ദോഹ: ഖത്തർ സഹമന്ത്രിയും മുൻ സാംസ്കാരിക മന്ത്രിയുമായ ഡോ. ഹമദ് ബിൻ അബ്ദുൽ അസീസ് അൽ കുവാരിയുടെ അലാ ഖദ് രി അഹ് ലിൽ അസം എന്ന കൃതിയുടെ മലയാള വിവർത്തനമായ ഒരു അറബ് നയതന്ത്രജ്ഞന്‍റെ സാംസ്കാരിക വിചാരങ്ങൾ എന്ന പുസ്തക പ്രകാശന ചടങ്ങ് ഇന്തോ ഖത്തർ സാംസ്കാരിക വിനിമയത്തിന്‍റെ വേറിട്ട വേദിയായി. ഖത്തറിന്‍റെ സാംസ്കാരിക ആസ്ഥാനമായ കതാറ കൾച്ചറൽ വില്ലേജിൽ നടന്ന പ്രകാശന ചടങ്ങ് ഖത്തറിലെ സാമൂഹിക, സാംസ്കാരിക രാംഗങ്ങളിൽ നിറഞ്ഞ് നിൽക്കുന്ന അറബ്, ഇന്ത്യൻ വ്യക്തിത്വങ്ങളുടെ സാന്നിധ്യം കൊണ്ട് ശ്രദ്ധേയമായി. ഖത്തറിലെ ഇന്ത്യൻ സമൂഹത്തിന്‍റെ സാമൂഹ്യ സാംസ്കാരിക വേദിയായ സെന്‍റർ ഫോർ ഇന്ത്യൻ കമ്മ്യൂണിറ്റിയും കതാറയും സംയുക്തമായാണ് സവിശേഷമായ പ്രകാശന ചടങ്ങ് സംഘടിപ്പിച്ചത്.
ഗൾഫ് മേഖലയിലെ ശ്രദ്ധേയനായ നയതന്ത്രജ്ഞനും സാമൂഹ്യ സാംസ്കാരിക വ്യക്തിത്വവുമായ ഡോ. ഹമദ് ബിൻ അബ്ദുൽ അസീസ് അൽ കുവാരിയുടെ അറബിയിലുള്ള അലാ ഖദ്രി അഹ് ലിൽ അസ്മ്’ എന്ന പുസ്തകത്തിന്‍റെ ഏഴാമത്തെ ഭാഷാ പരിഭാഷയാണ് മലയാളത്തിൽ ഒരു അറബ് നയതന്ത്രജ്ഞന്‍റെ സാംസ്കാരിക വിചാരങ്ങൾ’ എന്ന പേരിൽ പുറത്തിറങ്ങിയത്. ദോഹയിലെ എഴൂത്തുകാരനും വിവർത്തകനുമായ ഹുസൈൻ കടന്നമണ്ണ മൊഴിമാറ്റം നടത്തിയ പുസ്തകം കോഴിക്കോട് കേന്ദ്രമായി പ്രവർത്തിക്കുന്ന ഇസ് ലാമിക് പബ്ളിഷിംഗ് ഹൗസാണ് പ്രസിദ്ധീകരിച്ചത്.
കതാറ ജനറൽ സർവീസ് വിഭാഗം മാനേജർ ഹുസൈൻ അൽ ബാകിർ ഇന്ത്യൻ അാംബാസഡർ ഡോ. ദീപക് മിത്തലിന് ആദ്യ പ്രതി നൽകി പുസ്തകം പ്രകാശനം ചെയ്തു.
ഇന്ത്യയും ഖത്തറും തമ്മിലുള്ള നൂറ്റാണ്ടുകാലത്തിന്‍റെ സൗഹൃദ തുടർച്ചയാവാം ഖത്തറിനെ അടയാളപ്പെടുത്തുന്ന പുസ്തകത്തിന്‍റെ മലയാള പരിഭാഷയെന്ന് പുസ്തകം ഏറ്റുവാങ്ങി സംസാരിച്ച ഇന്ത്യൻ അംബാസഡർ ഡോ. ദീപക് മിത്തൽ പറഞ്ഞു. ഖത്തറിന്‍റെ ചരിത്രവും വർത്തമാനവുമെല്ലാം കൂടുതൽ ഇന്ത്യക്കാരിലെത്താൻ പുസ്തകം സഹായകമാകുമെന്ന് അദ്ദേഹം പ്രത്യാശ പ്രകടിപ്പിച്ചു.
വിവർത്തകൻ ഹുസൈൻ കടന്നമണ്ണ പുസ്തകം പരിചയപ്പെടുത്തി. ലക്ഷണമൊത്ത അറബിയിലുള്ള ഹുസൈന്‍റെ പ്രസംഗം പരിപാടിയിൽ പങ്കെടുത്ത മുഴുവനാളുകളുടേയും ശ്രദ്ധ പിടിച്ചുപറ്റി. ഗ്രന്ഥകാരൻ ഡോ. ഹമദ് ബിൻ അബ്ദുൽ അസീസ് അൽ കുവാരി തന്‍റെ പ്രസംഗത്തിൽ ഒഴുക്കുള്ള അറബി ഭാഷയിലുള്ള വിവർത്തകന്‍റെ മനോഹരമായ സംസാരത്തെ അഭിനന്ദിക്കുകയും പുസ്കത്തിന്‍റെ വൈകാരിക തലങ്ങൾ ഹുസൈന്‍റെ പേനയിൽ സുരക്ഷിതമാണെന്ന് ബോധ്യപ്പെട്ടതായി അഭിപ്രായപ്പെടുകയും ചെയ്തു.പ്രസാധകരായ ഇസ്ലാമിക് പബ്ലിഷിംഗ് ഹൗസ് ഡയറക്ടർ ഡോ. കൂട്ടിൽ മുഹമ്മദലി ഓണ്‍ലൈൻ വഴി ചടങ്ങിൽ സാംസാരിച്ചു.
സിഐസി പ്രസിഡന്‍റും സാംഘാടക സമിതി ചെയർമാനുമായ കെ.ടി അബ്ദുൽറഹ്മാൻ ആമുഖ പ്രഭാഷണം നടത്തി.
ഖത്തറിലെ മലയാളി എഴുത്തുകാരായ എം.എസ് അബ്ദുൽ സാഖ്, ഫസ്ലു റഹ്മാൻ കൊടുവള്ളി, ഡോ. താജ് ആലുവ, മുഹമ്മദലി ശാന്തപുരം, അമാനുല്ല വടക്കാങ്ങര, ഫൈസൽ അബൂബക്കർ, സലിം ഹമദാനി, ഹാരിസ് ബാലുശേരി എന്നിവരെ ചടങ്ങിൽ മെമന്‍റോ നൽകി ആദരിച്ചു.
ഖത്തർ ഓഥേർസ് ഫോറം പസിഡന്‍റും സാംസ്കാരിക മന്ത്രാലയം ഡയറക്ടറുമായ മർയം യാസിൻ അൽ ഹമ്മാദി, സാംസ്കാരിക മന്ത്രാലയം വിവർത്തനവിഭാഗം ഡയറക്ടർ മുഹമ്മദ് ഹസൻ അൽകുവാരി, ഡോ. മഹ്മൂദ് അൽ മഹ്മൂദ്, സിഐസി മുൻ പ്രസിഡന്‍റും കൂടിയാലോചന സമിതി അംഗവമായ കെ.സി അബ്ദുൽലത്തീഫ ് എന്നിവർ ഉപഹാരം സമ്മാനിച്ചു.
വിദ്യാഭ്യാസ മന്ത്രാലയം അണ്ടർ സെക്രട്ടറി ഡോ. ഇബ്രാഹിാം അൽ നുഐമിയെ പ്രതിനിധീകരിച്ച് ഡോ. അഹമ്മദ് ഇബ്രാഹിം ആശംസാ പ്രസംഗം നടത്തി. സിഐസി പ്രസിഡന്‍റ് കെ.ടി.അബ്ദുറമാൻ, വൈസ് പ്രസിഡണ്ടുമാരായ ടി.കെ. ഖാസിം,ഹബീബുറമാൻ കിഴിശ്ശേരി എന്നിവർ വിശിഷ്ടാതിഥികളെ ആദരിച്ചു.
ഐസിസി പ്രസിഡന്‍റ്് പി.എൻ ബാബുരാജൻ, ഐസിബിഎഫ് വൈസ് പ്രസിഡന്‍റ് വിനോദ് നായർ, ഇന്ത്യൻ സ്പോർട്സ് സെന്‍റർ ഉപദേശക സമിതി ചെയർമാൻ കെ. മുഹമ്മദ് ഈസ, ഖത്തരർ ഇന്ത്യൻ ഓഥേർസ് ഫോറം പ്രസിഡന്‍റ് ഡോ. കെ.സി. സാബു തുടങ്ങി നിരവധി പ്രമുഖർ ചടങ്ങിൽ സംബന്ധിച്ചു.
അമാനുല്ല വടക്കാങ്ങര