കുവൈറ്റ് സിറ്റി: മുസ്ലിം ലീഗ് മലപ്പുറം ജില്ലാ സെക്രട്ടറിയും ദളിത് ലീഗ് മുൻ സംസ്ഥാന സെക്രട്ടറിയും മലപ്പുറം ജില്ലാ പഞ്ചായത്ത് മുൻ പ്രസിഡന്റുമായ എ.പി. ഉണ്ണികൃഷ്ണന്റെ നിര്യാണത്തിൽ കുവൈറ്റ് കെഎംസിസി സംസ്ഥാന കമ്മിറ്റി അനുശോചനം രേഖപെടുത്തി.
പാണക്കാട് സയ്യിദ് മുഹമ്മദലി ശിഹാബ് തങ്ങളുമായും പണക്കാട് കുടുംബവുമായും വലിയ ആത്മബന്ധം ഉണ്ടായിരുന്ന ഉണ്ണികൃഷ്ണൻ ദളിത് ലീഗിനെ ജനകീയമാക്കുന്നതിൽ മുഖ്യ പങ്ക് വഹിച്ചയാളുമായിരുന്നെന്ന് കുവൈറ്റ് കെഎംസിസി സംസ്ഥാന പ്രസിഡന്റ് സയ്യിദ് നാസർ അൽ മഷ്ഹൂർ തങ്ങൾ, ആക്ടിംഗ് ജനറൽ സെക്രട്ടറി ഗഫൂർ വയനാട്, ട്രഷറർ ഹാരിസ് വള്ളിയോത്ത് എന്നിവർ പത്രകുറിപ്പിൽ അറിയിച്ചു.