ലണ്ടന്: മാഞ്ചസ്റ്ററില് മലയാളി വിദ്യാര്ഥിയെ മരിച്ച നിലയില് കണ്ടെത്തി. തൃശൂര് മാള സ്വദേശി ഹരികൃഷ്ണന് (23) ആണ് താമസ സ്ഥലത്തെ കിടപ്പുമുറിയില് മരിച്ച നിലയില് കണ്ടെത്തിയത്.
മാഞ്ചസ്റ്റര് യൂണിവേഴ്സിറ്റിയില് എംഎസ്സി സ്ട്രക്ചറല് എന്ജിനീയറിംഗ് വിദ്യാര്ഥിയായിരുന്നു. ഏതാനും മാസങ്ങള്ക്ക് മുമ്പാണ് യുകെയില് എത്തിയത്. മലയാളിയുടെ ഉടമസ്ഥതയിലുള്ള വാടക വീട്ടില് സുഹൃത്തുക്കള്ക്ക് ഒപ്പമാണ് താമസിച്ചിരുന്നത്.