അ​രു​ൺ​ ബാ​ബു മടങ്ങുന്നത് സ്വ​ന്ത​മാ​യി ഒ​രു വീ​ടെ​ന്ന സ്വ​പ്നം ബാ​ക്കി​യാ​ക്കി...
Friday, June 14, 2024 1:09 PM IST
ആ​ർ.​സി. ദീ​പു
നെ​ടു​മ​ങ്ങാ​ട്: സ്വ​ന്ത​മാ​യി ഒ​രു വീ​ടെ​ന്ന സ്വ​പ്നം ബാ​ക്കി​യാ​ക്കി അ​രു​ൺ ബാ​ബു യാ​ത്ര​യാ​യി. കു​വൈ​റ്റി​ൽ ലേ​ബ​ർ ക്യാ​മ്പ് കെ​ട്ടി​ട​ത്തി​ലെ തീ​പി​ടി​ത്ത​ത്തി​ൽ മ​ര​ണ​മ​ട​ഞ്ഞ ഉ​ഴ​മ​ല​യ്ക്ക​ൽ കു​ര്യാ​ത്തി ല​ക്ഷം വീ​ട് കോ​ള​നി​യി​ൽ അ​രു​ൺ ബാ​ബു ഒ​രി​ക്ക​ൽ കൂ​ടി കു​വൈ​റ്റി​ലേ​ക്ക് പോ​യ​ത് സ്വ​ന്ത​മാ​യി ഒ​രു വീ​ട് നി​ർ​മ്മി​ക്കാ​നാ​ണ്.

കു​വൈ​റ്റി​ൽ മ​ല​യാ​ളി​യു​ടെ ഉ​ട​മ​സ്ഥ​ത​യി​ലു​ള്ള എ​ൻ​ബി​ടി​സി ക​മ്പ​നി​യി​ലാ​ണ് അ​രു​ൺ ജോ​ലി ചെ​യ്തി​രു​ന്ന​ത്. ഈ ​ക​മ്പ​നി​യി​യു​ടെ ലേ​ബ​ർ ക്യാ​മ്പ് കെ​ട്ടി​ട​ത്തി​ൽ ഉ​ണ്ടാ​യ തീ ​പി​ടി​ത്ത​ത്തി​ലാ​ണ് അ​രു​ൺ ഉ​ൾ​പ്പെ​ടെ​യു​ള്ള നി​ര​വ​ധി​പേ​ർ വെ​ന്തു മ​രി​ച്ച​ത്.

കോ​വി​ഡ് കാ​ല​ത്തി​നു മു​ൻ​പ് ഇ​തേ ക​മ്പ​നി​യി​ൽ ജോ​ലി നോ​ക്കി​യി​രു​ന്ന അ​രു​ൺ വീ​ണ്ടും ആ​റ് മാ​സം മു​ൻ​പാ​ണ് കു​വൈ​റ്റി​ലേ​ക്ക് പോ​യ​ത്. ഏ​റെ ക​ട ബാ​ധ്യ​ത​ക​ൾ ഉ​ണ്ടാ​യി​രു​ന്ന ഇ​ദ്ദേ​ഹ​ത്തെ വീ​ണ്ടും കു​വൈ​റ്റി​ൽ എ​ത്തി​ച്ച​ത് അ​വി​ടെ ത​ന്നെ ജോ​ലി ചെ​യ്യു​ക​യാ​യി​രു​ന്ന അ​മ്മ​യു​ടെ അ​നു​ജ​ത്തി​യാ​ണ്.

ഉ​ഴ​മ​ല​യ്ക്ക​ൽ കു​ര്യാ​ത്തി​യി​ലെ സ​ഹോ​ദ​ര​ന്‍റെ വീ​ടി​നു സ​മീ​പം താ​മ​സി​ച്ചു വ​രി​ക​യാ​യി​രു​ന്ന അ​രു​ൺ ഇ​തി​നു സ​മീ​പ​ത്താ​യി വീ​ട് വ​യ്ക്കാ​ൻ വ​സ്തു വാ​ങ്ങി​യി​രു​ന്നു. കു​വൈ​റ്റി​ൽ ജോ​ലി ചെ​യ്തു പ​ണം സ​മ്പാ​ദി​ച്ചു ത​നി​ക്കും ഭാ​ര്യ​ക്കും മ​ക്ക​ൾ​ക്കും ഒ​രു വീ​ട് എ​ന്ന​താ​യി​രു​ന്നു സ്വ​പ്നം.

ഭാ​ര്യ വി​നി​ത​യേ​യും മ​ക്ക​ളാ​യ അ​ഷ്ട​മി, അ​മ​യ്യ എ​ന്നി​വ​രെ​യും ഭാ​ര്യ​യു​ടെ വീ​ട്ടി​ൽ കൊ​ണ്ട് വി​ട്ടാ​ണ് അ​രു​ൺ കു​വൈ​റ്റി​ലേ​ക്കു മ​ട​ങ്ങി​യ​ത്. വി​യോ​ഗ വാ​ർ​ത്ത വി​ശ്വ​സി​ക്കാ​ൻ ക​ഴി​യാ​തെ ബ​ന്ധു​ക്ക​ളും വീ​ട്ടു​കാ​രും തീ​രാ​ദു​ഖ​ത്തി​ലാ​ണ്. മൃ​ത​ദേ​ഹം ഇ​ന്ന് നാ​ട്ടി​ൽ എ​ത്തി​ച്ചു കു​ടും​ബ​വീ​ട്ടി​ൽ സം​സ്ക​രി​ക്കും.

Copyright @ 2022 , Rashtra Deepika Ltd.