വോഡാഫോണ്‍ നെറ്റ് വർക്ക് തകരാറിലായി
Friday, June 14, 2019 9:17 PM IST
ബ്രസൽസ്: യൂറോപ്പിൽ ഉടനീളം വോഡാഫോണിന്‍റെ മൊബൈൽ, ഫിക്സഡ് ലൈൻ ബ്രോഡ്ബാൻഡ് സേവനങ്ങൾക്ക് തടസം നേരിട്ടു. ഡേറ്റ കൈമാറ്റത്തിനുള്ള അന്താരാഷ്ട്ര ലിങ്കിലെ തകരാറാണ് പ്രശ്നത്തിനു കാരണമായത്. ട്രാഫിക് റീറൂട്ട് ചെയ്ത് താത്കാലികമായി പ്രശ്നം പരിഹരിച്ചെങ്കിലും സ്ഥിരം പരിഹാരത്തിനുള്ള ശ്രമം തുടരുകയാണ്.

യുകെ, അയർലൻഡ്, ഗ്രീസ്, ഇറ്റലി, പോർച്ചുഗൽ, ജർമനി തുടങ്ങിയ രാജ്യങ്ങളിലെ ഉപയോക്താക്കളെയും നൈറ്റ് വർക്ക് പ്രശ്നം സാരമായി ബാധിച്ചു.

ആമസോണ്‍ അലക്സ സർവീസുമായി അക്കൗണ്ടുകൾ ബന്ധിപ്പിക്കാൻ ഉപയോക്താക്കൾ അനുമതി നൽകുന്നുവെന്ന് വോഡാഫോണ്‍ പ്രഖ്യാപിച്ചതിനു പിന്നാലെയാണ് തകരാറ് റിപ്പോർട്ട് ചെയ്തത്. യുഎസ് കന്പനിയുടെ സ്മാർട്ട് സ്പീക്കറുകൾ ഉപയോഗിച്ച് ഫോണ്‍ കോളുകൾ ചെയ്യാൻ സാധിക്കുന്ന സംവിധാനമാണിത്. എന്നാൽ, ഇതാണോ തകരാറിനു കാരണമായതെന്നു വ്യക്തമല്ല.

റിപ്പോർട്ട്: ജോസ് കുന്പിളുവേലിൽ

എമിറേറ്റ്സ് എയർലൈൻസ് വീണ്ടും ചിറകു വിടർത്തുന്നു



ദുബൈ: കരിപ്പൂരിൽ നാലു വർഷം മുമ്പ് വിമാനത്താവള റൺവേ വികസനവുമായി ബന്ധപപെട്ട് സർവീസ് നിർത്തിയ എമിറേറ്റ്സ് എയർലൈൻസിന്റെ സർവീസ് പുനരാരംഭിക്കുന്നു. ഇതു സംബന്ധിച്ച എമിറേറ്റിസിന്‍റെ എയ്റോ പൊളിറ്റിക്കൽ ആന്റ് ഇൻഡസ്ട്രി കാര്യ വകുപ്പ് സീനിയർ വൈസ് പ്രസിഡന്റ് സാലം ഉബൈദുള്ള, സീനിയർ മാനേജർ അഹമ്മദ് അൽ കാമിസ് എന്നിവർ ,ഇന്ത്യൻ വിദേശകാര്യ സഹമന്ത്രി വി.മുരളീധരന് മായി കൂടികാഴ്ച നടത്തി. യു.എ.ഇ യിൽ നടത്തിയ കൂടികാഴ്ചയിൽ മന്ത്രിയോടൊപ്പം ഡോ.ആസാദ് മൂപ്പൻ, ഐ.ബി.പി.സി ചെയർമാൻ സുരേഷ് കുമാർ, ജയിംസ് മാത്യു, പി.കെ അൻവർ നഹ എന്നിവരും ഉണ്ടായിരുന്നു. റൺവേ പൂർത്തിയാക്കിയെങ്കിലും എമിറേറ്റ്സ് ഇന്ത്യയിലേക്ക് അനുവദിച്ച സീറ്റുകൾ ഇന്ത്യയിലെ മറ്റ് സംസ്ഥാനങ്ങൾക്ക് വീതിച്ചു നൽകിയതിനാലാണ് കരിപ്പൂരിലേക്കുള്ള സർവീസ് തുടർന്ന് നടത്താതിരുന്നത്.ഈ കൂടിക്കാഴ്ചയിൽ പ്രശ്ന പരിഹാരമായാൽ അത് യു.എ.ഇ പ്രവാസികൾക്ക് അനുഗ്രഹമാകും.



ഇന്ത്യൻ സിവിൽ ഏവിയേഷൻ വിഭാഗം പുനർവിന്യാസത്തിലൂടെ അധികമായി ആഴ്ചയിൽ 2500 സീറ്റുകൾ ലഭ്യമാക്കിയാൽ ഇ സിസണിൽ തന്നെ സർവീസ് പുനരാരംഭിക്കാനുള്ള എമിറേറ്റിസിന്‍റെ സന്നദ്ധത ഉദ്യോഗസ്ഥർ മന്ത്രിയെ അറിയിച്ചു. DGCA യെമായി ഈ വിഷയും എത്രയും വേഗത്തിൽ ബന്ധപ്പെട്ട് വേണ്ട നടപടി സ്വികരിക്കുമെന്ന് മന്ത്രി സംഘത്തെ അറിയിച്ചു
Copyright @ 2022 , Rashtra Deepika Ltd.