‍റി​യ​ർ​മാ​രാ​ണ് ഇ​ന്നു ഷീ​ബ അ​മീ​റി​നോ​ടൊ​പ്പം സൊ​ല​സി​ന്‍റെ പ്ര​വ​ർ​ത്ത​ന​ങ്ങ​ൾ​ക്ക് ചു​ക്കാ​ൻ പി​ടി​ക്കു​ന്ന​ത്. ജീ​വി​തം പ​രി​മി​ത​പ്പെ​ടു​ത്തു​ന്ന രോ​ഗ​ങ്ങ​ളാ​ൽ അ​വ​ശ​ത​യ​നു​ഭ​വി​ക്കു​ന്ന കു​ട്ടി​ക​ൾ​ക്ക് സാ​മൂ​ഹി​ക​വും സാ​ന്പ​ത്തി​ക​വും ധാ​ർ​മി​ക​വു​മാ​യ പി​ന്തു​ണ ന​ൽ​കു​ക​യാ​ണ് സം​ഘ​ട​ന​യു​ടെ ദൗ​ത്യം.

അ​മേ​രി​ക്ക​യി​ൽ ഡാ​ള​സ്, സാ​ൻ​ഫ്രാ​ൻ​സി​സ്കോ, ന്യൂ​യോ​ർ​ക്ക്, വാ​ഷിം​ഗ്ട​ണ്‍ ഡി​സി, താ​ന്പാ, ബോ​സ്റ്റ​ണ്‍, ന്യൂ​ജേ​ഴ്സി, മെം​ഫി​സ്, ക​ലി​ഫോ​ർ​ണി​യ തു​ട​ങ്ങി​യ സ്ഥ​ല​ങ്ങ​ളി​ൽ സം​ഘ​ട​ന​യു​ടെ ചാ​പ്റ്റ​റു​ക​ൾ ആ​രം​ഭി​ക്കു​വാ​ൻ സാ​ധി​ച്ച​ത് സൊ​ല​സി​ന്‍റെ പ്ര​വ​ർ​ത്ത​ന​ങ്ങ​ളെ വി​ദേ​ശ മ​ല​യാ​ളി​ക​ൾ ര​ണ്ടു​കൈ​യും നീ​ട്ടി സ്വീ​ക​രി​ച്ചു എ​ന്ന​തി​ന് വ​ലി​യ തെ​ളി​വാ​ണ്.

മ​ദ​ർ തെ​രേ​സ അ​വാ​ർ​ഡ്, സോ​ഷ്യ​ൽ ആ​ക്ടി​വി​സ്റ്റി​നു​ള്ള ഫെ​ഡ​റ​ൽ ബാ​ങ്ക് അ​വാ​ർ​ഡ്, സി​എ​ൻ​എ​ൻ ഐ​ബി​എ​ൻ റി​യ​ൽ ഹീ​റോ അ​വാ​ർ​ഡ് തു​ട​ങ്ങി അ​നേ​ക അ​വാ​ർ​ഡു​ക​ൾ ഷീ​ബ അ​മീ​റി​നെ തേ​ടി എ​ത്തി​യ​ത് സം​ഘ​ട​ന​യു​ടെ പ്ര​വ​ർ​ത്ത​ന​ങ്ങ​ൾ​ക്കു​ള്ള അം​ഗീ​കാ​ര​മാ​ണ്.

മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​ൻ പി.​പി ചെ​റി​യാ​ൻ, ഷാ​ജി രാ​മ​പു​രം എ​ന്നി​വ​ർ മാ​ധ്യ​മ​ങ്ങ​ൾ​ക്കു വേ​ണ്ടി ന​ട​ത്തി​യ അ​ഭി​മു​ഖ​ത്തി​ൽ ഷീ​ബ അ​മീ​ർ ദൃ​ഢ​നി​ശ്ഛ​യ​ത്തോ​ടെ പ​റ​യു​ക​യാ​ണ് ആ​ഗ്ര​ഹ​ങ്ങ​ൾ​ക്ക് ചി​റ​കു​ക​ൾ ഉ​ണ്ടാ​ക​ണ​മെ​ങ്കി​ലും വി​ല​ക്ക് വേ​ണം. സ്വ​പ്ന​ങ്ങ​ൾ​ക്ക് പോ​ലും പ​രി​ധി വ​യ്ക്ക​ണം. വേ​ദ​നി​ക്കു​ന്ന കു​ഞ്ഞു​ങ്ങ​ളു​ടെ രോ​ദ​ന​ങ്ങ​ൾ നി​ല​ക്കും വ​രെ ഞാ​ൻ കാ​വ​ലാ​ളാ​കും. ിൃശ2018ിീ്ല16​വെ​ല​ല​യ​മ​ബ​മാ​ല​ലൃ.​ഷു​ഴ

കൂ​ടു​ത​ൽ വി​വ​ര​ങ്ങ​ൾ​ക്ക് :www.solacecharities.org

റി​പ്പോ​ർ​ട്ട്: ഷാ​ജി രാ​മ​പു​രം
Copyright @ 2022 , Rashtra Deepika Ltd.