ന്യൂഡൽഹി: ഡൽഹി മലയാളി അസോസിയേഷന്റെ സ്വാതന്ത്ര്യ ദിനാഘോഷം ആർകെ പുരത്തെ ഡിഎംഎ സാംസ്കാരിക സമുച്ചയാങ്കണത്തിൽ പ്രസിഡന്‍റ് കെ. രഘുനാഥ് ദേശീയ പതാക ഉയർത്തി.
റെയിൽവേ ബോർഡ് പ്രിൻസിപ്പൽ ഡയറക്ടർ സുബു റഹ്മാൻ, ഷേർലി മാധവൻകുട്ടി, മാനുവേൽ മെഴുക്കനാൽ, ഡെലോണി മാനുവേൽ, ഉപദേശക സമിതി അംഗം ബാബു പണിക്കർ തുടങ്ങിയവർ വിശിഷ്ടാതിഥികളിലായി പങ്കെടുത്തു.
തുടർന്നു നടന്ന സമ്മേളനത്തിൽ ഡിഎംഎ പ്രസിഡന്‍റ് കെ രഘുനാഥ് അധ്യക്ഷത വഹിച്ചു. വൈസ് പ്രസിഡന്‍റ്മാരായ മണികണ്ഠൻ കെ വി, കെ ജി രാഘുനാഥൻ നായർ, അഡീഷണൽ ജനറൽ സെക്രട്ടറി കെ ജെ ടോണി, ട്രെഷറർ മാത്യു ജോസ്, ജോയിന്റ് ട്രെഷറർ പി എൻ ഷാജി നിർവാഹക സമിതി അംഗങ്ങളായ അനിലാ കെ എസ്, സുജാ രാജേന്ദ്രൻ, കുമാരി റിക്സനാ ഇക്ബാൽ എന്നിവർ ആശംസകൾ നേർന്നുകൊണ്ട് സംസാരിച്ചു.
നിർവാഹക സമിതി അംഗങ്ങളായ ആർഎംഎസ് നായർ, ആർ ജി കുറുപ്പ്, എൻ സി ഷാജി, കലേഷ് ബാബു, പ്രദീപ് ദാമോദരൻ, ബിജു ജോസഫ്, ഡി ജയകുമാർ, അജികുമാർ എസ്, പട്ടേൽ നഗർ ഏരിയ ചെയർമാൻ മനോജ് കല്ലറ, ട്രഷറർ രഞ്ജിത്ത് പ്രസാദ്, മുൻ ട്രെഷറർ രവീന്ദ്രൻ പിരിയാട്ട് തുടങ്ങിയവർ പങ്കെടുത്തു. ആർ കെ പുരം ഏരിയ സെക്രട്ടറി ഓ ഷാജികുമാർ അവതാരകനായിരുന്നു. തുടർന്ന് ആർകെ പുരം ഏരിയയിലെ കുട്ടികൾ അവതരിപ്പിച്ച ദേശഭക്തി ഗാനങ്ങളുംഅരങ്ങേറി. മധുര വിതരണത്തോടെ ചടങ്ങുകൾ സമാപിച്ചു.
റിപ്പോർട്ട്: പി.എൻ. ഷാജി