ഫുജൈറ: കൈരളി കൾച്ചറൽ അസോസിയേഷൻ ഫുജൈറയുടെ കേന്ദ്ര സമ്മേളനത്തിന് മുന്നോടിയായി യൂണിറ്റ് സമ്മേളനങ്ങൾക്ക് തുടക്കം കുറിച്ചു. കൈരളി ഫുജൈറ യൂണിറ്റ് വാർഷിക സമ്മേളനം ലോക കേരളസഭാംഗം സൈമൻ സാമുവേൽ ഉദ്ഘാടനം ചെയ്തു.
യൂണിറ്റ് പ്രസിഡന്‍റ് ഉസ്മാൻ മങ്ങാട്ടിൽ അധ്യക്ഷത വഹിച്ച ഉദ്ഘാടന സമ്മേളനത്തിൽ കൈരളി സഹ രക്ഷാധികാരി വി.പി. സുജിത്ത്, കൈരളി സെൻട്രൽ കമ്മിറ്റി പ്രസിഡന്‍റ് ലെനിൻ ജി. കുഴിവേലി, ട്രഷറർ സുധീർ തെക്കേക്കര, കൈരളി കൽബ യൂണിറ്റ് സെക്രട്ടറി പ്രിൻസ് എന്നിവർ ആശംസകൾ അറിയിച്ചു.
യൂണിറ്റ് സെക്രട്ടറി മിജിൻ ചുഴലി സ്വാഗതവും നമിത പ്രമോദ് നന്ദിയും പറഞ്ഞു. പ്രദീപ് കുമാർ അനുശോചന പ്രമേയം അവതരിപ്പിച്ചു.
പ്രധിനിധി സമ്മേളനത്തിൽ യൂണിറ്റ് സെക്രട്ടറി മിജിൻചുഴലി പ്രവർത്തന റിപ്പോർട്ടും ട്രഷറർ ജയരാജ് തലക്കാട്ട് സാമ്പത്തിക റിപ്പോർട്ടും കൈരളി സെൻട്രൽ കമ്മിറ്റി ജോയിന്‍റ് സെക്രട്ടറി വിൽസൺ പട്ടാഴി സംഘടനാ റിപ്പോർട്ടും അവതരിപ്പിച്ചു.
ഉസ്മാൻ മങ്ങാട്ടിൽ, ജിസ്റ്റാ ജോർജ്, വിഷ്ണു അജയ് എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. യൂണിറ്റിന്‍റെ പുതിയ ഭാരവാഹികളായി സുധീർ തെക്കേക്കര (സെക്രട്ടറി), പ്രദീപ് കുമാർ (പ്രസിഡന്‍റ്,) ജിസ്റ്റാ ജോർജ്, ഇഗ്‌നേഷന്സ് പെരേര(വൈസ് പ്രസിഡന്‍റുമാർ), നമിതാ പ്രമോദ്, ഹരിഹരൻ (ജോയിന്‍റ് സെക്രട്ടറിമാർ),
ജയരാജ് തലക്കാട്ട് (ട്രഷറർ) അജിത്ത് (ജോയിന്‍റ് ട്രഷറർ), ശ്രീവിദ്യ(കൾച്ചറൽ കൺവീനർ), സുകന്യ (കൾച്ചറൽ ജോയിന്‍റ് കൺവീനർ), ബിനു മത്തായി (സ്പോർട്ട്സ് കൺവീനർ), നിസാം (സ്പോർട്ട്സ് ജോയിന്‍റ് കൺവീനർ), അഷറഫ് (നോർക്ക കൺവീനർ), പ്രമോദ് (നോർക്ക ജോയിന്‍റ് കൺവീനർ), രാജശേഖരൻ വല്ലത്ത് (മലയാളം മിഷൻ കൺവീനർ) എന്നിവരെ സമ്മേളനം തെരെഞ്ഞെടുത്തു.