ജ​ര്‍​മ​നി​യു​ടെ അ​തി​ര്‍​ത്തി നി​യ​ന്ത്ര​ണ​ങ്ങ​ള്‍ പ്രാ​ബ​ല്യ​ത്തി​ലാ​യി; 30,000 അ​ധി​കം പൗരന്മാരെ തിരിച്ചയച്ചു
Thursday, September 19, 2024 2:47 AM IST
ജോ​സ് കു​മ്പി​ളു​വേ​ലി​ല്‍
ബെ​ര്‍​ലി​ന്‍:​ ജ​ര്‍​മ​നി​യു​ടെ വി​പു​ലീ​ക​രി​ച്ച അ​തി​ര്‍​ത്തി നി​യ​ന്ത്ര​ണ​ങ്ങ​ള്‍ നി​ല​വി​ല്‍ വ​ന്നു. ക്ര​മ​ര​ഹി​ത​മാ​യ കു​ടി​യേ​റ്റ​ത്തെ​യും അ​തി​ര്‍​ത്തി ക​ട​ന്നു​ള്ള കു​റ്റ​കൃ​ത്യ​ങ്ങ​ളെ​യും ചെ​റു​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി ജ​ര്‍​മ​നി പ​ടി​ഞ്ഞാ​റ​ന്‍, വ​ട​ക്ക​ന്‍ അ​തി​ര്‍​ത്തി​ക​ളി​ല്‍ താത്കാ​ലി​ക​മാ​യി നി​യ​ന്ത്ര​ണം പു​ന​രാ​രം​ഭി​ച്ചു.

ബെ​ല്‍​ജി​യം, ഡെ​ന്‍​മാ​ര്‍​ക്ക്, ഫ്രാ​ന്‍​സ്, ല​ക്സം​ബ​ര്‍​ഗ്, നെ​ത​ര്‍​ലാ​ന്‍​ഡ്സ് എ​ന്നീ രാ​ജ്യ​ങ്ങ​ളു​ടെ അ​തി​ര്‍​ത്തി​ക​ളി​ലാ​ണ് ജ​ര്‍​മ​നി പ​രി​ശോ​ധ​ന ആരംഭിച്ചു. പ​രി​ശോ​ധ​നാ തുടർനടപടികൾ അ​ടു​ത്ത ആ​റ് മാ​സ​ത്തേ​ക്ക് നി​ല​നി​ല്‍​ക്കുമെന്നും ഇ​ത് തുടരാനും സാ​ധ്യ​ത​യു​ണ്ടെന്ന് അറിയുന്നു.

ജ​ര്‍​മ​നി​യു​ടെ കി​ഴ​ക്ക​ന്‍, തെ​ക്ക് അ​തി​ര്‍​ത്തി​ക​ളി​ല്‍ അ​തി​ര്‍​ത്തി നി​യ​ന്ത്ര​ണ​ങ്ങ​ള്‍ ഇ​തി​ന​കം നി​ല​വി​ലു​ണ്ടാ​യി​രു​ന്നു. പ​രി​ശോ​ധ​ന​ക​ള്‍ പു​തി​യ പ്ര​ശ്ന​ങ്ങ​ള്‍ സൃ​ഷ്ടി​ക്കു​ന്ന​താ​യി ഇ​ട​തു​പാ​ര്‍​ട്ടി പ​റ​യു​ന്നു​വെ​ങ്കി​ലും ഇ​ത​ല്ലാ​തെ ജ​ര്‍​മ​നി​യ്ക്ക് മ​റ്റൊ​രു വ​ഴി​യു​മി​ല്ല.

ജ​ര്‍​മനി​യി​ലെ സോ​ഷ്യ​ലി​സ്റ്റ് ലെ​ഫ്റ്റ് പാ​ര്‍​ട്ടി​യു​ടെ നേ​താ​വ് വി​പു​ലീ​ക​രി​ച്ച അ​തി​ര്‍​ത്തി നി​യ​ന്ത്ര​ണ​ങ്ങ​ള്‍​ക്കും മൈ​ഗ്രേ​ഷ​ന്‍ ന​യ​ത്തി​നും ഫെ​ഡ​റ​ല്‍ ഗ​വ​ണ്‍​മെ​ന്‍റി​നെ നി​ശി​ത​മാ​യി വി​മ​ര്‍​ശി​ച്ചു.​

അ​തി​ര്‍​ത്തി നി​യ​ന്ത്ര​ണ​ങ്ങ​ള്‍ ഒ​രു പ്ര​ശ്ന​വും പ​രി​ഹ​രി​ക്കി​ല്ല, അ​വ പു​തി​യ​വ സൃ​ഷ്ടി​ക്കു​ക മാ​ത്ര​മാ​ണ്, എ​ന്നാ​ണ് വി​മ​ര്‍​ശ​നം. ഈ ​ന​ട​പ​ടി​ക​ള്‍ ന്ധ​ഭീ​മ​മാ​യ ട്രാ​ഫി​ക് ജാ​മു​ക​ളി​ലേ​ക്ക്ന്ധ ന​യി​ക്കു​മെ​ന്ന് പ​റ​ഞ്ഞു, നി​യ​ന്ത്ര​ണ​ങ്ങ​ള്‍ പ്രാ​ഥ​മി​ക​മാ​യി ജ​ര്‍​മ്മ​നി​യാ​യി ക​ണ​ക്കാ​ക്കാ​ത്ത ആ​ളു​ക​ളെ ബാ​ധി​ക്കു​മെ​ന്ന് മു​ന്‍​കൂ​ട്ടി കാ​ണാ​മെ​ന്നും പ​റ​ഞ്ഞു.


ഞാ​യ​റാ​ഴ്ച ബ്രാ​ന്‍​ഡ​ന്‍​ബു​ര്‍​ഗ് സം​സ്ഥാ​ന തെര​ഞ്ഞെ​ടു​പ്പി​ന് മു​ന്നോ​ടി​യാ​യി കു​ടി​യേ​റ്റം സം​ബ​ന്ധി​ച്ച് തീ​വ്ര വ​ല​തു​പ​ക്ഷ ബ​ദ​ല്‍ ജ​ര്‍​മ​നി​യു​ടെ (എഎഫ്ഡി) ന​യ​ങ്ങ​ളാ​ണ് ചാ​ന്‍​സ​ല​ര്‍ ഒ​ലാ​ഫ് ഷോ​ള്‍​സിന്‍റെ സ​ര്‍​ക്കാ​ര്‍ പി​ന്തു​ട​രു​ന്ന​തെ​ന്ന് ആ​ക്ഷേ​പ​വും ഉ​യ​ര്‍​ന്നു.

അ​തേ​സ​മ​യം ജ​ര്‍മന്‍ അ​തി​ര്‍​ത്തി​ക​ളി​ലെ വി​പു​ലീ​ക​രി​ച്ച നി​യ​ന്ത്ര​ണ​ങ്ങ​ളി​ല്‍ പോ​ലീ​സ് വം​ശീ​യ പ്രൊ​ഫൈ​ലിം​ഗ് അ​വ​ലം​ബി​ക്കു​ക​യാ​ണെ​ന്ന ആ​ശ​യം ജ​ര്‍​മനി​യു​ടെ ആ​ഭ്യ​ന്ത​ര മ​ന്ത്രാ​ല​യം നി​ര​സി​ച്ചു.

ജ​ര്‍​മ​നി​യു​ടെ പ​ടി​ഞ്ഞാ​റ​ന്‍ അ​തി​ര്‍​ത്തി​യി​ല്‍ 1,400 കി​ലോ​മീ​റ്റ​ര്‍ ഉ​ണ്ട്, കൂ​ടാ​തെ 2,400 കി​ലോ​മീ​റ്റ​ര്‍ കി​ഴ​ക്കും തെ​ക്കും അ​തി​ര്‍​ത്തി​ക​ളി​ല്‍ ഇ​തി​ന​കം പ​രി​ശോ​ധ​ന​ക​ള്‍ ന​ട​ന്നു​വ​രി​ക​യാ​ണ്.​ആ​ദ്യ​ദി​വ​സം ത​ന്നെ അ​ഭ​യാ​ര്‍​ഥി​ക​ളെ​ന്നു സം​ശ​യി​ക്കു​ന്ന ഏ​താ​ണ്ട് 30,000 അ​ധി​കം ആ​ളു​ക​ളെ തി​രി​ച്ച​യ​ച്ച​താ​യി പോ​ലീ​സ് പ​റ​ഞ്ഞു.

ഇ​തി​ല്‍ അ​ധി​കം​പേ​രും സി​റി​യ, അ​ഫ്ഗാ​ന്‍, ഇ​റാ​ന്‍ പൗ​ര​ന്മാ​രാ​ണ്.​ ഇ​വ​രൊ​ക്കെ യൂ​റോ​പ്യ​ന്‍ യൂ​ണി​യ​ന്‍ അ​ഭ​യാ​ര്‍​ഥി പാ​സ് നേ​ടി​യ​വ​രു​മാ​ണ്.