മസ്കറ്റ്: റോഡ് മുറിച്ച് കടക്കുന്നതിനിടെ വാഹനമിടിച്ച് തിരുവനന്തപുരം കല്ലമ്പലം കീഴൂർ ആര്യ ഭവനിൽ മധുലാൽ(54) മരിച്ചു. വെള്ളിയാഴ്ച രാത്രിയാണ് അപക‌ടം ന‌ടന്നത്.
മധുവിനെ കാണാത്തതിനെ തുടർന്ന് സുഹൃത്തുക്കൾ പോലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് അപകട വിവരം അറിയുന്നത്.
മധു 32 വർഷമായി ഒമാനിലാണ്. സുവൈദ് ഖദ്റയിലെ കൺസ്ട്രക്‌ഷൻ സ്ഥാപനത്തിൽ ഫോർമാനായിരുന്നു. ഭാര്യ രഞ്ജു കൃഷ്ണ. മക്കൾ: ആര്യ, ആതിര. മൃതദേഹം നാട്ടിലെത്തിച്ച് സംസ്കരിച്ചു.