ന്യൂഡൽഹി: ഡൽഹി മെട്രോയിൽ പിതംപുര സ്റ്റേഷനില്‍ 53 വയസുകാരി ഓടിക്കൊണ്ടിരുന്ന ട്രെയിനിന്‍റെ മുന്നിൽ ചാടി. അപകടത്തിൽ ഇവരുടെ വലതുകൈ അറ്റുപോയി.
ഗുരുതരമായി പരിക്കേറ്റ മധ്യവയസ്‌കയെ ആശുപത്രിയില്‍ പ്രവേശിപ്പിച്ചു. അപകടത്തെത്തുടർന്ന് ഡൽഹി മെട്രോയുടെ റെഡ് ലൈനിലൂടെയുള്ള ഗതാഗതം ഏറെനേരം തടസപ്പെട്ടു.
ഡല്‍ഹിയിലെ റിതാലയില്‍നിന്ന് ഉത്തര്‍പ്രദേശിലെ ഗാസിയാബാദ് വരെ നീളുന്ന ലൈനാണ് റെഡ് ലൈന്‍. സംഭവത്തില്‍ പോലീസ് അന്വേഷണം ആരംഭിച്ചു.