ക്വാ​റ​ന്‍റൈൻ നി​ബ​ന്ധ​ന ല​ഘൂ​ക​രി​ച്ച് കു​വൈ​റ്റ്; ആ​ഫ്രി​ക്ക​ൻ രാ​ജ്യ​ങ്ങ​ളു​മാ​യു​ള്ള വാ​ണി​ജ്യ വി​മാ​ന സ​ർ​വീ​സു​ക​ൾ പു​ന​രാ​രം​ഭി​ച്ചു
Tuesday, January 18, 2022 9:21 PM IST
കു​വൈ​റ്റ് സി​റ്റി: ഒ​മി​ക്രോ​ണ്‍ വേ​രി​യ​ന്‍റി​ന്‍റെ വ്യാ​പ​ന​ത്തെ തു​ട​ർ​ന്ന് നി​ർ​ത്തി​വ​ച്ചി​രു​ന്ന ആ​ഫ്രി​ക്ക​ൻ രാ​ജ്യ​ങ്ങ​ളു​മാ​യു​ള്ള വാ​ണി​ജ്യ വി​മാ​ന സ​ർ​വീ​സു​ക​ൾ പു​ന​രാ​രം​ഭി​ച്ചു. ക​ഴി​ഞ്ഞ ദി​വ​സം ന​ട​ന്ന മ​ന്ത്രി​സ​ഭ യോ​ഗ​ത്തി​ലാ​ണ് ഇ​ത് സം​ബ​ന്ധ​മാ​യ തീ​രു​മാ​നം കൈ​കൊ​ണ്ട​ത്.

സ​ർ​വീ​സ് പു​ന​രാ​രം​ഭി​ക്കു​വാ​ൻ ആ​വ​ശ്യ​മാ​യ നി​ർ​ദ്ദേ​ശ​ങ്ങ​ൾ ഡി​ജി​സി​എ​ക്ക് ന​ൽ​കി​യ​താ​യി വി​ദേ​ശ​കാ​ര്യ മ​ന്ത്രി ഡോ. ​ഷെ​യ്ഖ് അ​ഹ​മ്മ​ദ് നാ​സ​ർ അ​ൽ മു​ഹ​മ്മ​ദ് അ​ൽ സ​ബാ​ഹ് അ​റി​യി​ച്ചു. ഇ​തോ​ടെ ദ​ക്ഷി​ണാ​ഫ്രി​ക്ക, ന​മീ​ബി​യ, ബോ​ട്സ്വാ​ന, സിം​ബാ​ബ്വെ, മൊ​സാം​ബി​ക്, ലെ​സോ​ത്തോ, ഈ​ശ്വ​തി​നി, സാം​ബി​യ, മ​ലാ​വി തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നും കു​വൈ​റ്റി​ലേ​ക്ക് നേ​രി​ട്ട് വി​മാ​ന സ​ർ​വീ​സു​ക​ൾ ആ​രം​ഭി​ക്കും. ഈ ​രാ​ജ്യ​ങ്ങ​ളി​ൽ നി​ന്നും കു​വൈ​റ്റി​ലേ​ക്ക് വ​രു​ന്ന​വ​ർ എ​ല്ലാ കോ​വി​ഡ് പ്ര​തി​രോ​ധ ന​ട​പ​ടി​ക​ളും ക​ർ​ശ​ന​മാ​യി പാ​ലി​ക്ക​ണ​മെ​ന്ന് അ​ധി​കൃ​ത​ർ അ​റി​യി​ച്ചു. ന​വം​ബ​ർ 28 നാ​ണ് ഒ​മി​ക്രോ​ണ്‍ വേ​രി​യ​ന്‍റ് ക​ണ്ടെ​ത്തി​യ​തി​നെ തു​ട​ർ​ന്ന് ഒ​ന്പ​ത് ആ​ഫ്രി​ക്ക​ൻ രാ​ജ്യ​ങ്ങ​ളി​ലേ​ക്കു​ള്ള വി​മാ​ന​ങ്ങ​ൾ നി​ർ​ത്തി​വ​ച്ച​ത്.

രാ​ജ്യ​ത്തേ​ക്ക് പ്ര​വേ​ശി​ക്കു​ന്ന പൂ​ർ​ണ വാ​ക്സി​ൻ സ്വീ​ക​രി​ച്ച യാ​ത്ര​ക്കാ​ർ​ക്ക് ക്വാ​റ​ന്ൈ‍​റ​ൻ ന​ട​പ​ടി​ക​ൾ ല​ഘൂ​ക​രി​ച്ച​താ​യി ഡോ. ​ഷെ​യ്ഖ് അ​ഹ​മ്മ​ദ് നാ​സ​ർ വെ​ളി​പ്പെ​ടു​ത്തി. ജ​നു​വ​രി 18 ചൊ​വ്വാ​ഴ്ച വ​രെ പ്ര​തി​രോ​ധ കു​ത്തി​വ​യ്പ്പ് എ​ടു​ത്ത​വ​ർ രാ​ജ്യ​ത്ത് പ്ര​വേ​ശി​ക്കു​ന്പോ​ൾ പി​സി​ആ​ർ ടെ​സ്റ്റ് ന​ട​ത്തി​യാ​ൽ ഏ​ഴ് ദി​വ​സ​ത്തെ ക്വാ​റ​ന്‍റൈൻ ഒ​ഴി​വാ​ക്കാ​നാ​കു​മെ​ന്നും ഫ​ലം നെ​ഗ​റ്റീ​വ് ആ​ണെ​ങ്കി​ൽ ക്വാ​റ​ന്ൈ‍​റ​നി​ൽ നി​ന്നും പു​റ​ത്ത് വ​രാ​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. അ​തി​നി​ടെ രാ​ജ്യ​ത്തെ എ​ല്ലാ പൗ​ര·ാ​രും കൊ​റോ​ണ വൈ​റ​സ് പ്ര​തി​രോ​ധ ന​ട​പ​ടി​ക​ൾ ക​ർ​ശ​ന​മാ​യി പാ​ലി​ക്ക​ണ​മെ​ന്നും വൈ​റ​സ് പ​ട​രു​ന്ന​ത് ത​ട​യാ​ൻ വാ​ക്സി​ൻ ബൂ​സ്റ്റ​ർ ഡോ​സ് സ്വീ​ക​രി​ക്ക​ണ​മെ​ന്നും മ​ന്ത്രി​സ​ഭ അ​ഭ്യ​ർ​ഥി​ച്ചു.

സ​ലിം കോ​ട്ട​യി​ൽ

Copyright @ 2022 , Rashtra Deepika Ltd.