ലണ്ടൻ: യുണൈറ്റഡ് മലയാളി ഓർഗനൈസേഷന്റെ
"ഫൈറ്റ് എഗൈൻസ്ഡ് കോവിഡ് - 19' ഹെൽപ്പ് ലൈനിൽ തിരക്കേറുന്നു.
കടുത്ത നിയന്ത്രണങ്ങളോടെ ലോകരാജ്യങ്ങൾ വരുതിയിലാക്കാൻ ശ്രമിച്ചിട്ടും ഭീതിദമായ വേഗത്തിൽ പടർന്നു പിടിക്കുന്ന മഹാമാരിയായി കൊറോണ വൈറസ് മൂലമുള്ള സാംക്രമിക രോഗം മാറിക്കൊണ്ടിരിക്കുകയാണ്. യുകെയിലെ മലയാളികൾക്ക് ഈ സാംക്രമിക രോഗത്തെക്കുറിച്ചും രോഗലക്ഷണങ്ങളെക്കുറിച്ചും നിയന്ത്രണമാർഗങ്ങളെ കുറിച്ചും അവബോധം നൽകുന്നതിനും രോഗലക്ഷണങ്ങൾ മൂലമോ, രോഗബാധയെ തുടർന്നോ, അന്യസമ്പർക്കമില്ലാതെ ജീവിക്കേണ്ടിവരുന്ന സാഹചര്യത്തിൽ വോളണ്ടിയർമാർ മുഖേന അത്യാവശ്യസാധനങ്ങളോ, മരുന്നുകളോ എത്തിച്ചു കൊടുക്കുന്നതിനുമായി യുണൈറ്റഡ് മലയാളി ഓർഗനൈസേഷൻ ഒരാഴ്ച മുൻപ് (മാർച്ച് 17 ന്) തുടക്കം കുറിച്ച പരസ്പര സഹായ സംരംഭം ജനപ്രീതി ആർജിച്ചു കഴിഞ്ഞു.
ആദ്യ ദിവസം കേവലം 4 കോളുകളായിരുന്നു വൈദ്യോപദേശം തേടി എത്തിയതെങ്കിൽ, ഇന്നത്തേക്ക് കോളുകളുടെ എണ്ണം പതിന്മടങ്ങായി വർധിക്കുകയാണ്. ആശങ്കയോടെ ഹെൽപ്പ് ലൈനിൽ വിളിച്ച് ആശ്വാസത്തോടെ നന്ദി പറയുന്ന പലർക്കും തങ്ങളുടെ ഔദ്യോഗിക ജീവിതത്തിലെ തിരക്കുകളിലും ഇപ്പോഴത്തെ പ്രത്യേക സാഹചര്യത്തിലെ വർധിച്ച ജോലിത്തിരക്കുകളിലും നിന്നു ഒഴിവു സമയം കണ്ടെത്തി തങ്ങളെ ആശ്വസിപ്പിക്കുന്ന ക്ലിനിക്കൽ ടീമിനെ അറിഞ്ഞു നന്ദി പറയണം എന്ന ആഗ്രഹവും ആവശ്യവുമാണ് ക്ലിനിക്കൽ ടീമിന്‍റെ അനുവാദത്തോടെ അവരെ പരിചയപ്പെടുത്തുന്നതിനു കാരണം.
ജനറൽ പ്രാക്ടീഷണർമാർ, പല വിഭാഗങ്ങളിലായി സ്പെഷലൈസ് ചെയ്ത കൺസൾട്ടന്‍റുമാർ, മനോരോഗ വിദഗ്ധർ, ക്ലിനിക്കൽ പ്രാക്ടീഷണർമാർ, സ്പെഷലിസ്റ്റ് നഴ്‌സുമാർ എന്നിവരടങ്ങിയ രണ്ട് ഗ്രൂപ്പുകളാക്കി തിരിച്ചിരിക്കുന്ന 30 ഡോക്ടർമാരും 10 നഴ്സുമാരും അടങ്ങുന്നതാണ് യുണൈറ്റഡ് മലയാളി ഒർഗനൈസേഷന്‍റെ ഹെൽപ്പ് ലൈനിലൂടെ കൊറോണ വൈറസ് ബാധയെ സംബന്ധിച്ച പൊതുവായ ഉപദേശങ്ങൾ നൽകുന്ന ക്ലിനിക്കൽ ടീമംഗങ്ങൾ.
ഓരോ ദിവസത്തെയും പ്രവർത്തനങ്ങൾ വിലയിരുത്തുന്നതിനും പൊതുവായ ചർച്ചകൾക്കുമായി യോഗങ്ങൾ നടത്തുന്നതിന് ഉണർവ് ടെലിമെഡിസിൻ എന്ന പ്ലാറ്റ്‌ഫോമാണ് ഉപയോഗിക്കുന്നത്. വീഡിയോ കോൺഫറൻസിംഗും വീഡിയോ കൺസൾട്ടേഷനും സാധ്യമായ ഉണർവ് ടെലിമെഡിസിൻ ഹെൽപ്പ് ലൈനിന്റെ ഭാഗമാക്കി, ആവശ്യമെങ്കിൽ ചോദ്യകർത്താവിനെ നേരിൽ കണ്ട് ഉപദേശം നൽകുന്ന രീതി കൊണ്ടുവരാനും ആലോചനയുണ്ട്.
യുണൈറ്റഡ് മലയാളി ഓർഗനൈസേഷനു വേണ്ടി, വെയ്‍ക്ഫീൽഡിൽ ജനറൽ പ്രാക്ടീഷണറായ ഡോ. സോജി അലക്സ് തച്ചങ്കരിയുടെ താത്പര്യപ്രകാരം ആരംഭിച്ച, ഫൈറ്റ് എഗൈൻസ്റ്റ് കോവിഡ് - 19 ക്ലിനിക്കൽ ടീമിലേക്ക് അദ്ദേഹം വിളിച്ചു ചേർത്തവരും ഓർഗനൈസേഷന്റെ പരസ്യ അഭ്യർഥനയെ മാനിച്ച് കടന്നു വന്നവരുമായവരുടെ പേരുവിവരങ്ങൾ താഴെ കൊടുക്കുന്നു. ഇതിനോടകം, നിരവധി പേർക്ക് ആശ്വാസദായകമായ ഉപദേശങ്ങൾ നൽകിയ ഇവരെ നമുക്ക് ഒന്ന് ചേർന്ന് അനുമോദിക്കാം.
ഡോക്ടർമാരുടെ പേരുകൾ
Dr സോജി അലക്സ് (ജി. പി)
Dr ബീന അബ്ദുൽ (കൺസൽട്ടൻറ് ഗൈനക്കോളജിക്കൽ ഓൺകോളജി സർജൻ)
Dr ഹരീഷ് മേനോൻ (അക്യൂട്ട് കെയർ ഫിസിഷ്യൻ)
Dr ജോജി കുര്യാക്കോസ് (കൺസൽട്ടൻറ് സൈക്കിയാട്രിസ്റ്)
Dr അജിത് കർത്താ (ജി. പി)
Dr റിയ ജേക്കബ് (പീഡിയാട്രിക്‌സ്)
Dr മിനി ഉണ്ണികൃഷ്ണൻ
Dr ഷാമിൽ മാട്ടറ (കൺസൽട്ടൻറ് പീഡിയാട്രീഷ്യൻ)
Dr ജോയ് രാജ് (ജി. പി)
Dr ബിജു കുര്യാക്കോസ് (ജി. പി)
Dr അരുൺ റ്റി പി (ജി. പി)
Dr അജേഷ് ശങ്കർ (ഗൈനക്കോളജിസ്റ്)
Dr നിഷ പിള്ള (കാർഡിയോളജി)
Dr സജയൻ (കോൺസൾറ്റൻറ് അനസ്‌തറ്റിസ്‌റ്)
Dr. ഹാഷിം (റെസ്പിരേറ്ററി കൺസൽട്ടൻറ്)
Dr ഇർഷാദ് (അക്യൂട്ട്ക മെഡിസിൻ കൺസൽട്ടൻറ്)
Dr എസ് നരേന്ദ്രബാബു (ജി പി)
Dr ആർ ശ്രീലത (കൺസൽട്ടൻറ്)
Dr മിനി ഉണ്ണികൃഷ്ണൻ (ജി പി)
Dr ചോവോടത്തു ഉണ്ണികൃഷ്ണൻ (പീഡിയാക്ട്രീഷ്യൻ)
Dr വിമല സെബാസ്ട്യൻ (കമ്മ്യൂണിറ്റി ഡെന്റൽ ഓഫീസർ)
Dr മാത്യു അലക്സ്
Dr ശ്രീധർ രാമനാഥൻ
Dr സെസി മാത്യു (ജി. പി)
Dr വിജയ കുമാർ കുറുപ് ( കൺസൾട്ടന്റ് ജനറൽ സർജറി)
Dr ബീന കുറുപ് ( കൺസൾട്ടന്റ് പീടിയാട്രിക്‌സ് )
Dr ഷാഫി കളക്കാട്ടിൽ മുത്തലീഫ് (മെന്റൽഹെൽത് കൺസൽട്ടൻറ്)
Dr അശോക് പുലിക്കോട്ട്
Dr ഏലിയാസ് കോവൂർ
Dr തോമസ്
Dr ഷെറിൻ
Dr ശ്രീധർ രാമനാഥൻ
നഴ്‌സുമാരുടെ പേരുകൾ
ഡോ. ഷിബു ചാക്കോ എം ബി ഇ (അഡ്വാൻസ്‌ഡ് ക്ലിനിക്കൽ പ്രാക്റ്റീഷനർ)
മിനിജ ജോസഫ് (നഴ്‌സ്‌ മാനേജർ തിയേറ്റർ)
അജിമോൾ പ്രദീപ് (ട്രാൻസ്‌പ്ലാന്റ് കോ-ഓർഡിനേറ്റർ)
ആനി പാലിയത്ത്
ആഷാ മാത്യു (vഴ്സ് മാനേജർ)
ആൻസി ജോയ്
ദീപാ ഓസ്റ്റിൻ (നേഴ്സ് മാനേജർ)
ഷീന ഫിലിപ്പ്സ് (ക്ലിനിക്കൽ പ്രാക്ടീഷണർ)
പബ്ലിക് ഹെൽത്ത് ഇംഗ്ലണ്ട്, ഹെൽത്ത് പ്രൊട്ടക്ഷൻ സ്കോട്ട്ലൻഡ് എന്നീ ഗവൺമെന്റ് ബോഡികളുടെ നിർദ്ദേശാനുസരണം തയ്യാറാക്കിയിട്ടുള്ള കോവിഡ് 19 മാനേജ്‌മെന്റിനുള്ള പ്രോട്ടോക്കോൾ അനുസരിച്ചുള്ള ഉപദേശങ്ങളും നിർദ്ദേശങ്ങളും മാത്രമാണ് ക്ലിനിക്കൽ അഡ്‌വൈസ് ഗ്രൂപ്പ് നൽകുന്നത്. ഈ ഡോക്ടർമാർ ചികിത്സ നിശ്ചയിക്കുകയോ, മരുന്നുകൾ പ്രിസ്‌ക്രൈബ് ചെയ്യുകയോ ചെയ്യില്ല. പൊതുവായ ഉപദേശങ്ങൾ മാത്രമേ നൽകുകയുള്ളൂ.
ക്ലിനിക്കൽ അഡ്‌വൈസ് ഗ്രൂപ്പ് കൂടാതെ, ജോലിപരമോ, സാമ്പത്തികപരമോ, മറ്റെന്തെങ്കിലും തരത്തിലുള്ളതോ ആയ ബുദ്ധിമുട്ടുകൾ അനുഭവിക്കുന്നവർക്ക് വേണ്ട ഉപദേശങ്ങൾ നകുന്നതിനുള്ള പ്രൊഫഷണൽസിന്റെ വോളണ്ടിയർ ഗ്രൂപ്പും, അന്യസമ്പർക്കമില്ലാതെ വീടുകളിൽ സെൽഫ് ഐസൊലേഷനിൽ കഴിയുന്നവർക്ക് പടിവാതിൽക്കൽ സഹായമെത്തിക്കുന്നതിനുള്ള രാജ്യവ്യാപകമായ 300 -ൽ അംഗങ്ങളുള്ള വോളണ്ടിയർ ഗ്രൂപ്പും കൊറോണ രോഗത്തെ പ്രതിരോധിക്കുന്നതിനും, ആശങ്കാകുലരെ സഹായിക്കുന്നതിനുമായി യുണൈറ്റഡ് മലയാളി ഓർഗനൈസേഷന്റെ പരസ്പര സഹായ സംരംഭത്തിന്റെ ഭാഗമായുണ്ട്.
ഭീതിതമായ ഈ സാംക്രമിക രോഗത്തിനെതിരെയുള്ള ലോകജനതയുടെ പോരാട്ടത്തിൽ നമുക്കേവർക്കും പങ്കു ചേരാം. പൊതു നന്മയെ കരുതി ഗവൺമെന്റിന്റെയും, പൊതു ആരോഗ്യവകുപ്പിന്റെയും നിർദ്ദേശങ്ങളെ ജീവിതത്തിൽ പാലിക്കാം. പ്രധാനമന്ത്രി ബോറിസ് ജോൺസന്റെ ആഹ്വാനമനുസരിച്ച് നമുക്കും എൻ എച്ച് എസ് വോളണ്ടിയർ ലിസ്റ്റിൽ പങ്കാളികളാകുകയോ, അനുവർത്തിക്കുന്ന സാമൂഹിക ക്ഷേമ പ്രവർത്തനങ്ങളിൽ പങ്കാളികളാകുകയോ ചെയ്യാം.
രോഗ ലക്ഷണങ്ങളോ, ആരോഗ്യപ്രശ്നങ്ങളോ ഉണ്ടെങ്കിൽ ആദ്യം എൻ എച് എസ് ഹെൽപ്പ് ലൈൻ 111 എന്ന നമ്പറിൽ വിളിക്കുക. അടിയന്തിര ആവശ്യങ്ങൾക്ക് 999 വിളിക്കുക.
കൊറോണ രോഗത്തിന്റെ ഭീതിയിൽ കഴിയുന്ന യു കെ യിലുള്ള ഏതൊരു മലയാളിക്കും സമാശ്വാസമാകുന്ന പൊതുവായ ഉപദേശങ്ങൾക്ക് സൗജന്യമായി വിളിക്കാൻ സാധിക്കുന്ന (നെറ്റ്‌വർക്ക് നിരക്കുകൾ ബാധകം) യുണൈറ്റഡ് മലയാളി ഓർഗനൈസേഷന്റെ ഹെൽപ്പ് ലൈൻ നമ്പർ 02070626688