ബംഗളൂരു: കർണാടക മലയാളി കോണ്ഗ്രസ് ബംഗളൂരു നോർത്ത് ജില്ലാ അസംബ്ലി ഭാരവാഹികളുടെ യോഗം ചേർന്നു. പ്രസിഡന്റ് സുനിൽ തോമസ് മണ്ണിൽ ഉദ്ഘാടനം ചെയ്തു. ബേബി ഓനാട്ട്, ഗോപിനാഥ്, ബിജു പ്ലാച്ചേരി, സിജുവർഗീസ്, അരുണ്കുമാർ, ലിൻറോ കുര്യൻ, പ്രശാന്ത് കൈരളി, അഡ്വ.പ്രമോദ്, സാം, ഡാനി, ബിനു ചുനക്കര, ഉമ്മർ, മുഫലിഫ്, സിറിൽ, പ്രഭുൽ, ജിനോ, ജോർജ് പിൻറോ, ഉണ്ണികൃഷ്ണൻ, ബെന്നി, സൗദ, മാത്യു, ഹരി എന്നിവർ പ്രസംഗിച്ചു. ബംഗളൂരുവിൽ പരമാവധി മലയാളികൾക്ക് വോട്ടേഴ്സ് ഐഡി ലഭ്യമാക്കാൻ അസംബ്ലി കമ്മിറ്റികളുടെ നേതൃത്വത്തിൽ കാന്പയിനുകൾ നടത്താൻ യോഗം തീരുമാനിച്ചു.
സജു ജോണ് (വൈസ് പ്രസിഡൻറ്), ഡാനി ജോണ് (ജനറൽ സെക്രട്ടറി), സുബൈർ, കെ.വി. മാത്യു (സെക്രട്ടറിമാർ) എന്നിവരെ ഭാരവാഹികളായി കമ്മറ്റിയിൽ ഉൾപ്പെടുത്തി.