മാര്‍ ജോസഫ് സ്രാമ്പിക്കലിന്റെ ഇടയ സന്ദര്‍ശനവും വിശുദ്ധ യൂദാ തദേവൂസിന്റെ തിരുനാളും സൗത്തെന്‍ഡ് ഓണ്‍ സീയില്‍ : Deepika.com Nri News Europe

സൗത്തെന്‍ഡ്: ഗ്രേറ്റ് ബ്രിട്ടണ്‍ സീറോ മലബാര്‍ എപാര്‍കിയിലെ വിശുദ്ധ കുര്‍ബാന കേന്ദ്രമായ സെന്റ് അല്‍ഫോന്‍സാ സീറോ മലബാര്‍ സെന്ററില്‍ വിശുദ്ധ യൂദാ തദേവൂസിന്റെ തിരുനാള്‍ ഭക്തിപൂര്‍വം കൊണ്ടാടുന്നു. ഒക്ടോബര്‍ 16-നു ചൊവ്വാഴ്ച വൈകുന്നേരം അഞ്ചിനു ജപമാലയോടെ ആരംഭിക്കുന്ന തിരുക്കര്‍മങ്ങള്‍ക്ക് മാര്‍ ജോസഫ് സ്രാമ്പിക്കല്‍ മുഖ്യ കാര്‍മികത്വം വഹിക്കും .പ്രീസ്‌റ് ഇന്‍ ചാര്‍ജ് ഫാ. ജോസ് അന്തിയാംകുളം ,ഫാ. ഫാന്‍സ്വാ പത്തില്‍ എന്നിവര്‍ സഹകാര്‍മികത്വം വഹിക്കും .

ജപമാലയെ തുടര്‍ന്നു നടക്കുന്ന ആഘോഷമായ വിശുദ്ധ കുര്‍ബാന ,നൊവേന .ലദീഞ്ഞ തുടങ്ങിയ തിരുക്കര്മങ്ങളില്‍ സൗത്തെന്‍ഡിലെ വിശ്വാസ സമൂഹം പൂര്‍ണ മനസോടും നിറഞ്ഞ ഹൃദയത്തോടും കൂടെ പങ്കുകാരാകും .തിരുന്നാള്‍ തിരുക്കര്‍മ്മങ്ങള്‍ക്ക് ശേഷം നടക്കുന്ന സമ്മേളനത്തില്‍ സെന്റ് അല്‍ഫോന്‍സാ സണ്‍ഡേ സ്‌കൂളിന്റെ മെറിറ്റ് അവാര്‍ഡ് ദാന ചടങ്ങും ലണ്ടന്‍ റീജിയന്‍ കലോത്സവത്തില്‍ മികച്ച പോയിന്റ് നിലയിലോടെ 42 കുര്‍ബാന സെന്ററുകളില്‍ മുന്‍നിരയില്‍ എത്തിയ സൗത്തെന്‍ഡ് സെന്റ് അല്‍ഫോന്‍സാ സണ്‍ഡേ സ്‌കൂളിലെ കുട്ടികള്‍ക്കുള്ള ആദരവും സാവിയോ ഫ്രണ്ട്‌സിന്റെയും ചെറുപുഷ്പ മിഷന്‍ ലീഗിന്റെയും വിവിധ പ്രവര്‍ത്തനങ്ങള്‍ക്കുള്ള അംഗീകാരവും നടത്തപ്പെടുന്നതാകും .

ഇതോടൊപ്പം സീറോ മലബാര്‍ യൂത് മൂവ്‌മെന്റിന്റെ യൂണിറ്റുതല ഉദ്ഘാടനവും മാര്‍ ജോസഫ് സ്രാമ്പിക്കല്‍ നിര്‍വഹിക്കുന്നതായിരിക്കും .നാല്‍പതോളം പ്രസുദേന്തിമാരുടേ നേത്രുത്വത്തില്‍ എല്ലാ ഒരുക്കങ്ങളും പൂര്‍ത്തിയാക്കിയ തിരുനാള്‍ അഗാപ്പെയോടെ (സ്‌നേഹവിരുന്ന് ) കൊടിയിറങ്ങും .വിശുദ്ധ യൂദ തദേവൂസിന്റെ തിതിരുനാളിന് ഒരുക്കമായി മാര്‍ ജോസഫ് സ്രാമ്പിക്കലിന്റെ ഇടയ സന്ദര്‍ശനം 15 ,16 ,17 തീയതികളില്‍ ഇടവകയിലെ ആറ് ഫാമിലി യൂണിറ്റുകളില്‍ ക്രെമീകരിച്ചിരിക്കുന്നു .സൗത്തെന്‍ഡ് ഓണ്‍ സീ ,ബസില്‍ഡണ്‍ ,ചെംസ്‌ഫോര്‍ഡ് വിശ്വാസ സമൂഹങ്ങളെ ഉള്‍ക്കൊള്ളിച്ചു കൊണ്ട് രൂപീകൃതമാകുന്ന സെന്റ് പീറ്റര്‍ സീറോ മലബാര്‍ മിഷനെക്കുറിച്ചുള്ള പ്രാരംഭ ചര്‍ച്ചകളും ഈ ദിവസങ്ങളില്‍ നടക്കുമതായിരിക്കും.കൂടുതല്‍ വിവരങ്ങള്‍ക്ക് കൈക്കാരന്മാരായ മനോജ് (0 7848 808550),ഷിബിന്‍ (07868 242962), സോണിയ എന്നിവരുമായി ബന്ധപ്പെടുക