കൊളോണ്: ലോകപ്രശസ്തമായ കാർണിവൽ ആഘോഷത്തിന്റെ ലഹരിയുടെ ഉ·ാദത്തിൽ ജർമനി മുഴുകുന്പോൾ കൊളോണിലെ മലയാളികളും അതിൽ പങ്കുചേരുന്നു. കഴിഞ്ഞ മുപ്പതിലേറെ വർഷങ്ങളായി കൊളോണ് മലയാളികളുടെ കായിക കലാക്ഷേത്രമായ ഇന്ത്യൻ വോളിബോൾ ക്ലബിന്‍റെ (ഐവിസി) ആഭിമുഖ്യത്തിലാണ് ഇത്തവണയും മലയാളികൾ കാർണിവൽ ആഘോഷിക്കുന്നത്. ജനുവരി 11 ശനിയാഴ്ച വൈകുന്നേരം ആറരമണിയ്ക്ക് കൊളോണ് ബുഹ്ഫോർസ്റ്റിലെ സെന്‍റ് പീറ്റർ കനിസിയൂസ് പാരീഷ് ഹാളിലാണ് ആഘോഷപരിപാടികൾ അരങ്ങേറുന്നത്.
ജർമൻ പാരന്പര്യമനുസരിച്ച് പോയ വർഷം നവംബർ 11ന് 11 മണി കഴിഞ്ഞ് 11 മിനിറ്റിൽ ആരംഭിച്ച കാർണിവൽ ആഘോഷം ഈ വർഷം ഫെബ്രുവരി 24 ന് (തിങ്കൾ, റോസൻ മോണ്ടാഗ്) ആണ് അവസാനിയ്ക്കുന്നത്. തിങ്കളാഴ്ചയാണ് ആഘോഷത്തിന്റെ മൂർദ്ധന്യം. ഈസ്റ്റർ നോയന്പു തുടങ്ങുന്നതിനു മുന്പുള്ള തിങ്കളാഴ്ച ദിവസം ജർമനിയിലെങ്ങും പ്രത്യേകിച്ച് കൊളോണ്, ഡ്യൂസ്സൽഡോർഫ്, മൈൻസ് എന്നിവിടങ്ങളിൽ നടക്കുന്ന കാർണിവൽ ആഘോഷത്തിൽ പത്തുലക്ഷത്തിലധികം പേർ പങ്കെടുക്കും. ആഘോഷം പ്രമാണിച്ച് സ്കൂളുകൾക്കും അവധിയാണ്.
അനുദിന ജീവിതത്തിന്‍റെ പിരിമുറുക്കങ്ങളെ മാറ്റി നിർത്തി നർമ്മങ്ങൾ പങ്കുവച്ചും, ആടിയും പാടിയും, നൃത്തംവച്ചും, ഭക്ഷിച്ചും, പാനം ചെയ്തും ഉല്ലസിക്കാൻ മാത്രമായി ഒരുക്കപ്പെടുന്ന ഉത്സവലഹരി പകരുന്ന സായാഹ്നത്തിലേയ്ക്ക് കാർണിവലിന് അനുയോജ്യമായ വേഷ വിധാനങ്ങളോടെ വന്നെത്തുവാൻ ഇൻഡ്യൻ വോളിബോൾ ക്ലബ് ഭാരവാഹികൾ മലയാളി സമൂഹത്തെ സാദരം ക്ഷണിയ്ക്കുന്നു (മുൻകൂട്ടിയുള്ള രജിസ്ട്രേഷൻ ആവശ്യമാണ്).
പരിപാടികളുടെ നടത്തിപ്പിനായി മാത്യു പാറ്റാനി, ഡേവീസ് വടക്കുംചേരി, വർഗീസ് ചെറുമഠത്തിൽ, ജോയ് മാണിക്കത്ത്, ഫ്രാൻസിസ് വട്ടക്കുഴിയിൽ, മാത്യൂസ് കണ്ണങ്കേരിൽ, ഡെസീന തോട്ടുങ്കൽ, ഡാലിയാ തോട്ടത്തിൽ, ജോർജ് അട്ടിപ്പേറ്റി എന്നിവരടങ്ങുന്ന കമ്മറ്റിയും പ്രവർത്തിയ്ക്കുന്നുണ്ട്.
വിവരങ്ങൾക്ക്:
ഡേവീസ് വടക്കുംചേരി 0221 5904183, 0173 2609098, വർഗീസ് ചെറുമഠത്തിൽ 0221 6804174, ജോയി മാണിക്കത്ത് 02233 923225
സ്ഥലം:
Pfarrsaal St. Petrus Canisius, Eulerstrasse 2, 51065 Koeln
റിപ്പോർട്ട്: ജോസ് കുന്പിളുവേലിൽ