കല കുവൈറ്റ് പ്രതിഷേധിച്ചു
Tuesday, January 11, 2022 5:49 PM IST
കുവൈറ്റ് സിറ്റി: ഇടുക്കി പൈനാവ് ഗവൺമെന്‍റ് എൻജിനിയറിംഗ് കോളജിലെ അവസാന വർഷ വിദ്യാർഥിയും എസ് എഫ് ഐ പ്രവർത്തകനുമായ ധീരജ് രാജേന്ദ്രന്‍റെ കൊലപാതകത്തിൽ കേരള ആര്‍ട്ട് ലവേഴ്സ് അസോസയേഷന്‍, കല കുവൈറ്റ് പ്രതിഷേധിച്ചു.

സമാധാനന്തരീക്ഷം നിലനിൽക്കേണ്ട വിദ്യാലയങ്ങളെ കലാപകേന്ദ്രങ്ങളാക്കി മാറ്റാനും സംസ്ഥാനത്തെ സമാധാനന്തരീക്ഷം തകർക്കാനുമുള്ള യുഡിഫ് - ബിജെപി നീക്കത്തിനെതിരെ ജനങ്ങൾ നിതാന്ത ജാഗ്രത പാലിക്കണമെന്നും നിരപരാധികളെ കൊന്നൊടുക്കുന്ന രാഷ്ട്രീയത്തിനെതിരെ ശക്തമായ പ്രതിഷേധം ഉയർന്നുവരണമെന്നും സംഭവത്തിൽ ശക്തമായി പ്രതിഷേധിക്കുന്നതായും കല കുവൈറ്റ് പ്രസിഡന്‍റ് ജ്യോതിഷ് ചെറിയാൻ, ജനറൽ സെക്രട്ടറി സി.കെ നൗഷാദ് എന്നിവർ പ്രതിഷേധ കുറിപ്പിലൂടെ അറിയിച്ചു.

സലിം കോട്ടയിൽ

Copyright @ 2022 , Rashtra Deepika Ltd.