ബ്രിസ്റ്റോൾ: പ്രവാസി കേരളാകോണ്ഗ്രസ് (എം) യുകെയുടെ ബ്രിസ്റ്റോൾ ഘടകം കെ.എം. മാണി അനുസ്മരണവും പുഷ്പാർച്ചനയും നടത്തി. കോവിഡ് മാനദണ്ഡ പ്രകാരം അനുവദനീയമായ ആറുപേർക്ക് മാത്രമാണ് ഇത്തവണ പുഷ്പാർച്ചനയിൽ പങ്കുചേരാനായത്. കോവിഡ് നിയന്ത്രണങ്ങൾ കുറയുന്പോൾ വിപുലമായ രീതിയിൽ "കാരുണ്യദിനം' നടത്തുവാൻ തീരുമാനിച്ചു.
മാനുവൽ മാത്യുവിന്‍റെ അധ്യക്ഷതയിൽ കൂടിയ യോഗത്തിൽ നാഷണൽ കമ്മറ്റിയംഗങ്ങളായ പി.കെ.രാജുമോൻ, ജയിംസ് ഫിലിപ്പ് കുന്നുംപുറം, ജോമോൻ സെബാസ്റ്റ്യൻ ചക്കുംകുഴിയിൽ , ബ്രിസ്റ്റോൾ യൂണിറ്റ് പ്രതിനിധികളായ റോജി ചങ്ങനാശേരി , ഡേവിഡ് സെബാസ്റ്റ്യൻ എന്നിവർ നേരിട്ടും ന്ധഗൂഗിൾ മീറ്റ്ന്ധ ലൂടെ നാഷണൽ പ്രസിഡന്‍റ് ഷൈമോൻ തോട്ടുന്കൽ, ജനറൽ സെക്രട്ടറി (ഓഫീസ് ചാർജ്) റ്റോമിച്ചൻ കൊഴുവനാൽ, നാഷണൽ ജനറൽ സെക്രട്ടറിമാരായ സി.എ. ജോസഫ്, ബന്നി അന്പാട്ട്, ജിജോ അരയത്ത്, നാഷണൽ കമ്മറ്റിയംഗങ്ങളായ റ്റോം തോമസ്, ജോർജ് സഖറിയാസ്, ബ്രിസ്റ്റോൾ ഘടകത്തിലെ വിവിധ ഏരിയാ പ്രസിഡന്‍റുമാരായ സി. എം.മത്തായി ചക്കാലപ്പടവിൽ, ബിജു ജോസഫ്, ഗ്രേയ്സണ്‍ മുപ്രാപിള്ളിൽ, റോണി ജോസഫ്, ജെജിസണ്‍ ജോസ് എന്നിവരും പങ്കെടുത്തു.
റിപ്പോർട്ട്: മാനുവൽ മാനുവൽ