മെൽബണ്‍ കത്തീഡ്രൽ ദേവാലയത്തിൽ ദുക്റാന തിരുനാൾ ജൂലൈ 3 ന്
Friday, July 2, 2021 4:57 PM IST
മെൽബണ്‍: സെന്‍റ് അൽഫോൻസ സീറോ മലബാർ മെൽബണ്‍ നോർത്ത് കത്തീഡ്രൽ ദേവാലയത്തിലെ ദുക്റാന തിരുനാൾ കാന്പ്വെൽഫീൽഡ് സെന്‍റ് ജോർജ് കാൽദീയൻ കാത്തലിക് ദേവാലയത്തിൽ ആഘോഷിക്കും.

ജൂലൈ മൂന്നിന് (ശനി) വൈകുന്നേരം 7.00 ന് തുടങ്ങുന്ന തിരുക്കർമങ്ങൾക്കും റാസ കുർബാനക്കും ബിഷപ്പ് ബോസ്കോ പുത്തൂർ മുഖ്യ കാർമികത്വം വഹിക്കും. വികാരി ജനറാൾ ഫാ. ഫ്രാൻസിസ് കോലഞ്ചേരി, കത്തീഡ്രൽ വികാരി ഫാ. വർഗീസ് വാവോലിൽ എന്നിവർ സഹകാർമികാരായിരിക്കും.

കോവിഡ് മാനദണ്ഡങ്ങൾ പാലിച്ച് മുൻകൂട്ടി രജിസ്റ്റർ ചെയ്താണ് വിശുദ്ധ കുർബാനയിൽ പങ്കെടുക്കേണ്ടത്. തിരുക്കർമ്മങ്ങളുടെയും റാസ കുർബാനയുടേയും തൽസമയ സംപ്രേഷണം ശാലോം ടെലിവിഷനിലും രൂപതയുടെയും കത്തീഡ്രൽ ഇടവകയുടെയും ശാലോം മീഡിയയുടെയും ഫേസ്ബുക്ക് പേജിലും യൂട്യൂബ് ചാനലിലും വെബ്സൈറ്റിലും ലഭ്യമായിരിക്കും.

വിലാസം: 1 കൂപ്പർ സ്ട്രീറ്റ്, കാന്പ്വെൽഫീൽഡ്.

റിപ്പോർട്ട്: പോൾ സെബാസ്റ്റ്യൻ
Copyright @ 2022 , Rashtra Deepika Ltd.