കുവൈറ്റിൽ 25 ലക്ഷം പേർക്ക് വാക്സിനേഷന്‍ നല്‍കിയതായി ആരോഗ്യ മന്ത്രി
Wednesday, August 4, 2021 1:58 PM IST
കുവൈറ്റ് സിറ്റി: രാജ്യത്ത് ഇതുവരെയായി ഇരുപത്തിയഞ്ച് ലക്ഷത്തിലേറെ ആളുകള്‍ക്ക് വാക്സിന്‍ നല്‍കിയതായി ആരോഗ്യ മന്ത്രാലയം. ആരോഗ്യ മന്ത്രി ഷെയ്ഖ് ബാസല്‍ അല്‍ സബാഹ് ആണ് ഇക്കാര്യം അറിയിച്ചത്. രാജ്യത്തെ കൊവിഡ് സാഹചര്യം ഏറെ മെച്ചപ്പെട്ടുവെന്നും പ്രതിദിന കണക്കിലും ആശുപത്രികളിലും തീവ്രപരിചരണ വിഭാഗത്തിലും ചികിത്സ ആവശ്യമുള്ളവരുടെ കണക്കിലും ഏറെ കുറവുണ്ടെന്നും അദ്ദേഹം പറഞ്ഞു.

ഒപ്പം രോഗമുക്തി നിരക്ക് 96 ശതമാനത്തില്‍ കൂടിയിട്ടുമുണ്ട്. ആരോഗ്യ മുന്‍കരുതലുകള്‍ തുടരേണ്ട ആവശ്യകതയെ കുറിച്ച് ഊന്നിപ്പറഞ്ഞ മന്ത്രിസഭ നിലവിലെ സ്ഥിതിഗതികളില്‍ തൃപ്തി പ്രകടിപ്പിച്ചു.

റിപ്പോർട്ട്: സലിം കോട്ടയിൽ

Copyright @ 2022 , Rashtra Deepika Ltd.