ലണ്ടൻ: കവിത്വത്തിന്‍റെ മാസ്മരിക ശക്തിയാൽ ആസ്വാദകമനസുകളിൽ ഗാന ചക്രവർത്തിയായി അവരോധിക്കപ്പെട്ട അതുല്യ വ്യക്തിത്വത്തിന്‍റെ, കരവിരുതിന്‍റെ ശിൽപഭംഗിയും ഹൃദയ ഭാവങ്ങളുടെ സ്വച്ഛന്ദതയും മാധുര്യവും ചൈതന്യമാക്കിയ ഗാനങ്ങളുടെ ശിൽപിയുമായ മണ്‍മറഞ്ഞ കവിയും ഗാനരചയിതാവുമായ ഗിരീഷ് പുത്തഞ്ചേരിയുടെ സുവർണ സ്മരണകൾ അയവിറക്കാൻ യുകെയിലെ കലാ സാംസ്കാരിക രംഗത്തെ പ്രമുഖ വ്യക്തികളെ പങ്കെടുപ്പിക്കൊണ്ട് സംഘടിപ്പിക്കുന്ന ഗിരിഷ് പുത്തഞ്ചേരി നൈറ്റ് നീലാംബരി ഒക്ടോബർ 16 ന് ശനിയാഴ്ച യുകെയിലെ പൂളിൽ അരങ്ങേറും. (St. Edwards School Hall, P00LE, BH15 3HY _ ?) .
മലയാള സിനിമാ സംഘടനയുടെ എക്സിക്യൂട്ടീവ് മെന്പറും നടനും നിർമാതാവുമായ ഉണ്ണി ശിവപാൽ, തട്ടീം മുട്ടീം സീരിയൽ ഫെയിം ഭാഗ്യലക്ഷ്മി എന്ന മീനാക്ഷി തുടങ്ങിയവരോടൊപ്പം യുകെയിലെ കലാസാംസ്കാരിക രംഗത്തെ പ്രമുഖരും പങ്കുചേരും. മോഹിനിയാട്ടം, ഭരതനാട്യം, കുച്ചിപ്പുടി, നാടോടി നൃത്തം, സിനിമാറ്റിക് ഡാൻസ്, തുടങ്ങിയവ ഉൾപ്പെടുത്തിയ പരിപാടിയിലേയ്ക്കുള്ള പ്രവേശനം സൗജന്യമായിരിയ്ക്കും.
വിവരങ്ങൾക്ക് : മനോജ് മാത്രാടൻ +447474803080, ജെയ്സൻ ബത്തേരി, +447872938694, സത്യനാരായണൻ കിഴക്കിനിയിൽ +447958106310, മഹേഷ് അലക്സ് +447846960618, ബോബി അഗസ്ററിൻ +447412478781 എന്നിവരുമായി ബന്ധപ്പെടുക.
ജോസ് കുന്പിളുവേലിൽ