ഡബ്ലിൻ: സ്ലൈഗോ സെന്റ് തോമസ് സീറോ മലബാർ കാത്തലിക് ചർച്ചിന്റെ പുതിയ പാരീഷ് കമ്മറ്റി 2023 ജനുവരി എട്ടിന് ഞായറാഴ്ച സ്ലൈഗോ സെന്റ് ജോസഫ് ചർച്ചിൽ വി. കുർബാന മധ്യേ ചാപ്ലിൻ ഫാ. ജോസ് ഭരണികുളങ്ങര മുന്പാകെ പ്രത്യേക പ്രാർഥനയോടെ ചാർജ് എടുത്തു. കുർബാനക്ക് ശേഷം ട്രഷറർ റോയ് തോമസ് കണക്കുകൾ അവതരിപിച്ചു. സെക്രട്ടറി അലൻ കൊടിയൻ പ്രവത്തനറിപ്പോർട്ട് അവതരിപിച്ചു. സ്ഥാനമൊഴിയുന്ന റോയ് തോമസിനും അലൻ കൊടിയനും പൊതുയോഗത്തിൽ നന്ദി പറഞ്ഞു. പുതിയ ഭരണസമിതിക്ക് രണ്ട് വർഷമാണ് കലാവധി.
2023 2024 വർഷത്തേക്കുള്ള പാരിഷ് കൗണ്സിൽ അംഗങ്ങളായി തോമസ് മാത്യു, സന്തോഷ് ജോസഫ്(കൈക്കാരന്മാർ), ബിജോയ് അബ്രഹാം(സെക്രട്ടറി), അലൻ കൊടിയൻ(പിആർഒ), ജെയ്സമ്മ റോയ്(ലിറ്റർജി കോർഡിനേറ്റർ), ദീപ ജെയിംസ് (ചൈൽഡ് സേഫ് ഗാർഡ് ഓഫീസർ), സിജി മത്തായി(കാറ്റിക്കിസം ഹെഡ്മിസ്ട്രസ്), ജോസിന തോമസ്(കാറ്റിക്കിസം ഹെഡ്മിസ്ട്രസ്), മെറിൻ റോയ് (എസ്.എം.വൈ.എം റപ്പ്), ടെറൻസ് ജോസ്, ഷാജു കുരിശ്ശേരി, തോമസ് ജോണ്, സുബിൻ ജോസ്, അനു ജോസഫ്, സിഞ്ജു മാത്യു, ജോസ് പോൾ, ആഷാ ജോസ്, ഡസ്ന ബിജോയ്, സിമി ജോയ് (പാരിഷ് കൗണ്സിൽ മെന്പർമാർ) എന്നിവരെ തെരഞ്ഞെടുത്തു.
2006 ൽ പത്ത് കുടുംബങ്ങളുമായി തുടങ്ങിയ സ്ലൈഗോ ഇടവകയിൽ നിലവിൽ എണ്പതിലധികം കുടുംബങ്ങളാണുള്ളത്. എല്ലാ മാസവും രണ്ടാം ഞയറാഴ്ച സ്ലൈഗോയിലെ സെന്റ് ജോസഫ് ചർച്ചിൽ ഉച്ചകഴിഞ്ഞ് രണ്ടിനു കാറ്റിക്കിസം ക്ലാസുകളും തുടർന്ന് 3.30ന് വിശുദ്ധ കുർബാനയും നടന്നു വരുന്നു. കുടുംബകൂട്ടായ്മകൾ രൂപീകരിച്ച് പ്രാർഥനകൾ നടക്കുന്നു. എസ്.എംവൈഎം യൂണിറ്റും, മാതൃവേദി, പിതൃവേദി ഭക്തസംഘടനകളും പ്രവർത്തിക്കുന്നുണ്ട്. സീറോ മലബാർ സഭാ യൂറോപ്യൻ അപ്പസ്തോലിക് വിസിറ്റേഷന്റെ കീഴിൽ അയർലൻഡ് സീറോ മലബാർ കോർഡിനേഷന്റെ നിർദ്ദേശങ്ങളനുസരിച്ച് സ്ലൈഗോ സീറോ മലബാർ കമ്യൂണിറ്റി ദൈവനാമത്തിൽ സ്നേഹക്കൂട്ടായ്മയായി മുന്നോട്ട് പോകുന്നു. എൽ ഫിൻ രൂപത ബിഷപ്പ് കെവിൽ ഡോറനും, സെന്റ് ജോസഫ് ചർച്ച് വികാരി ഫാ. നോയൽ റൂണിക്കും ഇടവകാഗങ്ങൾക്കും സീറോ മലബാർ കമ്യൂണിറ്റിയുടെ നന്ദി അറിയിക്കുന്നു.