ജുബൈൽ: സൗദിയിൽ ജലസംഭരണിയിൽ വീണ് ഇന്ത്യക്കാരനായ യുവാവ് മരിച്ചു. സൗദിയിലെ ജുബൈലിലാണ് സംഭവം. ഉത്തർപ്രദേശ് സ്വദേശി സുനിൽ രാമായൺ സിംഗ് (28) ആണ് മരിച്ചത്.
വാട്ടർ ടാങ്കിൽ മരിച്ചുകിടക്കുന്ന നിലയിലായിരുന്നു ഇയാളെ കണ്ടെത്തിയത്. സൗദി സിവിൽ ഡിഫൻസും റെഡ് ക്രെസന്റും ഫോറൻസിക് വിദഗ്ധരും സംഭവസ്ഥലത്തെത്തി തുടർനടപടി സ്വീകരിച്ചു.
ഇയാൾ എങ്ങനെയാണ് വാട്ടർ ടാങ്കിൽ വീണതെന്ന് വ്യക്തമല്ല. മൃതദേഹം നാട്ടിലെത്തിക്കാനുള്ള നടപടികൾ ആരംഭിച്ചു.