ലണ്ടൻ: സമീക്ഷ ദേശീയ സമ്മേളനത്തിന്‍റെ മുന്നോടിയായി സമീക്ഷ പൂൾ ബ്രാഞ്ചിന്‍റെ പ്രധിനിധി സമ്മേളനം ഓഗസ്റ്റ് 15ന് നടത്തപ്പെട്ടു. മുൻ ഭരണ സമിതി പ്രസിഡന്‍റ് സഖാവ് പോളി മാഞ്ഞൂരാൻ അധ്യക്ഷത വഹിച്ച സമ്മേളനത്തിൽ സമീക്ഷ നാഷണൽ പ്രസിഡന്‍റ് സഖാവ് സ്വപ്ന പ്രവീണ്‍, നാഷണൽ കമ്മിറ്റി അംഗം സഖാവ് പ്രവീണ്‍ രാമചന്ദ്രൻ എന്നിവർ നേരിട്ടും, നാഷണൽ സെക്രട്ടറി സഖാവ് ദിനേശ് വെള്ളാപ്പള്ളി ഓണ്‍ലൈൻ ആയും പങ്കെടുത്തു.
സ്ഥാനം ഒഴിയുന്ന ഭരണ സമിതിക്കുവേണ്ടി സെക്രട്ടറി സഖാവ് നോബിൾ തെക്കേമുറി റിപ്പോർട്ട് അവതരിപ്പിച്ചു. പൂൾ ബ്രാഞ്ചിനെ പ്രധിനിധികരിച്ചു സഖാക്കൾ നോബിൾ തെക്കേമുറി , പോളി മാഞ്ഞൂരാൻ, റെജി കുഞ്ഞാപ്പി , എൽദോ, മനു പോൾ, ജോസ്, റെന്നി, സ്നേഹ, സനൽ, ബേസിൽ എന്നിവ അടുത്ത രണ്ട് വർഷത്തെക്കുള്ള പുതിയ ഭരണ സമിതിയെയുംഏകകണ്ഠേന തെരഞ്ഞെടുത്തു.
ഭാരവാഹികളായി സനൽഏബ്രഹാം (പ്രസിഡന്‍റ്), റെജി കുഞ്ഞപ്പി (സെക്രട്ടറി), ജോസ് (ട്രഷറർ), മനു പോൾ (വൈസ് പ്രസിഡന്‍റ്), പോളി മാഞ്ഞൂരാൻ (ജോയിൻ സെക്രട്ടറി) എന്നിവരെ തെരഞ്ഞെടുത്തു. പുതിയ ഭരണ സമിതിയിലേക്ക് എക്സിക്യൂട്ടീവ് അംഗങ്ങളെ പിന്നീട് തീരുമാനിക്കുമെന്ന് യോഗത്തിന്റെ തീരുമാനം. സമീക്ഷ യുകെയുടെ മുന്പോട്ടുള്ള പ്രവർത്തനങ്ങൾക്കും വരാൻ പോകുന്ന ദേശീയ സമ്മേളനത്തിനും യോഗം പൂർണ പിന്തുണ അറിയിച്ചു.
റിപ്പോർട്ട്: ഉണ്ണികൃഷ്ണൻ ബാലൻ