മസ്കറ്റ്: ഒമാനിൽ ഒഴുക്കിൽപെട്ട് മരിച്ച യുവാവിനെ തിരിച്ചറിഞ്ഞു. ആലപ്പുഴ സ്വദേശിയായ അബ്ദുൽ വാഹിദ്(28) ആണ് മരിച്ചത്. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്.
കളിപ്പാട്ടം വിൽക്കുന്ന വാനിന്റെ ഡ്രൈവറായി ജോലിചെയ്തിരുന്ന അബ്ദുൽ വാഹിദ് കച്ചവടത്തിനായി പോകുന്ന വഴി വെള്ളപ്പാച്ചിലിൽപ്പെടുകയായിരുന്നു.
നടപടി ക്രമങ്ങൾ പൂർത്തിയാക്കി മൃതദേഹം ഉടൻ നാട്ടിലെത്തിക്കുമെന്ന് അധികൃതർ പറഞ്ഞു. ഒമാനിലെ ശർഖിയ ഗവർണറേറ്റിലെ ഹിബ്ര മേഖലയിലാണ് സംഭവം.