"സാന്ധ്യരാഗം' ഒക്ടോബർ 30 ന്
Friday, October 22, 2021 5:54 PM IST
ബ്രിസ്റ്റോൾ: ഇംഗ്ലണ്ടിലെ ബ്രിസ്റ്റോൾ കേന്ദ്രമാക്കി പ്രവർത്തിക്കുന്ന പ്രമുഖ കലാ സാംസ്കാരിക സംഘടനയായ കോസ്മോപോളിറ്റൻ ക്ലബിന്‍റെ ആഭിമുഖ്യത്തിൽ ഒഎൻവി കുറുപ്പ് ‌അനുസ്മരണവും ഒഎൻവിയുടെ ഗാനങ്ങൾ കോർത്തിണക്കിക്കൊണ്ട് "സാന്ധ്യരാഗം" എന്ന സംഗീത സന്ധ്യയും ഒക്ടോബർ 30 നു വൈകുന്നേരം നാലിന് കോസ്മോപോളിറ്റൻ ക്ലബ് ഹാളിൽ നടക്കും .

കോവിഡ് പ്രോട്ടോകോൾ പാലിച്ചു നടക്കുന്ന പരിപാടിയായതിനാൽ ക്ലബ് അംഗങ്ങൾക്കു മാത്രമാകും പ്രവേശനം .പ്രസിഡന്‍റ് ജോസ് മാത്യുവിന്‍റെ അധ്യക്ഷതയിൽ നടക്കുന്ന സമ്മേളനത്തിൽ സെക്രട്ടറി ബിജുമോൻ ജോസഫ് സ്വാഗതപ്രസംഗവും ഷാജി കൂരാപ്പിള്ളിൽ ഒ എൻവി കുറുപ്പ് അനുസ്മരണവും നടത്തും. ക്ലബ് ട്രഷറർ ടോം ജോർജ് നന്ദിയും പറയും. തുടർന്നു പ്രമുഖഗായകർ ഒഎൻവി രചിച്ച ഗാനങ്ങൾ ആലപിക്കും .

ഗായകരായ പ്രമോദ് പിള്ള , അജിത്കുമാർ ,ജിനു പണിക്കർ , മേഘ്‌ന മനു , സജിമാത്യു , മനു വാസുപണിക്കർ , ജിസ് ജോയ് , നിഷാമനു ,ഡോണി ചാക്കോ ,ബിൻസി മരിയ ഫ്രാൻസിസ് എന്നിവർ ഗാനങ്ങൾ ആലപിക്കും .

സ്റ്റേറ്റ് ബാങ്ക് ഓഫ് ഇന്ത്യ (യുകെ), അലൈഡ് മോർഗേജ് സർവീസസ്, സി ആൻഡ് എസ് കാർഹൊസ് ലിമിറ്റഡ് എന്നിവരാണ് പരിപാടിയുടെ സ്പോൺസർമാർ

[email protected]
Copyright @ 2022 , Rashtra Deepika Ltd.