കോട്ടയം: മലയാളി യുവതി ന്യൂസിലൻഡിൽ ഹൃദയാഘാതത്തെ തുടർന്ന് അന്തരിച്ചു. കുമരകം ചെന്നാത്ത് ടിജിന്റെ ഭാര്യ ജെസ്ലീന ജോർജ് (അന്ന) ആണ് മരിച്ചത്.
ഇടുക്കി തേപ്രാംകുടി മേലേ ചിന്നാർ പരിന്തിരിക്കൽ കുടുംബാംഗമാണ്. രണ്ടു വർഷമായി നോർത്ത് ഐലൻഡിലെ ഹാമിൽട്ടണിലായിരുന്നു താമസം. എംഎസ്ഡബ്ല്യു ബിരുദധാരിയാണ്.
ജെസ്ലീനയുടെ സഹോദരന്മാരും ന്യൂസിലൻഡിലാണ് താമസിക്കുന്നത്. നടപടികൾ പൂർത്തിയാക്കി മൃതദേഹം നാട്ടിൽ കൊണ്ടുവരും.