60 ക​ഴി​ഞ്ഞ വി​ദേ​ശി​ക​ളു​ടെ താ​മ​സ​രേ​ഖ പു​തു​ക്ക​ൽ: പ​രി​ഹാ​രം ക​ണ്ടെ​ത്തു​മെ​ന്ന് അ​ധി​കൃ​ത​ർ
Tuesday, January 18, 2022 9:00 PM IST
കു​വൈ​റ്റ് സി​റ്റി: ബി​രു​ദ വി​ദ്യാ​ഭ്യാ​സ​മി​ല്ലാ​ത്ത അ​റു​പ​ത് വ​യ​സും അ​തി​ൽ കൂ​ടു​ത​ലു​മു​ള്ള താ​മ​സ​ക്കാ​രു​ടെ റെ​സി​ഡ​ൻ​സി പു​തു​ക്കു​ന്ന​തു​മാ​യി ബ​ന്ധ​പ്പെ​ട്ട് ഉ​ട​ൻ പ​രി​ഹാ​രം കാ​ണു​മെ​ന്ന് അ​ധി​കൃ​ത​ർ അ​റി​യി​ച്ചു. നീ​തി​ന്യാ​യ മ​ന്ത്രി ജ​മാ​ൽ അ​ൽ ജ​ലാ​വി​യു​ടെ പ്ര​ഥ​മ പ​രി​ഗ​ണ​ന​യി​ൽ ഈ ​പ്ര​ശ്ന​മു​ണ്ടെ​ന്നും എ​ത്ര​യും വേ​ഗം പ​രി​ഹാ​രം ക​ണ്ടെ​ത്തു​മെ​ന്നും ഉ​ന്ന​ത വൃ​ത്ത​ങ്ങ​ളെ ഉ​ദ്ധ​രി​ച്ച് അ​ൽ ജ​രി​ദ ദി​ന​പ​ത്രം റി​പ്പോ​ർ​ട്ട് ചെ​യ്തു.

60 വ​യ​സി​ന് മു​ക​ളി​ൽ പ്രാ​യ​മു​ള്ള ബി​രു​ദ​മി​ല്ലാ​ത്ത വി​ദേ​ശി​ക​ൾ​ക്ക് ക​ർ​ശ​ന വ്യ​വ​സ്ഥ​യോ​ടെ ആ​രോ​ഗ്യ ഇ​ൻ​ഷു​റ​ൻ​സും നി​ശ്ചി​ത സം​ഖ്യ വാ​ർ​ഷി​ക ഫീ​സ് ഈ​ടാ​ക്കി​യും ഇ​ഖാ​മ പു​തു​ക്കി ന​ൽ​കു​വാ​ൻ നേ​ര​ത്തെ തീ​രു​മാ​നം കൈ​കൊ​ണ്ടി​രു​ന്നു. നേ​ര​ത്തെ​യു​ള്ള വാ​ർ​ത്ത​ക​ൾ പ്ര​കാ​രം ആ​രോ​ഗ്യ ഇ​ൻ​ഷു​റ​ൻ​സ് ഉ​ൾ​പ്പെ​ടെ പ്ര​തി​വ​ർ​ഷം ആ​യി​രം മു​ത​ൽ 1100 ദി​നാ​ർ വ​രെ ഫീ​സാ​യി​രി​ക്കും ഈ​ടാ​ക്കു​ക​യെ​ന്നാ​ണ് സൂ​ച​ന​ക​ൾ.

അ​വി​ദ​ഗ്ധ തൊ​ഴി​ലാ​ളി​ക​ളെ പ​ര​മാ​വ​ധി കു​റ​ച്ച് രാ​ജ്യ​ത്ത് ജ​ന​സം​ഖ്യാ സ​ന്തു​ല​നം സാ​ധ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് ക​ഴി​ഞ്ഞ ജ​നു​വ​രി​യി​ൽ മാ​ൻ​പ​വ​ർ അ​തോ​റി​റ്റി പ്രാ​യ​പ​രി​ധി നി​ബ​ന്ധ​ന ന​ട​പ്പാ​ക്കി​യ​ത്. 60 വ​യ​സി​നു മു​ക​ളി​ൽ പ്രാ​യ​മാ​യ ബി​രു​ദ വി​ദ്യാ​ഭ്യാ​സ​മി​ല്ലാ​ത്ത പ്ര​വാ​സി​ക​ൾ​ക്ക് തൊ​ഴി​ൽ ക​രാ​ർ പു​തു​ക്ക​രു​തെ​ന്ന് മാ​ന​വ​ശേ​ഷി സ​മി​തി ഉ​ത്ത​ര​വും പു​റ​പ്പെ​ടു​വി​ച്ചി​രു​ന്നു. എ​ന്നാ​ൽ ഉ​ത്ത​ര​വ് കു​വൈ​റ്റ് ഭ​ര​ണ​ഘ​ട​നാ വി​രു​ദ്ധ​മാ​ണെ​ന്ന് ഫ​ത്വ ലെ​ജി​ളേ​റ്റീ​വ് സ​മി​തി അ​ഭി​പ്രാ​യ​പ്പെ​ട്ട​തോ​ടെ ഉ​ത്ത​ര​വ് സ്വ​യം റ​ദ്ദാ​ക്കു​ക​യാ​യി​രു​ന്നു. 60 വ​യ​സ് ക​ഴി​ഞ്ഞ പ്ര​വാ​സി​ക​ളു​ടെ താ​മ​സ​രേ​ഖ പു​തു​ക്കു​ന്ന​തു​മാ​യി ബ​ന്ധ​പ്പെ​ട്ട് ഇ​നി​യും അ​ന്തി​മ തീ​രു​മാ​നം ഉ​ണ്ടാ​വാ​ത്ത​ത് മ​ല​യാ​ളി​ക​ൾ അ​ട​ക്ക​മു​ള്ള ആ​യി​ര​ക്ക​ണ​ക്കി​ന് പ്ര​വാ​സി​ക​ൾ ക​ടു​ത്ത ആ​ശ​ങ്ക​യാ​ണ് സൃ​ഷ്ടി​ക്കു​ന്ന​ത്. അ​റു​പ​ത് ക​ഴി​ഞ്ഞ നൂ​റു​ക്ക​ണ​ക്കി​ന് പേ​ർ താ​ൽ​ക്കാ​ലി​ക വി​സ​യി​ലാ​ണ് കു​വൈ​റ്റി​ൽ താ​മ​സി​ക്കു​ന്ന​ത്.

സ​ലിം കോ​ട്ട​യി​ൽ

Copyright @ 2022 , Rashtra Deepika Ltd.