യുവജന സാഗരമായി ജെസോളാ ; മനം നിറച്ച് "എഫാത്താ 2022'
Tuesday, May 3, 2022 2:38 PM IST
റെജി നെല്ലിീക്കുന്നത്ത്
ന്യൂഡൽഹി: യുവജനങ്ങളുടെ ആവേശവും പ്രതീക്ഷയുമായ പതിനഞ്ചാമത് എഫാത്ത യുവജന സംഗമം വ്യത്യസ്തമായ നിറച്ചാർത്തകളോടെ ജെസോള ഫാത്തിമ മാതാ ഫൊറോന ദേവാലയത്തിൽ നടന്നു.

ഫരീദാബാദ് രൂപത ആർച്ച്ബിഷപ് മാർ കുര്യാക്കോസ് ഭരണികുളങ്ങര തിരിതെളിച്ച് ഉദ്ഘാടനം ചെയ്ത ഈ യുവജന സംഗമത്തിൽ, യുവജനങ്ങളുടെ ഹരമായ, നവ മാധ്യമ ലോകത്തെ പുത്തൻ പ്രതീക്ഷയായ റേഡിയോ ജോക്കി ജോസഫ് അന്നംകുട്ടി ജോസിന്‍റെ സാന്നിധ്യം യുവജനങ്ങൾക്ക് പുത്തൻ ഉണർവും പ്രതീക്ഷയുമായി.

രാവിലെ ഒന്പതിനു വിവിധ ഇടവകകളിൽ നിന്നു വന്ന അറനൂറോളം യുവജനങ്ങളെ പങ്കെടുപ്പിച്ചുകൊണ്ട് നടത്തിയ ഈ യുവജന സംഗമത്തിന് ഡൽഹി സീറോ മലബാർ യൂത്ത് മൂവ്മെന്‍റ് (DSYM) ജെസോളാ നേതൃത്വം നൽകി. വിശുദ്ധ കുർബാന, ആരാധന, മൂല്യബോധം വളർത്തുന്ന ക്ലാസുകൾ, വിവിധ കലാപരിപാടികൾ എന്നിവ യുവജനങ്ങൾക്ക് വ്യത്യസ്ത അനുഭവമാക്കി.
Copyright @ 2022 , Rashtra Deepika Ltd.